(vovworld) ນາໂຮ໋ຍ ແມ່ນໜຶ່ງໃນ 6 ຕາແສງໃນເມືອງບັກຮ່າ, ແຂວງລາວກາຍ, ທີ່ໄດ້ຮັບການເລືອກເຟັ້ນເປັນຕາແສງຜັນຂະຫຍາຍໂຄງການກໍ່ສ້າງຊົນນະບົດໃໝ່ໄລຍະ 2010 – 2020. ປະຈຸບັນຊາວຊົນເຜົ່າສ່ວນໜ້ອຍຢູ່ທີ່ນີ້ພວມກໍ່ສ້າງນາໂຮ໋ຍໃຫ້ກາຍເປັນຕາແສງທີ່ສວຍງາມຮັ່ງມີ, ປະຊາຊົນມີຄວາມອິ່ມໜຳສຳລານ. ຕໍ່ໄປນີ້, ເຊີນທ່ານຮັບຟັງບົດຂຽນຂອງຫວິ້ງຟອງ.
ຊາວຕາແສງນາໂຮ້ຍຮ່ວມແຮງịວມໃຈກໍ່ສ້າງທາງ
(ພາບອິນເຕີແນດ)
ນາໂຮ້ຍ ແມ່ນຕາແສງປະສົບກັບຄວາມຫຍຸ້ງຍາກເປັນພິເສດທີ່ພວມໄດ້ຮັບການໜູນຊ່ວຍຈາກໂຄງການຫຼຸດຜ່ອນຄວາມທຸກຍາກຢ່າງໄວ ແລະ ໝັ້ນຄົງຂອງລັດຖະບານ. ປະຈຸບັນ, ທັງຕາແສງມີ 996 ຄອບຄົວ, ດ້ວຍຈຳນວນພົນລະເມືອງກວ່າ 4.200 ຄົນ, ທີ່ມາຈາກ 12 ຊົນເຜົ່າຄື: ນຸ່ງ, ຢ້າວ, ມົ້ງ, ໄຕ່… ໂດຍປະຕິບັດຕາມໂຄງການກໍ່ສ້າງຊົນນະບົດໃໝ່ ທາງຕາແສງໄດ້ສຸມໃສ່ລະດົມທຸກແຫຼ່ງກຳລັງເພື່ອລົງທຶນກໍ່ສ້າງພື້ນຖານໂຄງລ່າງ, ປຸກລະດົມຂະບວນການບໍລິຈາກທີ່ດິນ, ປະກອບກຳລັງເຫື່ອແຮງຂອງປະຊາຊົນໃນທົ່ວຕາແສງ ເພື່ອພ້ອມກັນກໍ່ສ້າງຊົນນະບົດໃໝ່. ປີ 2013, ດ້ວຍການລົງທຶນຂອງລັດ, ແລະ ການປະກອບສ່ວນຂອງປະຊາຊົນ, ນາໂຮ໋ຍ ກໍ່ສ້າງທາງເບຕົງໄດ້ເກືອບ 3 ກມ, ກໍ່ສ້າງຫໍວັດທະນະທຳຕື່ມອີກ 8 ແຫ່ງ, ຊີວິດທາງດ້ານວັດທະນະທຳ ແລະ ຈິດໃຈຂອງປະຊາຊົນນັບມື້ນັບໄດ້ຮັບການຍົກສູງຂຶ້ນ,ສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມໄດ້ຮັບການຮັກສາໄວ້ຢ່າງໝັ້ນຄົງ.
ທ່ານ ເຈິ່ນຮ່ວາງຕວນ, ເລຂາຄະນະພັກຕາແສງນາໂຮ໋ຍ, ຫົວໜ້າຄະນະຊີ້ນຳການກໍ່ສ້າງຊົນນະບົດໃໝ່ຕາແສງນາໂຮ໋ຍ, ໃຫ້ຮູ້ວ່າ, ຄວາມສະດວກຂອງນາໂຮ໋ຍ ໃນການກໍ່ສ້າງຊົນນະບົດໃໝ່ ນັ້ນແມ່ນ, ອຳນາດການປົກຄອງມີຄວາມຕັດສິນໃຈສູງ ແລະ ໄດ້ຮັບຄວາມເຫັນດີເຫັນພ້ອມຈາກປະຊາຊົນ. ມີຫຼາຍອົງການ ແລະ ສ່ວນບຸກຄົນໄດ້ຕັ້ງໜ້າເຂົ້າຮ່ວມ ດ້ວຍວຽກງານລະອຽດ, ແທດຈິງຫຼາຍຢ່າງ, ຕົວຢ່າງຄືຄອບຄົວປ້າ ຈ໋າງທິລານ ຢູ່ບ້ານນາໂຮ໋ຍຕາເວັນຕົກດ ໄດ້ປະກອບທີ່ດິນ 200 ຕາລາງແມັດ ແລະ ສະໜັບສະໜູນເງິນ 10 ລ້ານດົ່ງ ເພື່ອກໍ່ສ້າງທາງໄປຍັງບ້ານສິ່ນຈາຍເອ, ສິ່ນຈາຍບີ.
“ມາຮອດປະຈຸບັນ, ຕາແສງນາໂຮ໋ຍໄດ້ປະຕິບັດສຳເລັດ 11 /19 ມາດຖານຂອງໂຄງການກໍ່ສ້າງຊົນນະບົດໃໝ່. ພວກຂ້າພະເຈົ້າຖືວ່າ, ເພື່ອບັນລຸໄດ້ຜົນງານຄືດັ່ງກ່າວ ແມ່ນຕ້ອງຕັ້ງໜ້າໂຄສະນາ ເພື່ອໃຫ້ປະຊາຊົນເຂົ້າໃຈໄດ້ຈຸດປະສົງ, ຄວາມໝາຍຂອງຊົນນະບົດໃໝ່. ພວກຂ້າພະເຈົ້າເຫັນວ່າ, ຮູບແບບໂຄສະນາຂົນຂວາຍ ແມ່ນທິດທາງບຸກທະລຸໃນການກໍ່ສ້າງຊົນນະບົດໃໝ່. ໂດຍຜ່ານຮູບແບບນີ້, ອຳນາດການປົກຄອງມີຄວາມໃກ້ຊິດກັບປະຊາຊົນກວ່າ ແລະ ແກ້ໄຂຄວາມຫຍຸ້ງຍາກຢູ່ຮາກຖານ, ເຮັດໃຫ້ການກໍ່ສ້າງຊົນນະບົດໃໝ່ສຳເລັດ”.
ຊາວຕາແສງນາໂຮ້ຍເຄື່ອນໄຫວສິລະປະໃóໍວàທະນະທຳ
(ພາບອິນເຕີແນດ) ສຳລັບປະຊາຊົນນາໂຮ໋ຍແລ້ວ. ຊົນນະບົດໃໝ່ບໍ່ພຽງແຕ່ແມ່ນບັນດາເສັ້ນທາງເບຕົງ, ຫໍວັດທະນະທຳເທົ່ານັ້ນ, ຫາກສິ່ງສຳຄັນ ແລະ ແທດຈິງກວ່ານັ້ນແມ່ນຊີວິດຂອງປະຊາຊົນໄດ້ຮັບການຍົກສູງຂຶ້ນ. ປີ 2013, ອັດຕາຄອບຄົວທຸກຍາກໃນຕາແສງຫຼຸດຈາກ 36% ລົງເຫຼືອພຽງ 26%. ອ້າຍ ສຸ່ງວັນແສ່ງ, ຊາວເຜົ່າມົ້ງຢູ່ບ້ານ ຫງາຍເທົ່າ, ຕາແສງນາໂຮ໋ຍ, ໃຫ້ຮູ້ວ່າ:
“ການກໍ່ສ້າງຊົນນະບົດໃໝ່ເຮັດໃຫ້ປະຊາຊົນພາກພູມໃຈຫຼາຍ, ປະຈຸບັນໄດ້ມີໄຟຟ້າ, ມີທາງຄົມມະນາຄົມແລ້ວ. ຊີວິດທາງດ້າວວັດຖຸ, ຈິດໃຈຂອງປະຊາຊົນນັບມື້ນັບເພີ່ມຂຶ້ນ ແລະ ກ້າວຫນ້າກວ່າ. ລັດກໍ່ໄດ້ສ້າງເງື່ອນໄຂສະດວກເພື່ອໃຫ້ປະຊາຊົນກູ້ຢືມທຶນພັດທະນາການຜະລິດ, ຫລຸດພົ້ນອອກຈາກຄວາມທຸກຍາກ”.
ປະຈຸບັນ, ລາຍຮັບສະເລ່ຍຂອງປະຊາຊົນໃນຕາແສງບັນລຸເກືອບ 10 ລ້ານດົ່ງ/ຄົນ/ປີ, ເຖິງວ່າບໍ່ອັດຕາບໍ່ສູງກໍ່ຕາມ, ແຕ່ສຳລັບຕາແສງໃນເຂດພູດອຍທີ່ຍັງປະສົບກັບຄວາມຫຍຸ້ງຍາກຫຼາຍຢ່າງນັ້ນ, ມັນໄດ້ຊ່ວຍໃຫ້ປະຊາຊົນມີຊີວິດເປັນປົກກະຕິ. ທາງຕາແສງໄດ້ສ້າງຕັ້ງສະຫະກອນຜະລິດຢຸກຢາ, ກາວອາຕີໂຊ, ບ້ານອາຊີບລ້ຽງໝູ… ເຊິ່ງແມ່ນວຽກງານທີ່ນຳມາເຊິ່ງປະສິດທິຜົນເສດຖະກິດສູງໃຫ້ແກ່ປະຊາຊົນ. ດ້ວຍຄວາມສະດວກ ແມ່ນຢູ່ໃກ້ກັບເທດສະບານບັກຮ່າ, ສະຖານທີ່ທ່ອງທ່ຽວທີ່ມີຊື່ສຽງຂອງຫວຽດນາມ, ທັງແມ່ນເຂດທີ່ມີວັດທະນະທຳຫຼາຍຮູບຫຼາຍແບບຂອງບັນດາເຜົ່ານັ້ນ. ນາໂຮ໋ຍ ມີທ່າແຮງໃນການພັດທະນາການທ່ອງທ່ຽວຕິດພັນກັບການກໍ່ສ້າງຊົນນະບົດໃໝ່. ທ່ານ ເຈິ່ນດັກຮ່າ, ຮອງປະທານຄະນະກຳມະການປະຊາຊົນຕາແສງນາໂຮ້ຍ, ໃຫ້ຮູ້ວ່າ, ທາງຕາແສງເອົາໃຈໃສ່ທີ່ສຸດເຖິງການພັດທະນາການທ່ອງທ່ຽວ ແລະ ຖືວ່ານີ້ແມ່ນໜຶ່ງໃນບັນດາແຜນນະໂຍບາຍໃຫຍ່ໃນການກໍ່ສ້າງຊົນນະບົດໃໝ່.
ໝາກໝັ້ນຢູ່ນາໂຮ໋ຍ, ເມືອງơັກຮ່າ
(ພາບອິນເຕີແນດ) “ນາໂຮ໋ຍ ພວມສ້າງຮູບແບບທ່ອງທ່ຽວປະຊາຄົມ. ເຮືອນຮ້ານຂອງຊາວຊົນເຜົ່າກໍ່ເປັນບ່ອນຕ້ອນຮັບນັກທ່ອງທ່ຽວທັງຢູ່ພາຍໃນ ແລະ ຕ່າງປະເທດມາຢ້ຽມຢາມ ແລະ ພັກຜ່ອນຢູ່ທີ່ນີ້. ເພື່ອພັດທະນາການທ່ອງທ່ຽວ, ຊາວຊົນເຜົ່າກໍ່ເອົາໃຈໃສ່ເປັນພິເສດເຖິງວຽກງານເຮັດອະນາໄມ, ຮັກສາສິ່ງແວດລ້ອມເພື່ອໃຫ້ຕະຫຼາດຍາມໃດກໍ່ສະອາດ… ເພື່ອດຶງດູດນັກທ່ອງທ່ຽວມາຢ້ຽມຢາມໃຫ້ຫຼາຍກວ່າ, ຈາກນັ້ນລາຍຮັບຂອງປະຊາຊົນກໍ່ເພີ່ມຂຶ້ນ, ຊີວິດ ນັບມື້ນັບດີຂຶ້ນ”
ໃນປີ 2014, ນາໂຮ້ຍ ຕັດສິນໃຈສືບຕໍ່ປະຕິບັດສຳເລັດ 2 ມາດຖານກ່ຽວກັບການກໍ່ສ້າງຊົນນະບົດໃໝ່ຕື່ມອີກ, ນັ້ນແມ່ນມາດຖານກ່ຽວກັບທາງຄົມມະນາຄົມ ແລ ວັດທະນະທຳ. ເພື່ອບັນລຸສິ່ງດັ່ງກ່າວໃຫ້ໄດ້, ຕາແສງນາໂຮ໋ຍ ພວມປະຕິບັດການຫັນປ່ຽນໂຄງປະກອບເສດຖະກິດຢ່າງຄົບຊຸດ, ພິເສດແມ່ນຊອກຫາສົ້ນອອກໃຫ້ແກ່ໝາກໝັ້ນ , ເຊິ່ງແມ່ນຜະລິດຕະພັນພິເສດຂອງເຂດພູສູງບັກຮ່າ.