(vovworld) – ເມື່ອກັບຄືນສູ່ຊີວິດປະຈຳວັນພາຍຫຼັງເຂົ້າຮ່ວມການຕໍ່ຕ້ານປົກປັກຮັກສາປະເທດຊາດ, ບັນດານັກຮົບເກົ່າຢູ່ແຂວງເບັ໋ນແຈ ຍາມໃດກໍ່ມີສະຕິຮັກສາ ແລະ ເສີມຂະຫຍາຍທາດແທ້ອັນສູງສົ່ງ ແລະ ສວຍງາມຂອງ “ທະຫານລຸງໂຮ່“. ບໍ່ພຽງແຕ່ປະກອບພູມປັນຍາຊ່ວຍທ້ອງຖີ່ນປະຕິບັດກິດຈະການພັດທະນາເສດຖະກິດ, ສັງຄົມເທົ່ານັ້ນ, ບັນດານັກຮົບເກົ່າຍາມໃດກໍ່ນຳໜ້າໃນການຂົນຂວາຍ ແລະ ກໍ່ສ້າງຊົນນະບົດໃໝ່ຢູ່ແຂວງເບັ໋ນແຈ ອີກດ້ວຍ.
.jpg)
ເສັ້ນທາງໄດ້ຮັບການກໍ່ສ້າງໃໝ່ຢູ່ແຂວງເບັ໋ນແຈ
(ພາບ: ອິນເຕີແນດ)
ມາຢ້ຽມຢາມຕາແສງເຈົາບິ່ງ, ເມືອງຢົ່ງຈົມ, ແຂວງເບັ໋ນແຈ, ໃນຊຸມມື້ນີ້ກໍ່ເຫັນວ່າ, ບັນດາຂົວ, ທາງຄົມມະນາຄົມຊົນນະບົດພວມໄດ້ຮັບການກໍ່ສ້າງດ້ວຍເບຕົງຢ່າງກວ້າງຂວາງ...ສິ່ງດັ່ງກ່າວສະແດງໃຫ້ເຫັນການປ່ຽນແປງຢູ່ເຂດບ້ານນາທີ່ອຸດົມສົມບຸນ ແລະ ມັ່ງຄັ່ງນີ້. ເພື່ອມີບັນດາເສັ້ນທາງທີ່ກວ້າງຂວາງ, ສ້າງຄວາມສະດວກໃຫ້ແກ່ການພັດທະນາເສດຖະກິດນັ້ນ, ອຳນາດການປົກຄອງຕາແສງ, ເຊິ່ງແກ່ນສານແມ່ນບັນດານັກຮົບເກົ່າ, ໄດ້ຂົນຂວາຍປະຊາຊົນກໍ່ສ້າງລຳຄອງ, ຝາຍນຳ້ລົ້ນ, ບໍລິຈາກທີ່ດິນ, ທຳລາຍຮົ້ວ, ຕັດໄມ້ເປີດທາງ. ເພື່ອຂົນຂວາຍປະຊາຊົນ, ສະມາຄົມນັກຮົບເກົ່າໄດ້ສະເໜີກໍ່ສ້າງທາງແຕ່ລະຕອນ. ຕາມນັ້ນແລ້ວ, ເສັ້ນທາງແລ່ນຜ່ານເນື້ອທີ່ດິນຂອງບັນດານັກຮົບເກົ່າຈະໄດ້ຮັບການກໍ່ສ້າງກ່ອນ, ຈາກນັ້ນຈຶ່ງກໍ່ສ້າງບັນດາຕອນທາງທີ່ຍັງເຫຼືອ.
ມາດຕະການນີ້ໄດ້ສ້າງຄວາມເຫັນດີເຫັນພ້ອມສູງໃນໝູ່ປະຊາຊົນທຸກຄົນ. ຍ້ອນເຫດນັ້ນ, ບັນດາເສັ້ນທາງລະຫວ່າງບ້ານ, ຕາແສງຍາວນັບສິມກິໂລແມດ ຈຶ່ງໄດ້ຮັບການກໍ່ສ້າງສຳເລັດ, ປະກອບສ່ວນຍູ້ໄວຄວາມຄືບໜ້າໃນການກໍ່ສ້າງທາງຄົມມະນາຄົມຊົນນະບົດ, ຊ່ວຍປະຊາຊົນໄປມາຢ່າງສະດວກສະບາຍ. ທ່ານ ດ່າວວັນໂຫ້ຍ, ເລຂາຄະນະພັກຕາແສງເຈົາບິ່ງ, ໃຫ້ຮູ້ວ່າ:
“ສຳລັບການກໍ່ສ້າງຊົນນະບົດໃໝ່, ບົດບາດຂອງສະມາຄົມນັກຮົບເກົ່າບໍ່ພຽງແຕ່ນຳໜ້າ, ເປັນແບບຢ່າງໃນການບໍລິຈາກທີ່ດິນເພື່ອກໍ່ສ້າງທາງ, ຫໍວັດທະນະທຳບ້ານເທ່ານັ້ນ. ຫາກບັນດາສະມາຊິກນັກຮົບເກົ່າໃນຕາແສງຍັງເຂົ້າຮ່ວມການກໍ່ສ້າງທາງຄົມມະນາຄົມຊົນນະບົດ, ກິດຈະກຳຊົນລະປະທານອີກດ້ວຍ. ຍ້ອນເຫດນັ້ນ, ປະຊາຊົນຈຶ່ງເຫັນອົກເຫັນໃຈສະໜັບສະໜູນ ແລະ ປະຕິບັດຕາມ. ໃນໄລຍະຜ່ານມາ, ຂະບວນການກໍ່ສ້າງຊົນນະບົດໃໝ່ໄດ້ນຳມາເຊິ່ງປະສິດທິຜົນຢ່າງແທດຈິງໃຫ້ແກ່ທ້ອງຖີ່ນ“.
ກວ່າ 3 ປີທີ່ຜ່ານມາ, ນັກຮົບເກົ່າແຂວງເບັ້ນແຈ ຍາມໃດກໍ່ນຳໜ້າໃນການປະຕິບັດແຜນນະໂຍບາຍກໍ່ສ້າງຊົນນະບົດໃໝ່ຢູ່ 25 ຕາແສງໃນແຂວງ, ໄລຍະ 2011 – 2015. ໄລ່ມາຮອດປະຈຸບັນ. ສະມາຄົມນັກຮົບເກົ່າແຂວງເບັ໋ນແຈ ໄດ້ບໍລິຈາກຊີມັງກໍ່ສ້າງທາງຄົມມະນາຊົນນະບົດໃນເນື້ອທີ່ 78.000 ຕາແມດ; ຂົນຂວາຍ ແລະ ເຂົ້າຮ່ວມການກໍ່ສ້າງຂົວ 80 ແຫ່ງ, ດ້ວຍຈຳນວນເງິນບໍລິຈາກ ແລະ ຂົນຂວາຍທັງໝົດແມ່ນເກືອບ 4,5 ຕື້ດົ່ງ, ພ້ອມກັບແຮງງານກວ່າ 18.400 ວັນ.
ໃນຂະບວນການກໍ່ສ້າງຊົນນະບົດໃໝ່. ສະມາຄົມນັກຮົບເກົ່າແຂວງເບັ໋ນແຈ ຍ່າມໃດກໍ່ກຳນົດວ່າ, ກຳລັງນັກຮົບເກົ່າມີບົດບາດປະຈັນບານ, ເປັນແບບຢ່າງໃນການກໍ່ສ້າງຊົນນະບົດໃໝ່ຢູ່ທ້ອງຖີ່ນ. ພິເສດ, ຄະນະບໍລິຫານງານສະມາຄົມນັກຮົບເກົ່າແຂວງເບັ໋ນແຈ ໄດ້ວາງຄາດໝາຍ “ລົບລ້າງຄວາມທຸກຍາກໃຫ້ບັນດາຄອບຄົວນັກຮົບເກົ່າທີ່ທຸກຍາກ“ ແລະ ຖືວ່າ, ນີ້ແມ່ນໜຶ່ງໃນບັນດາໜ້າທີ່ກໍ່ສ້າງຊົນນະບົດໃໝ່. ບົນພື້ນຖານນັ້ນ, ສະມາຄົມທຸກຂັ້ນໄດ້ວາງອອກຫຼາຍມາດຕະການ ເພື່ອຊ່ວຍພະນັກງານ, ສະມາຊິກສະມາຄົມຫຼຸດພົ້ນອອກຈາກຄວາມທຸກຍາກຄື: ກໍ່ສ້າງສະໂມສອນຫຼຸດຜ່ອນຄວາມທຸກຍາກ, ລົບລ້າງຄວາມອຶດຫີວຫຼຸດຜ່ອນຄວາມທຸກຍາກ; ສ້າງສະຫະກອນຜະລິດ, ໜູນຊ່ວຍການກູ້ຢືມທຶນຈາກທະນາຄານ. ກໍ່ສ້າງກອງທຶນກຸສົນເພື່ອນຮ່ວມກົມກອງ... ຍ້ອນເຫດນັ້ນ, ແຕ່ລະປີຈຳນວນສະມາຊິກສະມາຄົມນັກຮົບເກົ່າສາມາດບືນຕົວຂຶ້ນຫຼຸດພົ້ນອອກຈາກຄວາມທຸກຍາກໄດ້ກວ່າ 20%. ທ່ານ ບູ່ຍແທງເຂີຍ, ຮອງປະທານສະມາຄົມນັກຮົບເກົ່າແຂວງເບັ໋ນແຈ, ໃຫ້ຮູ້ວ່າ:
“ທັດສະນະຂອງຄະນະປະຈຳສະຄົມນັກຮົບເກົ່າກ່ຽວກັບການກໍ່ສ້າງຊົນນະ ບົດໃໝ່ມີຄວາມໝາຍສຳຄັນທີ່ສຸດ. ສະມາຄົມນັກຮົບເກົ່າແຂວງໄດ້ຂົນຂວາຍສະມາຊິກປະຕິບັດແຜນນະໂຍບາຍກໍ່ສ້າງຊົນນະບົດໃໝ່ເພື່ອປະກອບສ່ວນຍົກສູງຊີວິດການເປັນຢູ່ຂອງປະຊາຊົນແຂວງເບັ໋ນແຈໃຫ້ນັບມື້ນັບດີຂຶ້ນ“.
ຈາກແຜນນະໂຍບາຍດັ່ງກ່າວ, ສະມາຄົມນັກຮົບເກົ່າແຂວງທຸກຂັ້ນຍາມໃດກໍ່ຍົກສູງຄວາມຮັບຜິດຊອບ, ພ້ອມກັບອຳນາດການປົກຄອງ ແລະ ປະຊາຊົນທ້ອງຖີ່ນກໍ່ສ້າງຊົນນະບົດໃໝ່, ປະກອບສ່ວນກໍ່ສ້າງບ້ານເກີດເມືອງນອນໃຫ້ນັບມື້ນັບຮັ່ງມີ ແລະ ສວຍງາມ.