(vovworld) - ພາຍຫຼັງ 5 ປີ ແຫ່ງການປະຕິບັດລາຍການພັດທະນາໂຄງການປູກຕົ້ນຢາງພາລາ, ເຂດດິນເປົ່າຫວ່າງ, ໂນນພູຫວໂລ້ນສ່ວນຫຼາຍຢູ່ເມືອງວັນເຈິ໋ນ ແລະ ວັນອຽນ ໄດ້ຮັບການປົກຄຸມໄປດ້ວຍສີຂຽວອຸ່ມທູ່ມຂອງຕົ້ນຢາງພາລາ. ຕົ້ນໄມ້ປະເພດນີ້ບໍ່ພຽງແຕ່ຊ່ວຍໃຫ້ປະຊາຊົນຫຼາຍຄົນຢູ່ສອງເມືອງດັ່ງກ່າວມີວຽກເຮັດງານທຳ, ສ້າງລາຍຮັບເປັນປົກກະຕິ, ລົບລ້າງຄວາມອຶດຫີວທຸກຍາກເທື່ອລະກ້າວເທົ່ານັ້ນ, ຫາກຍັງປະກອບສ່ວນຊ່ວຍທ້ອງຖີ່ນປະຕິບັດໂຄງການກໍ່ສ້າງຊົນນະບົດໃໝ່ຢ່າງມີໄຊອີກດ້ວຍ.
ຕົ້ນຢາງພາລາຢູ່ອຽນບ້າຍ
ຕົ້ນຢາງພາລາເລີ່ມປູກຢູ່ ເມືອງວັນເຈິ໋ນ ແລະ ວັນອຽນ ເມື່ອປີ 2010, ແຕ່ຮອດປີ 2011, ບໍລິສັດຢາງພາລາອຽນບ໋າຍ ຈຶ່ງຊອກໄດ້ແນວພັນທີ່ເໝາະສົມກັບທີ່ດິນ ແລະ ອາກາດຢູ່ທ້ອງຖີ່ນ. ນັບແຕ່ນັ້ນ, ດ້ວຍຄວາມດຸໝັ່ນຂະຫຍັນພຽນຂອງກຳມະກອນ, ຕົ້ນຢາງພາລາທີ່ປູກຢູ່ທີ່ນີ້ກໍ່ຂຽວອຸ່ມທຸ່ມ ແລະປົກຄຸມໄປທົ່ວໂນນພູ, ດ້ວຍຄວາມສູງສະເລ່ຍປະມານ 4 ມ/ຕົ້ນ. ນັບແຕ່ມີໂຄງການປູກຕົ້ນຢາງພາລາ, ຜູ້ອອກແຮງງານກວ່າ 700 ຄົນ, ເຊິ່ງສ່ວນຫຼາຍແມ່ນຊາວຊົນເຜົ່າສ່ວນໜ້ອຍເຊັ່ນ: ຊົນເຜົ່າຢາວ, ໄທ, ເຄີມູ໋, ໄຕ, ນຸ່ງ… ໄດ້ມີວຽກເຮັດງານທຳເປັນປົກກະຕິ. ເອື້ອຍເລື່ອງທິຈີ໋ນ, ຊາວເຜົ່າຜູ້ໄທ, ຢູ່ບ້ານ ກົກກູ, ຕາແສງຟູ໋ຍາມ, ແບ່ງປັນວ່າ:
“ກ່ອນນີ້ເມື່ອບໍ່ທັນມີຕົ້ນຢາງພາລາ, ຂ້າພະເຈົ້າອອກແຮງງານແບບເສລີ. ນັບແຕ່ບ້ານປູກຕົ້ນຢາງພາລາ ແລະ ໄດ້ຮັບການແນະນຳຈາກນັກເຕັກນິກ, ພວກຂ້າພະເຈົ້າໄດ້ຮູ້ວິທີບົວລະບັດຕົ້ນຢາງພາລາ. ຂ້າພະເຈົ້າແລະທຸກຄົນຈະຕິດພັນກັບບໍລິສັດຢາງພາລາໃນໄລຍະຍາວ“.
ຕົ້ນຢາງພາລາປະກົດຕົວຢູ່ແຂວງອຽນບ໋າຍ, ບໍ່ພຽງແຕ່ນຳມາເຊິ່ງສີຂຽວອຸ່ມທຸ່ມໃຫ້ແກ່ເຂດດິນເປົ່າຫວ່າງ, ໂນນພູຫົວໂລ້ນເທົ່ານັ້ນ, ຫາກຍັງນຳເອົາຊີວິດໃໝ່ມາໃຫ້ແກ່ປະຊາຊົນທ້ອງຖີ່ນອີກດ້ວຍ. ໃນເມື່ອກ່ອນ, ຄອບຄົວອ້າຍ ຫຼີຕ໋ຽນທໍ້, ຊາວເຜົ່າຢ້າວຢູ່ບ້ານຊ໋ວຍບັກ, ຕາແສງຊ໋ວຍກວ່ຽນ, ເມືອງວັນເຈິ໋ນພຽງແຕ່ປູກເຂົ້າ, ພືດໃນໄຮ່ເປັນຕົ້ນ, ດັ່ງນັ້ນຊີວິດປະສົບກັບຄວາມຫຍຸ້ງຍາກ, ຂາດເຂີນຫຼາຍ. ເມື່ອຜັນຂະຫຍາຍໂຄງການປູກຕົ້ນຢາງພາລາ, ອ້າຍ ທໍ້ ໄດ້ຮັບເໝົາບົວລະບັດຕົ້ນຢາງພາລາໃນເນື້ອທີ່ 2 ເຮັກຕາ... ແຕ່ລະເດືອນຄອບຄົວສ້າງລາຍຮັບຕື່ມອີກແຕ່ 3 – 3,5 ລ້ານຄົງ. ຍ້ອນມີຕົ້ນຢາງພາລາ, ຄອບຄົວອ້າຍ ທໍ້ ກໍ່ຄືຫຼາຍຄອບຄົວອື່ນໆຢູ່ເມືອງວັນເຈິ໋ນ ໄດ້ຫຼຸດພົ້ນອອກຈາກຄວາມທຸກຍາກ. ອ້າຍ ຫຼີຕ໋ຽນທໍ້, ໃຫ້ຮູ້ວ່າ:
“ຂ້າພະເຈົ້າເຫັນວ່າເລື່ອງນຳຕົ້ນພາລາມາປູກຢູ່ທີ່ນີ້ແມ່ນເໝາະສົມທີ່ສຸດ. ຊາວກະສີກອນພວກຂ້າພະເຈົ້າຜູ້ໃດກໍ່ຢາກເຂົ້າຮ່ວມລາຍການການປູກ ແລະ ບົວລະບັດຕົ້ນຢາງພາລາ, ຍ້ອນທັງມີວຽກເຮັດງານທຳ, ທັງສ້າງລາຍຮັບຕື່ມອີກ. ສະເພາະຄອບຄົວຂ້າພະເຈົ້າ, ນັບແຕ່ຮັບເໝົາບົວລະບັດ, ຕົ້ນຢາງພາລາ, ແຕ່ລະເດືອນຄອບຄົວກໍ່ມີລາຍຮັບຕື່ມອີກເພື່ອໃຊ້ຈ່າຍໃນການດຳລົງຊີວິດ“.
ຕົ້ນຢາງພາລາຢູ່ອຽນບ້າຍ
ປີ 2015, ບໍລິສັດຢາງພາລາອຽນບ໋າຍ ວາງຄາດໝາຍປູກຕົ້ນຢາງພາລາໃຫ້ໄດ້ 3000 ເຮັກຕາ ແລະ ສູ້ຊົນຮອດປີ 2020 ວາງແຜນກຳນົດ ແລະ ປູກຕົ້ນຢາງພາລາໃຫ້ໄດ້ໃນເນື້ອທີ່ 10.000 ເຮັກຕາ. ເພື່ອມີທີດິນຮັບໃຊ້ໃຫ້ໂຄງການ. ແທນທີຈະຖອນຄືນທີ່ດິນຂອງຊາວກະສີກອນເພື່ອປູກຕົ້ນຢາງພາລາ, ບໍລິສັດຢາງພາລາອຽນບ໋າຍ ໄດ້ເຫັນດີເປັນເອກະພາບກັບຄະນະກຳມະການປະຊາຊົນແຂວງ, ພຽງແຕ່ຖອນຄືນທີ່ດິນປອດກະສີກຳ, ທີ່ດິນບໍ່ທັນນຳໃຊ້ຂອງອົງການ, ຫົວໜ່ວຍຕ່າງໆ ແລະ ເຂດຊຸມຊົນເທົ່ານັ້ນ. ດ້ວຍວິທີເຮັດຄືດັ່ງກ່າວ ໄດ້ລະດົມການເຂົ້າຮ່ວມຂອງປະຊາຊົນ ແລະ ອຳນາດການປົກຄອງທຸກຂັ້ນ, ຮັບປະກັນປູກຕົ້ນຢາງພາລາໃຫ້ຖືກຕາມແຜນການທີ່ໄດ້ວາງອອກ. ທ່ານ ຫວູເລແທ່ງແອງ, ຮອງປະທານຄະນະກຳມະການປະຊາຊົນເມືອງວັນເຈິ໋ນ, ໃຫ້ຮູ້ວ່າ:
“ຄະນະກຳມະການປະຊາຊົນເມືອງວັນເຈິ໋ນ ໄດ້ສ້າງຕັ້ງສະພາບຸກເບີກໜ້າພຽງ, ມອບດິນໃຫ້ບໍລິສັດເພື່ອປູກຕົ້ນຢາງພາລາໃນບໍລິເວນເມືອງ. ສະພາໄດ້ມີການປະສານສົມທົບກັບຄະນະກຳມະການປະຊາຊົນຕາແສງ, ເທດສະບານຕ່າງໆໃນເຂດຢ່າງແໜ້ນແຟ້ນເພື່ອວາງແຜນປູກຕົ້ນຢາງພາລາ. ນອກນັ້ນສະພາກໍ່ສົມທົບກັບບໍລິສັດຢາງພາລາອຽນບ໋າຍ ໃນການກວດກາເນື້ອທີ່ດິນປູກຕົ້ນຢາງພາລາອີກດ້ວຍ. ຍ້ອນເຫດນັ້ນ, ມາຮອດປະຈຸບັນ, ການມອບທີ່ດິນຕາມຂໍ້ຕົກລົງຂອງຄະນະກຳມະການປະຊາຊົນໄດ້ຮັບການປະຕິບັດເປັນຢ່າງດີ, ແລະ ໄດ້ຮັບຄວາມເຫັນດີເຫັນພ້ອມສູງຈາກປະຊາຊົນ“.
ດ້ວຍທ່າພັດທະນາຄືປະຈຸບັນ, ໃນ ສອງ, ສາມປີຈະມາເຖິງ, ຜູ້ປູກຕົ້ນຢາງພາລາຢູ່ອຽນບ໋າຍ ສາມາດເກັບກ່ຽວຢາງໄດ້ ແລະ ລາຍຮັບຂອງຂ້າພະເຈົ້າຈະສູງກວ່າຫຼາຍເມື່ອທຽບໃສ່ປະຈຸບັນ. ການປະຕິບັດໂຄງການພັດທະນາຕົ້ນຢາງພາລາໃນບໍລິເວນແຂວງອຽນບ້າຍ ບໍ່ພຽງແຕ່ປະກອບສ່ວນແກ້ໄຂວຽກເຮັດງານທຳໃຫ້ແກ່ຜູ້ອອກແຮງງານໃນທ້ອງຖີ່ນເທົ່ານັ້ນ, ຫາກຍັງປະກອບສ່ວນປະຕິບັດໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ຢ່າງມີໄຊ. ຕົ້ນຢາງພາລາພວມເຮັດໃຫ້ບັນດາໂນນພູຢູ່ອຽນບ໋າຍ ມີສີຂຽວອຸ່ມທູ່ມ ແລະ ຊີວິດການເປັນຢູ່ຂອງປະຊາຊົນຢູ່ທີ່ນີ້ນັບມື້ນັບປ່ຽນໃໝ່ເທື່ອລະກ້າວ.