ໂລ່ມາຮອດປະຈຸບັນ, ແຂວງ ຮຶງອຽນ ມີ 199 ຜະລິດຕະພັນ OCOP ໄດ້ຮັບຮູ້ລະດັບ 3-4 ດາວ (ພາບ: ໂຄງການ OCOP ແຂວງ ຮຶງອຽນ)

ໂດຍຕິດພັນກັບມະຕິ, ແຜນການປະຕິບັດໂຄງການສ້າງໂຄງປະກອບຂະແໜງກະສິກຳຄືນໃໝ່ ຕິດພັນກັບການຍົກສູງການກໍ່ສ້າງຊົນນະບົດໃໝ່; ຊົນນະບົດໃໝ່ແບບຢ່າງແຂວງ ຮຶງອຽນ ໄລຍະ 2021-2025, ການກຳນົດທິດຮອດປີ 2030, ໃນໄລຍະຜ່ານມາ, ໜຶ່ງໃນບັນດາໜ້າທີ່ຈຸດສຸມຂອງແຂວງ ແມ່ນການພັດທະນາເສດຖະກິດກະສິກຳແບບຍືນຍົງ, ສ້າງລະບົບການຜະລິດດ້ວຍມູນຄ່າເພີ່ມຂຶ້ນສູງ.

ເອື້ອຍ ຫຼີທີຮ່າ ປະທານສະຫະກອນຜັກ, ໝາກໄມ້ປອດສານພິດ ວັນຢາງ (ພາບ: ໜັງສືພິມ ຮຶງອຽນ)

    ໂຄງການໜຶ່ງຕາແສງ ໜຶ່ງຜະລິດຕະພັນກະສິກຳ (OCOP) ໄດ້ສ້າງການແຜ່ຂະຫຍາຍຢ່າງແຮງ, ດຶງດູດການເຂົ້າຮ່ວມຂອງທ້ອງຖິ່ນທັງໝົດໃນທົ່ວແຂວງ, ຊຸກຍູ້ການພັດທະນາເສດຖະກິດ, ຊ່ວຍບັນດາທ້ອງຖິ່ນປະຕິບັດການກໍ່ສ້າງຊົນນະບົດໃໝ່ສຳເລັດຜົນ. ດ້ວຍງົບປະມານໜູນຊ່ວຍຂອງແຂວງ ແມ່ນມູນຄ່າປະມານ 217.000 USD ໃນ 5 ປີຜ່ານມາ, ຜ່ານການລົງທຶນພື້ນຖານໂຄງລ່າງເຄື່ອງຈັກ, ໝູນໃຊ້ວິທະຍາສາດເຕັກນິກຮັບໃຊ້ການຜະລິດ, ປຸງແຕ່ງຜະລິດຕະພັນບັນລຸມາດຖານ, ໜູນຊ່ວຍການຫຸ້ມຫໍ່, ສະແຕມຍີ່ຫໍ້, ສົ່ງເສີມການຄ້າ….ມາຮອດປະຈຸບັນ, ແຂວງ ຮຶງອຽນ ມີ 199 ຜະລິດຕະພັນ OCOP ໄດ້ຮັບຮູ້ມາດຖານ 3-4 ດາວ. ເອື້ອຍ ຫຼີທີຮ່າ ປະທານສະຫະກອນຜະລິດຜັກໝາກໄມ້ປອດສານພິດ ວັນຢາງ ໃຫ້ຮູ້ວ່າ:

  ພວກຂ້າພະເຈົ້າຕ້ອງຍົກສູງຄຸນນະພາບຜະລິດຕະພັນ OCOP ຈຶ່ງຈະໄດ້ຮັບໃບຢັ້ງຢືນ ແລະ ເມື່ອໄດ້ຮັບໃບຢັງຢືນ OCOP ແລ້ວ,     ລູກຄ້າຈະຮູ້ຈັກກັບຫົວໜ່ວຍຫຼາຍກ່ວາ. ບັນດາຜະລິດຕະພັນຂອງພວກຂ້າພະເຈົ້າ ໄດ້ຮັບການຕີລາຄາດີທີ່ສຸດຈາກຕະຫຼາດ. ໃນໄລຍະທີ່ຈະມາເຖິງ, ພວກຂ້າພະເຈົ້າຈະສືບຕໍ່ສູ້ຊົນຍົກລະດັບດາວ ເພື່ອສາມາດສຳຜັດກັບບັນດາຕະຫຼາດໃໝ່, ຮຽກຮ້ອງຄຸນນະພາບສູງກ່ວາ ແລະ ເພື່ອສົ່ງອອກ.

  ຍ້ອນໄດ້ເຂົ້າຮ່ວມໂຄງການ OCOP, ຫຼາຍຫົວໜ່ວຍ, ຮາກຖານການຜະລິດມີບາດກ້າວເດີນໃຫ່ຍ ໃນການປັບປຸງຮູບແບບ, ການຫຸ້ມຫໍ້. ດັ່ງນັ້ນ, ຜະລິດຕະພັນຈຶ່ງໄດ້ຮັບຄວາມນິຍົມຈາກລູກຄ້າ. ເພື່ອສືບຕໍ່ພັດທະນາຜະລິດຕະພັນ OCOP ຮຶງອຽນ ໃນໄລຍະຈະມາເຖິງ, ທ່ານ ຮ່ວາງແອັງຕວັນ, ຮອງຫົວໜ້າສາຂາກົມກະສິກຳ ແລະ ພັດທະນາຊົນນະບົດ ຮຶງອຽນ ໃຫ້ຮູ້ວ່າ:

  ໂດຍຍູ້ແຮງວຽກງານໂຄສະນາ, ໜູນຊ່ວຍບັນດາເຈົ້າຂອງຍົກສູງຄວາມສາມາດໃນການຄຸ້ມຄອງ ເພື່ອພັດທະນາຜະລິດຕະພັນ OCOP ຮັບປະກັນຄຸນນະພາບ, ເຊື່ອມຈອດການຈຳໜ່າຍ, ເຊື່ອມຈອດການສະໜອງ-ຄວາມຕ້ອງການ. ຄາດວ່າ ແຕ່ລະປີ, ແຂວງຈະພັດທະນາຕື່ມອີກແຕ່ 25-35 ຜະລິດຕະພັນ OCOP.

   ເພື່ອພັດທະນາເສກຖະກິດກະສິກຳຍືນຍົງ, ແຂວງ ຮຶງອຽນ ກໍ່ຖືເປັນສຳຄັນການຍູ້ແຮງການຫັນປ່ຽນຜົນລະປູກ, ສັດລ້ຽງ; ຍູ້ແຮງການນຳໃຊ້ບັນດາມາດຖານໃນການຜະລິດຄື VietGAP, GlobalGAP…. ທ່ານ ຫງວຽນວັນເທ, ເມືອງ ກີມດົ້ງ, ແຂວງ ຮຶງອຽນ ໃຫ້ຮູ້ວ່າ   ພວກຂ້າພະເຈົ້າໄດ້ນຳໃຊ້ຝຸ່ນປະເພດຕ່າງໆທີ່ເປັນມິດກັບສິ່ງແວດລ້ອມ, ນຳໃຊ້ເຕັກໂນໂລຊີສູງ. ຍ້ອນເຫດນັ້ນ, ລາຄາຜະລິດຕະພັນຂາຍອອກສູ່ຕະຫຼາດກໍ່ສູງ ແລະ ພິເສດແມ່ນ, ຜູ້ບໍລິໂພກມີຄວາມເຊື່ອໝັ້ນທີ່ສຸດ.

   ເພື່ອສ້າງພື້ນຖານກະສິກຳບັນລຸປະສິດທິຜົນສູງ, ພັດທະນາໄວ ແລະ ຍືນຍົງ, ຕິດພັນກັບການຍົກສູງການກໍ່ສ້າງຊົນນະບົດໃໝ່, ຊົນນະບົດແບບຢ່າງນັ້ນ, ໃນໄລຍະຈະມາເຖິງ, ແຂວງ ຮຶງອຽນ ສືບຕໍ່ຜັນຂະຫຍາຍການປະຕິບັດຢ່າງຄົບຊຸດ, ມີປະສິດທິຜົນບັນດາໜ້າທີ່, ມາດຕະການ, ໃນນັ້ນ, ຍູ້ແຮງການສ້າງໂຄງປະກອບຂະແໜງກະສິກຳຄືນໃໝ່ ຕາມທິດຜະລິດສິນຄ້າດ້ວຍຂອບຂະໜາດໃຫ່ຍ ແລະ ປອດໄພ. ພ້ອມກັນນັ້ນ, ກໍ່ຈັດຕັ້ງປະຕິບັດບັນດານະໂຍບາຍຊີວິດສັງຄົມຢູ່ຊົນນະບົດ ເປັນຢ່າງດີ, ໜູນຊ່ວຍບັນດາຄອບຄົວທຸກຍາກ ພັດທະນາການພະລິດ ເພື່ອຫລຸດພົ້ນອອກຈາກຄວາມທຸກຍາກແບບຍືນຍົງ. ທ່ານ ເລຈຸງເກິ່ນ, ຮອງຫົວໜ້າພະແນກກະສິກຳ ແລະ ພັດທະນາຊົນນະບົດແຂວງ ຮຶງອຽນ, ຫົວໜ້າຫ້ອງວ່າການຄະນະຊີ້ນຳແຂວງ ກ່ຽວ ກັບການກໍ່ສ້າງຊົນນະບົດໃໝ່ ຢືນຢັນວ່າ:

  ຄະນະຊີ້ນຳແຂວງ ໄດ້ດຳເນີນ, ຮັບຟັງ, ກວດກາ, ຊຸກຍູບັນດາທອ້ງຖິ່ນ ປະຕິບັດການກວດກາຄືນ ບັນດາເນື້ອໃນຄາດໝາຍກໍ່ສ້າງຊົນນະບົດໃໝ່ເປັນປະຈຳ. ຜ່ານນັ້ນ ກໍ່ເພື່ອມີແຜນການສືບຕໍ່ປະຕິບັດບັນດາຄາດໝາຍສຳເລັດ, ຍົກສູງຄຸນນະພາບ ຕອບສະໜອງຄວາມຮຽກຮ້ອງຂອງແຕ່ລະໄລຍະ, ໂດຍສະເພາະແມ່ນໄລຍະ 2021- 2025.

  ປະຈຸບັນ ແຂວງ ຮຶງອຽນ ມີ 102/139 ຈຳນວນຕາແສງບັນລຸມາດຖານຍົກສູງຊົນນະບົດໃໝ່, ບັນລຸ 73,4%, ມີ 36 ຕາແສງ ບັນລຸມາດຖານຊົນນະບົດໃໝ່ແບບຢ່າງ, ບັນລຸ 26%, ນະຄອນ ຮຶງອຽນ, ເມືອງ ວັນຢາງ ແລະ ເທດສະບານຕາແສງ ໝີ້ຮ່າວ ໄດ້ປະຕິບັດເປົ້າໝາຍ 100% ຈຳນວນຕາແສງບັນລຸມາດຖານຍົກສູງຊົນນະບົດໃໝ່ສຳເລັດ. ແລະ ຮອດປີ 2030 ສູ້ຊົນຈະກາຍເປັນແຂວງອຸດສາຫະກຳທັນສະໄໝ, ມີຂອບຂະໜາດເສດຖະກິດ ແລະ ລະດັບພັດທະນາໃນກຸ່ມນຳໜ້າທົ່ວປະເທດ./.