ໃນຊຸມມື້ລະດູບານໄໝ່ນີ້, ແຂວງອຽນບາຍ ຄືດັ່ງໄດ້ນຸ່ງເສື້ອໃໝ່. ສີຂຽວຂອງຕົ້ນໄມ້ປ່າ ໄດ້ເພີ່ມຄວາມສວຍງາມດ້ວຍຕົ້ນໄມ້ໃບຫຍ້າ ແລະ ດອກໄມ້ຫຼາກຫຼາຍສີຄືດັ່ງຊາວກະສີກອນຜູ້ອື່ນໆ, ປ້າ ຮ່າທິລຽນ ຢູ່ຕາແສງ ວູລິງ, ເມືອງອຽນບິ່ງ, ແຂວງ ອຽນບ໋າຍ ມີຄວາມພາກພູມໃຈເມື່ອທົບທວນຄືນໝາກຜົນໃນການປູກປ່າເປັນເວລາ 1 ປີ.
“ປູກປ່າແມ່ນບັນລຸປະສິດທິຜົນດີທີ່ສຸດ, ທີ່ໜຶ່ງແມ່ນຂະຫຍາຍຕົ້ນໄມ້ຢູ່ຕາມເຂດດິນເປົ່າວ່າງພູຫົວລົ້ນ, ທີ່ສອງແມ່ນເພີ່ມລາຍຮັບໄດ້ນັບຮ້ອຍລ້ານດົ່ງໃນແຕ່ລະປີ. ເສດຖະກິດຂອງຄອບຄົວໄດ້ເພີ່ມຂຶ້ນ, ສາມາດຊື້ໄດ້ເຄື່ອງຂອງພາຫະນະ. ຫວັງວ່າ, ພໍ່ແມ່ປະຊາຊົນພະຍາຍາມປູກປ່າ”.
ກໍເຊັ່ນດຽວກັນກັບຄອບຄົວປ້າ ລຽນ, ເມື່ອເຫັນໄດ້ຜົນປະໂຫຍດຈາກການປູກປ່າ, ແທນທີ່ປະປ່ອຍໃຫ້ດິນວ່າງເປົ່າ, ພູຫົວໂລ້ນ, ໃນຊຸມປີມໍ່ໆມານີ້, ຊາວກະສີກອນແຂວງອຽນບ໋າຍ ມີຄວາມເມົາມົວກັບການປູກຕົ້ນໄມ້ເປັນປ່າ. ຢູ່ບັນດາທ້ອງຖິ່ນທີ່ດີນຟ້າອາກາດເອື້ອອຳນວຍຄວາມສະດວກ, ຊາວກະສີກອນຍັງຍາດແຍ່ງເວລາເພື່ອປູກຕົ້ນໄມ້ອື່ນໆຕື່ມອີກຫຼາຍຊະນິດເພື່ອເພີ່ມປະລິມານໄມ້. ຢູ່ບັນດາທ້ອງຖິ່ນທີ່ມີຝົນຕົກໜ້ອຍ, ພິເສດແມ່ນບັນດາເມືອງຢູ່ທາງທິດຕາເວັນຕົກຂອງແຂວງ, ເລື່ອງປູກປ່າຈະປະສົບກັບຄວາມຫຍຸ້ງຍາກກວ່າ ແຕ່ວຽກງານປູກປ່າກໍໄດ້ຮັບການຜັນຂະຫຍາຍຢ່າງມີປະສິດທິຜົນ. ໃນແຕ່ລະລະດູປູກປ່າ, ຢູ່ບັນດາເມືອງ, ເທດສະບານ, ບັນດານັກເຕັກນິກລ້ວນແຕ່ລົງຕົວຈິງພ້ອມກັບປະຊາຊົນ ເພື່ອຂົນຂວາຍ, ໂຄສະນາ ແນະນຳໃຫ້ພໍ່ແມ່ປະຊາຊົນກ່ຽວກັບເຕັກນິກການປູກຝັງ, ກ້າເບ້ຍໄມ້ ແລະ ບົວລະບັດຕົ້ນໄມ້ປ່າ. ທ່ານ ຫງວຽນດຶກດ້ຽນ, ຮອງປະທານຄະນະກຳມະການປະຊາຊົນເມືອງ ອຽນບິ່ງ ໃຫ້ຮູ້ວ່າ.
“ອຽນບິ່ງ ມີເງື່ອນໄຂເພື່ອພັດທະນາການປູກປ່າ, ມິຄວາມສະດວກທາງຄົມມະນາຄົມ, ທີ່ດິນ, ມີຄວາມສະດວກໃນການຈຳໜ່າຍຜະລິດຕະພັນ. ສະນັ້ນ, ສະຕິຄວາມຮັບຮູ້ຂອງປະຊາຊົນໃນການພັດທະນາຂະແໜງປູກປ່າກໍໄດ້ຮັບການຍົກສູງຂຶ້ນ. ເພື່ອເຮັດສຳເລັດຕາມຄາດໝາຍ, ນັບແຕ່ຕົ້ນປີທາງເມືອງໄດ້ສ້າງແຜນການຂຸດຄົ້ນໄມ້ ເພື່ອໃຫ້ມີເນື້ອທີ່ປູກປ່າ, ທີ່ສອງແມ່ນກະກຽມແນວປູກ, ທີ່ສາມແມ່ນມີກົນໄກໜູນຊ່ວຍໃຫ້ຊາວກະສີກອນ”.
ປະຈຸບັນ, ແຂວງອຽນບ໋າຍ ມີເນື້ອທີ່ປ່າ 240 ເຮັກຕາ, ອັດຕາການປົກຄຸມຂອງປ່າບັນລຸກວ່າ 61,2% ແລະ ພວມສືບຕໍ່ໄດ້ຮັບການຍົກສູງຂຶ້ນ ເມື່ອແຕ່ລະປີຢູ່ບັນດາທ້ອງຖິ່ນໄດ້ປູກປ່າໃໝ່ດ້ວຍເນື້ອທີ່ 15 ເຮັກຕາ. ກ່ອນທີ່ຈະກ້າວເຂົ້າສູ່ແຕ່ລະລະດູປູກປ່າ, ກົມປ່າໄມ້ຂອງແຂວງ ໄດ້ພ້ອມກັບບັນດາເມືອງ, ເທດສະບານ, ນະຄອນ ແລະ ບັນດາຫົວໜ່ວຍກ່ຽວຂ້ອງດຳເນີນການສຳຫຼວດກວດກາ, ອອກແບບ, ກະກຽມທີ່ດິນ ແລະ ສ້າງແຜນການຢ່າງລະອຽດເພື່ອມອບໃຫ້ບັນດາຕາແສງ. ໄປຄຽງຄູ່ກັນນັ້ນແມ່ນການຊີ້ນຳບັນດາເມືອງ, ເທດສະບານ, ຄະນະຄຸ້ມຄອງປ່າຂອງທ້ອງຖິ່ນຕ່າງໆ, ນິຄົມກະສິກຳປ່າໄມ້ຕ່າງໆກະກຽມແນວພັນປູກທຸກຊະນິດ, ຕອບສະໜອງໃຫ້ການປູກປ່າໃນລະດູບານໃໝ່ຢ່າງຄົບຖ້ວນ. ທ່ານ ກ່ຽວຢາງຕື, ຫົວໜ້າກົມກະສິກຳປ່າໄມ້ ແຂວງ ອຽນບ໋າຍ ໃຫ້ຮູ້ວ່າ.
“ການກຳນົດແນວປູກແມ່ນປັດໃຈສຳຄັນໃນການຜະລິດກະສິກຳປ່າໄມ້, ສະນັ້ນ, ພວກຂ້າພະເຈົ້າໄດ້ຄຸ້ມຄອງຈາກຂອດຊື້ແນວພັນ, ຕ້ອງມີຕົ້ນກຳເນີດຢ່າງຈະແຈ້ງ, ແທດເໝາະກັບເງື່ອນໄຂທີ່ດິນຂອງອຽນບ໋າຍ. ຖ້າບໍ່ເໝາະສົມ ແລະ ບໍ່ມີໃນສາລະບານສິນຄ້ານຳເຂົ້າຂອງກະຊວງກະສີກຳ ແລະ ພັດທະນາຊົນນະບົດ ຂອງກົມປ້ອງກັນພືດນັ້ນ ພວກຂ້າພະເຈົ້າຈະບໍ່ນຳໄປປູກຢ່າງເດັດຂາດ”.
ກໍເຊັ່ນດຽວກັນກັບລະດູບານໃໝ່ທຸກໆປີ, ໃນຊຸມມື້ນີ້, ປະຊາຊົນຢູ່ທ້ອງຖິ່ນຕ່າງໆຂອງແຂວງອຽນບ໋າຍ ພວມກ້າວເຂົ້າສູ່ລະດູປູກຕົ້ນໄມ້ເປັນປ່າໃໝ່ ຍ້ອນເຫັນໄດ້ເຖິງຜົນປະໂຫຍດຈາກການປູກປ່າ.