(vovworld) - ໂດຍນອນໃນລະດັບຄວາມສູງແຕ່ 1.500 ຫາ 1.800 ແມັດ ເມື່ອທຽບໃສ່ໜ້ານຳ້ທະເລ, ເຊິ່ງແມ່ນເຂດທີ່ມີອາກາດອົບອຸ່ນພໍດີດ້ວຍອຸນຫະພຸມສະເລ່ຍແຕ່ 15 – 18 ອົງສາ, ເມືອງ ຊາປາ, ແຂວງ ລາວກາຍ ມີທ່າແຮງຫຼາຍຢ່າງເພື່ອພັດທະນາຕົ້ນຢາສະໝູນໄພຊະນິດຕ່າງໆຂອງທ້ອງຖິ່ນ. ໃນຊຸມປີມໍ່ໆມານີ້, ຫຼາຍຄອບຄົວຊາວກະສິກອນຢູ່ເຂດພູສູງນີ້ໄດ້ພັດທະນາຢາສະໝູນໄພທີ່ຫາຍາກຈຳນວນໜຶ່ງ, ເພື່ອສະໜອງແຫຼ່ງວັດຖຸດິບຮັບໃຊ້ຄວາມຕ້ອງການຜະລິດຢາພາຍໃນປະເທດ. ໃນໄລຍະຜ່ານມາ, ປະສິດທິຜົນດ້ານເສດຖະກິດໂດຍຕົ້ນຢາສະໝູນໄພນຳມາໃຫ້, ເປີດທິດທາງຊ່ວຍໃຫ້ປະຊາຊົນຢູ່ ຊາປາ ພັດທະນາເສດຖະກິດ ແລະ ສ້າງຄວາມຮັ່ງມີ. ບົດຂຽນຂອງແທງຖູຍ, ນັກຂ່າວ VOV.
ໂດຍໄດ້ຮັບຄວາມສົນໃຈຈາກອຳນາດການປົກຄອງທ້ອງຖິ່ນ, ເນື້ອທີ່ປູກຕົ້ນຢາສະໝູນໄພຢູ່ ຊາປາ ນັບມື້ນັບເພີ່ມຂຶ້ນ, ບັນດາປະເພດຕົ້ນຢາສະໝູນໄພໃໝ່ຖືກນຳມາປູກທົດລອງຢູ່ທີ່ນີ້. ໃນຈຳນວນປະເພດຕົ້ນຢາສະໝູນໄພທີ່ໃຫ້ປະສິດທິຜົນດ້ານເສດຖະກິດສູງນັ້ນ, ຕົ້ນ atiso ຢືນຢັນໄດ້ທີ່ຕັ້ງຂອງມັນ. ຄອບຄົວທ່ານ ມ໋າອາຊີງ, ເຊິ່ງແມ່ນໜຶ່ງໃນບັນດາຄອບຄົວປູກຕົ້ນ atiso ຫຼາຍທີ່ສຸດຢູ່ຕາແສງ ຊາປ໋າ. ຕົ້ນໄມ້ຊະນິດນີ້ພໍ່ພຽງແຕ່ໃຫ້ຄອບຄົວທ່ານ ມ໋າອາຊີງ ເກັບກ່ຽວ ໃບໄມ້ເທົ່ານັ້ນ ຫາກຍັງ ລຳຕົ້ນ, ຫົວ ແລະ ດອກຂອງມັນກໍ່ໄດ້ນຳມາເຊິ່ງແຫຼ່ງລາຍຮັບຫຼາຍພໍສົມຄວນອີກດ້ວຍ. ໂດຍໄດ້ຮັບການແນະນຳທາງດ້ານເຕັກນິກ ແລະ ມີບໍລິສັດຮັບປະກັນການຈຳໜ່າຍຜະລິດຕະພັນ, ດັ່ງນັ້ນທ່ານ ຊີງ ຈຶ່ງອຸ່ນອຽນໃຈບົວລະບັດຕົ້ນຢາສະໝູນໄພໃນເນື້ອທີ 3 ເຮັກຕາ. ທ່ານ ຊີງ ໃຫ້ຮູ້ດ້ວຍພາກພູມໃຈວ່າ:
“ຂ້າພະເຈົ້າປູກຕົ້ນ atiso ໃນເນື້ອທີ່ 3 ເຮັກຕາ, ຕາມການຄິດໄລ່ຂອງຄອບຄົວຂ້າພະເຈົ້າແລ້ວ, ຖ້າລົບຄ່າໃຊ້ຈ່າຍອອກໃນແຕ່ລະປີ, ຄອບຄົວຂ້າພະເຈົ້າກໍ່ມີລາຍຮັບປະມານ 300 ລ້ານດົ່ງ.”
ຕົ້ນ Atiso
Atiso ແມ່ນປະເພດຕົ້ນໄມ້ທີ່ນຳມາເຊິ່ງແຫຼ່ງລາຍຮັບດີພໍສົມຄວນ, ຊ່ວຍໃຫ້ຫຼາຍຄອບຄົວຢູ່ ຊາປາ ບືນຕົວຂຶ້ນຫລຸດຜົ້ນອອກຈາກຄວາມທຸກຍາກ ແລະ ສ້າງຄວາມຮັ່ງມີ. ເມື່ອເຫັນແຈ້ງຄວາມສາມາດບົ່ມຊ້ອນດ້ານເສດຖະກິດຈາກຕົ້ນ atiso, ເມືອງໄດ້ນຳຕົ້ນໄມ້ຊະນິດນີ້ເຂົ້າໃນບັນຊີລາຍຊື່ຕົ້ນໄມ້ທີ່ປູກເປັນຢາສະໝູນໄພຕົ້ນຕໍ. ປະຈຸບັນ, ທົ່ວເມືອງມີເນື້ອທີດິນປູກຕົ້ນ atiso ກ່ວາ 70 ເຮັກຕາ. ຄິດສະເລ່ຍແຕ່ລະປີ, ພໍ່ແມ່ປະຊາຊົນເກັບໃບສົດມາໄດ້ເກືອບ 4.000 ໂຕນ, ນຳມາເຊິ່ງແຫຼ່ງລາຍຮັບເກືອບ 8 ຕື້ດົ່ງ. ຕົ້ນ atiso ມີຕະຫຼາດຈຳໜ່າຍເປັນປົກກະຕິ, ໂດຍບໍລິສັດຫຸ້ນສ່ວນ Traphaco ໃຫ້ຄຳໝັ້ນສັນຍາຈຳໜ່າຍຜະລິດຕະພັນທັງໝົດໃຫ້ແກ່ປະຊາຊົນ. ເພື່ອແນໃສ່ຕອບສະໜອງເລື່ອງຈຳໜ່າຍ atiso ແລະ ຕົ້ນຢາສະໝູນໄພບາງປະເພດອື່ນໃນບໍລິເວນເມືອງ, ບໍລິສັດ Traphaco ຊາປາ ໄດ້ລົງທຶນ, ຕິດຕັ້ງບັນດາເຕັກໂນໂລຢີປຸງແຕ່ງທີ່ທັນສະໄໝ. ທ່ານ ໂດ໋ຕຽນສີ, ຜູ້ອຳນວຍການບໍລິສັດ Traphaco ຊາປາ, ໃຫ້ຮູ້ວ່າ:
“ໃນຊຸມປີມໍ່ໆມານີ້, ບໍລິສັດໄດ້ຕັ້ງໜ້າ ແລະ ເປັນເຈົ້າການໃນການຮ່ວມສຳພັນກັບ 4 ພາກສ່ວນ, ໃນນັ້ນກໍ່ພ້ອມກັນຮ່ວມກັບພໍ່ແມ່ປະຊາຊົນຊາວກະສິກອນ, ສົມທົບກັບທ້ອງຖິ່ນວາງແຜນກຳນົດເຂດປູກ, ພັດທະນາຕົ້ນຢາສະໝູນໄພ, ເຮັດແນວໃດເພື່ອໃຫ້ຕົ້ນຢາສະໝູນໄພແຕ່ລະປະເພດຈະຖືກປູກເຕົ້າໂຮມຢູ່ສະຖານທີ່ໜຶ່ງດຽວຕາມກຳນົດທິດຢ່າງລະອຽດ, ຜ່ານນັ້ນຍົກສູງສະມັດຕະພາບ, ຄຸນນະພາບຂອງຕົ້ນຢາສະໝູນໄພ.”
ໂດຍເສີມຂະຫຍາຍທ່າແຮງກ່ຽວກັບພູມອາກາດ ແລະ ທີ່ດິນ, ນັບແຕ່ປີ 2015, ເມືອງ ຊາປາ ໄດ້ຜັນຂະຫຍາຍໂຄງການປູກຕົ້ນຢາສະໝູນໄພປະເພດຕ່າງໆໃນເນື້ອທີ່ 4, 5 ເຮັກຕາໃຫ້ບາງຄອບຄົວຢູ່ຕາແສງ ຊາປ໋າ ແລະ ເທດສະບານເມືອງ ຊາປາ. ເພື່ອສົ່ງເສີມ, ເປີດກ້ວາງເນື້ອທີ່ປູກຕົ້ນຢາສະໝູນໄພນັ້ນ, ເມືອງໄດ້ມີຫຼາຍນະໂຍບາຍ, ສ້າງບັນດາແຜນການພັດທະນາ, ວາງແຜນກຳນົດເຂດປູກຕົ້ນຢາສະໝູນໄພ. ທ່ານນາງ ເຈີ່ນທິລານເຮືອງ, ຮອງຫົວໜ້າຫ້ອງການເສດຖະກິດເມືອງ ຊາປາ, ແຂວງ ລາວກາຍ, ໃຫ້ຮູ້ວ່າ:
“ໃນໄລຍະແຕ່ປີ 2015 – 2020, ເມືອງໄດ້ເອົາໃຈໃສ່ເປັນພິເສດເຖິງພັດທະນາເຂດປູກຢາສະໝູນໄພດ້ວຍເນື້ອທີ່ດິນຂຶ້ນເຖິງ 200 ເຮັກຕາ ແລະ ສຳລັບບັນດາເນື້ອທີ່ປູກຕົ້ນຢາສະໝູນໄພຊະນິດອື່ນໆ ການໂຄສະນາ, ຂົນຂວາຍໃຫ້ແກ່ບັນດາຄອບຄົວດຳເນີນການປູກໃຫ້ຖືກຕາມແຜນກຳນົດ, ບໍ່ພັດທະນາແບບເປັນຂະບວນການເພື່ອແນໃສ່ຈຳໜ່າຍຜະລິດຕະພັນໃຫ້ໝົດ.”
ໂດຍມີໜ້າຢູ່ ຊາປາ ໃນ 2, 3 ປີມານີ້, ແຕ່ຫຼາຍຄອບຄົວໄດ້ຫັນມາປູກຕົ້ນ atiso ແທນໃຫ້ການປູກເຂົ້າ ແລະ ບັນດາພືດຕາມລະດູ. ຍ້ອນວ່າ, ນີ້ແມ່ນຕົ້ນຢາສະໝູນໄພທີ່ນຳມາເຊິ່ງມູນຄ່າດ້ານເສດຖະກິດສູງ, ບໍ່ຕ້ອງບົວລະບັດໃສ່ຝຸ່ນຫຼາຍ ແລະ ມີສົ້ນອອກເປັນປົກກະຕິ, ນອກນັ້ນຍັງເໝາະສົມກັບດິນຟ້າອາກາດຂອງຊາປາ. ຫຼາຍຄອບຄົວຢູ່ ຊາປາ ໄດ້ຫລຸດພົ້ນອອກຈາກຄວາມທຸກຍາກ, ສ້າງຄວາມຮັ່ງມີຈາກຕົ້ນ atiso, ເຊິ່ງແມ່ນຕົ້ນຢາສະໝູນໄພທີ່ນຳມາເຊິ່ງປະສິດທິຜົນດ້ານເສດຖະກິດສູງ.