(vovworld) - ຕາແສງຕູຍໂລກ, ນະຄອນ ອຽນບ໋າຍ, ແມ່ນຕາແສງທຳອິດຂອງແຂວງ ອຽນບ໋າຍ ບັນລຸມາດຖານຊົນນະບົດໃໝ່ພາຍຫຼັງ 3 ປີແຫ່ງການຜັນຂະຫຍາຍໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່. ໂດຍເສີມຂະຫຍາຍຜົນງານນັ້ນ, ອຳນາດການປົກຄອງ ແລະ ປະຊາຊົນຕາແສງ ຕູຍໂລກ ໄດ້ຮັກສາ ແລະ ຍົກສູງຄຸນນະພາບບັນດາມາດຖານທີ່ບັນລຸໄດ້ຢ່າງບໍ່ຢຸດຢັ້ງ, ກໍ່ສ້າງຊົນນະບົດໃໝ່ໃຫ້ນັບມື້ນັບພັດທະນາ. ບົດຂຽນ “ຕາແສງຕູຍໂລກ,ແຂວງອຽນບ໋າຍ, ຮັກສາແລະຍົກສູງຄຸນນະພາບບັນດາມາດຖານຊົນນະບົດໃໝ່” ຂອງ ເທື່ອຊວນ, ນັກຂ່າວ VOV.
ພາຍຫຼັງທີ່ບັນລຸມາດຖານເປັນຕາແສງຊົນນະບົດໃໝ່ເມື່ອເດືອນ 5/2014, ອຳນາດການປົກຄອງ ແລະ ປະຊາຊົນຕາແສງ ຕູຍໂລກ, ນະຄອນ ອຽນບ໋າຍ ແຂວງ ອຽນບ໋າຍ, ເລີ່ມດຳເນີນການຮັກສາ ແລະ ຍົກສູງຄຸນນະພາບ 19 ມາດຖານ. ບັນດາຮູບແບບຜະລິດກະສິກຳ, ລ້ຽງສັດໄດ້ຮັບການສ້າງຂຶ້ນຈາກກຸ່ມມາດຖານເສດຖະກິດ ແລະ ການຈັດຕັ້ງການຜະລິດ, ສືບຕໍ່ໄດ້ຮັບການໜູນຊ່ວຍຈາກອຳນາດການປົກຄອງ ແລະ ສົ່ງເສີມປະຊາຊົນນຳໃຊ້ກົນຈັກເຂົ້າໃນການຜະລິດກະສິກຳ. ຕົວຢ່າງຄືຮູບແບບປູກຜັກປອດສານພິດ, ປູກເຫັດ, ໝາກເລັ່ນ, ລ້ຽງສັດຢູ່ບັນດາບ້ານ ມີງລອງ, ເຕີນແທ່ງ, ຊວນລານ… ໄດ້ ແລະ ພວມກາຍເປັນກຳລັງໜູນເພື່ອໃຫ້ປະຊາຊົນຍົກສູງສະຖຽນລະພາບ, ບືນຕົວຂຶ້ນສ້າງຄວາມຮັ່ງມີ. ທ່ານ ຫວູວັນຍວນ, ເຂົ້າຮ່ວມຮູບແບບປູກເຫັດນັບແຕ່ຊຸມວັນທຳອິດແຫ່ງການກໍ່ສ້າງຊົນນະບົດໃໝ່ຢູ່ແຕແສງ ຕູຍໂລກ, ໃຫ້ຮູ້ວ່າ:
“ດ້ວຍການໜູນຊ່ວຍຂອງນະຄອນ ແລະ ຕາແສງ, ຄອບຄົວຂ້າພະເຂົ້າໄດ້ພັດທະນາການຜະລິດ ແລະ ເປີດກ້ວາງຮູບແບບການປູກເຫັດ. ປະຈຸບັນ, ຄອບຄົວຂ້າພະເຈົ້າມີລາຍຮັບເປັນປົກກະຕິແລ້ວ.”
ການປູກເຫັດຂອງປະຊາຊົນ
(ພາບປະກອບ)
ພາຍຫຼັງ 4 ປີແຫ່ງການຜັນຂະຫຍາຍການກໍ່ສ້າງຊົນນະບົດໃໝ່, ໂສມໜ້າຊົນນະບົດຕາແສງ ຕູຍໂລກ ໄດ້ມີການປ່ຽນແປງຢ່າງໃຫຍ່ຫຼວງ. ເສັ້ນທາງໃນຕາແສງ, ລະຫວ່າງຕາແສງໄດ້ຮັບການປູຢາງ 100%, ທາງລະຫວ່າງບ້ານ ແລະ ເສັ້ນທາງໃນເຂດທ່ົງນາໄດ້ຮັບການກໍ່ສ້າງດ້ວຍເບຕົງ. ບັນດາກິດຈະກຳຊົນລະປະທານໄດ້ຮັບການກໍ່ສ້າງຢ່າງໝັ້ນຄົງຖາວອນ, ຮັບປະກັນແຫຼ່ງນຳ້ຫົດເພື່ອຮັບໃຊ້ໃຫ້ການຜະລິດ. ຕາໜ່າງໄຟຟ້າ, ນຳ້ສະອາດໄດ້ຂະຫຍາຍເຖິງແຕ່ລະຄອບຄົວ. ລາຍຮັບສະເລ່ຍໃນປີ 2014 ບັນລຸກ່ວາ 23 ລ້ານດົ່ງ/ຄົນ/ປີ, ອັດຕາຄອບຄົວທຸກຍາກຍັງເຫຼືອພຽງກ່ວາ 5%ເທົ່ານັ້ນ. ນອກນັ້ນ, ສູນບໍລິຫານຂອງຕາແສງ ຕູຍໂລກ ແລະ ຫໍວັດທະນະທຳຂອງ 9 ບ້ານໄດ້ຮັບການກໍ່ສ້າງຢ່າງໝັ້ນຄົງຖາວອນ ແລະ ສວຍງາມ, ຮັບໃຊ້ປະຊາຊົນເມື່ອມີບັນຫາເຫດການວັດທະນະທຳ, ການເມືອງ. ທ່ານນາງ ບຸ່ຍທິຮູ່ຍ, ນາຍບ້ານ ຊວນລານ, ໃຫ້ຮູ້ວ່າ:
“ພໍ່ແມ່ປະຊາຊົນພວກຂ້າພະເຈົ້າໄດ້ຂົນຂວາຍລະດົມກັນເປັນປະຈຳເຮັດແນວໃດເພື່ອຮັກສາຄອງເໝືອງໃຫ້ດີ ເພື່ອຮັບໃຊ້ຕົນເອງ. ທີ່ສອງແມ່ນບ່ອນໃດຖືກເປ່ເພຕ້ອງສ້ອມແປງເພື່ອຮັບປະກັນໃຫ້ທົ່ງນາມີນຳ້ຢ່າງພຽງພໍ. ພາຍຫຼັງພວກຂ້າພະເຈົ້າໄດ້ຮັບສະໜອງເງິນກໍ່ສ້າງຫໍວັດທະນະທຳຂອງບ້ານສຳເລັດແລ້ວ, ພໍ່ແມ່ປະຊາຊົນກໍ່ຂົນຂວາຍກັນປະກອບຕື່ມອີກເພື່ອກໍ່ສ້າງກຳແພງອ້ອມຮອບ ແລະ ກໍ່ສ້າງເດີນດ້ວຍເບຕົງເພື່ອໃຫ້ປະຊາຊົນມີບ່ອນຫຼິ້ນກິລາ, ຫັດກາຍ.”
ໃນການກໍ່ສ້າງຊົນນະບົດໃໝ່, ຕາແສງ ຕູຍໂລກ ລະດົມເງິນໄດ້ເກືອບ 90 ຕື້ດົ່ງ, ໃນນັ້ນປະຊາຊົນປະກອບເກືອບເຄິ່ງໜຶ່ງ. ຈາກແຫຼ່ງທຶນນີ້ ໄດ້ເຮັດໃຫ້ໂສມໜ້າຂອງຕາແສງ ຕູຍໂລກ ມີການປ່ຽນແປງຢ່າງໃຫຍ່ຫຼວງ. ເພື່ອສືບຕໍ່ຮັກສາ, ຍົກສູງ ແລະ ພັດທະນາປະສິດທິຜົນຂອງບັນດາມາດຖານ, ຕາແສງຕູຍໂລກ ມີກົນໄກຍ້ອງຍໍຊົມເຊີຍ, ໃນນັ້ນ, ໄດ້ເອົາໃຈໃສ່ເປັນພິເສດເຖິງບັນດາມາດຕະຖານເສີມຂະຫຍາຍຊີວິດທາງດ້ານວັດຖຸ, ຈິດໃຈຂອງປະຊາຊົນ. ທ່ານ ຫງວຽນດຶກທ້ວນ, ປະທານຄະນະກຳມະການປະຊາຊົນຕາແສງ ຕູຍໂລກ, ນະຄອນ ອຽນບ໋າຍ, ແຂວງ ອຽນບ໋າຍ, ໃຫ້ຮູ້ວ່າ:
“ພວກຂ້າພະເຈົ້າສືບຕໍ່ໂຄສະນາເຜີຍແຜ່ຜ່ານບັນດາກອງປະຊຸມຂອງບ້ານ ເພື່ອໃຫ້ປະຊາຊົນຍົກສູງຄວາມຮັບຮູ້, ມີສະຕິປົກປັກຮັກສາສິ່ງແວດລ້ອມ, ຖ້າຫາກປະຊາຊົນບໍ່ມີສະຕິຮັກສາອະນາໄມນັ້ນ ມາດຖານນີ້ຍາກທ່ີຈະປະຕິບັດໄດ້. ຄຽງຄູ່ກັນນັ້ນ, ຖ້າຫາກພະນັກງານບໍ່ມີຄວາມສຸດຈິດສຸດໃຈ ແລະ ຂາດຄວາມຮັບຜິດຊອບໃນການເຮັດວຽກກັບປະຊາຊົນມາດຖານ ລະບົບການເມືອງຍາກທີ່ຈະຮັກສາໄດ້.”
ໂດຍເສີມຂະຫຍາຍບັນດາຜົນງານທີ່ບັນລຸໄດ້ນັ້ນ, ພະນັກງານ ແລະ ປະຊາຊົນຕາແສງ ຕູຍໂລກ ສືບຕໍ່ຮ່ວມແຮງຮ່ວມໃຈກັນຮັກສາ ແລະ ຍົກສູງຄຸນນະພາບບັນດາມາດຖານຊົນນະບົດໃໝ່, ກໍ່ສ້າງພື້ນຖານໂຄງລ່າງໃຫ້ສົມບູນແບບ, ພັດທະນາການຜະລິດ, ຍົກສູງຊີວິດການເປັນຢູ່. ຜົນສຳເລັດຂອງຕາແສງ ຕູຍໂລກ ໄດ້ເປັນແບບຢ່າງເພື່ອໃຫ້ຫຼາຍທ້ອງຖິ່ນພາຍໃນ ແລະ ນອກແຂວງຮຳ່ຮຽນ ແລະ ປະຕິບັດຕາມເພື່ອກໍ່ສ້າງບ້ານເກີດເມືອງນອນໃຫ້ນັບມື້ນັບຮັ່ງມີເຂັ້ມແຂງ.