ກ່ອນນີ້ກວ່າ 3 ເດືອນ, ເທດສະບານ ຫງ້າໃບ ໄດ້ຈັດພິທີຕອນຮັບຂໍ້ຕົກລົງຮັບຮອງບັນລຸມາດຖານຊົນນະບົດໃໝ່ຂອງນາຍົກລັດຖະມົນຕີ. ປະຊາຊົນຕ້ອນຮັບເຫດການນີ້ຄືດັ່ງຂີດໝາຍພັດທະນາໃໝ່. ກ່່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຫວູວັນນິງ, ຫົວໜ້າຄະນະຊີ້ນຳໂຄງການຈຸດໝາຍແຫ່ງຊາດກໍ່ສ້າງຊົນນະບົດໃໝ່ ໄດ້ຍ້ອງຍໍບັນດາຜົນງານ, ໝາກຜົນທີ່ໜ້າເອກອ້າງຖະນົງໃຈ ເຊິ່ງອຳນາດການປົກຄອງ ແລະ ປະຊາຊົນແຂວງເຮົ້າຢາງ ແລະ ເທດສະບານ ຫງ້າໃບ ໄດ້ມານະພະຍາຍາມສູ້ຊົນ ແລະ ບັນລຸໄດ້ໃນຊຸມປີຜ່ານມາ.
“ເທດສະບານ ຫງ້າໃບ ໄດ້ເສີມຂະຫຍາຍກຳລັງແຮງພາຍໃນ, ທ່າແຮງຕົ້ນຕໍ່ໃນການຄົມມະນາຄົມທາງບົກ, ທາງນ້ຳ, ຍືດໝັ້ນມານະພະຍາຍາມສູ້ຊົນ ແລະ ບັນລຸໄດ້ບັນດາຜົນງານທີ່ໜ້າປະທັບໃຈ, ລາຍຮັບສະເລ່ຍຕໍ່ຫົວຄົນບັນລຸກວ່າ 45 ລ້ານ/ຄົນ ໃນປີ 2015. 100% ຈຳນວນຕາແສງບັນລຸມາດຖານຊົນນະບົດໃໝ່, ແມ່ນຫົວໜ່ວຍຂັ້ນເມືອງແຫ່ງທຳອິດຢູ່ເຂດທົ່ງພຽງແມ່ນນຳ້ຂອງ ໄດ້ຮັບການຮັບຮອງບັນລຸມາດຖານຊົນນະບົດໃໝ່ຈາກນາຍົກລັດຖະມົນຕີ. ນີ້ແມ່ນຄວາມເປັນກຽດ, ມີຄວາມເອກອ້າງຖະນົງໃຈຢ່າງແທດຈິງຂອງອົງຄະນະພັກ, ອຳນາດການປົກຄອງ ແລະ ປະຊາຊົນແຂວງເຮົ້າຢາງ ເວົ້າລວມ, ເທດສະບານ ຫງ້າໃບ ເວົ້າສະເພາະ, ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນຜົນງານລວມຂອງທົ່ວປະເທດກ່ຽວກັບການກໍ່ສ້າງຊົນນະບົດໃໝ່”.
ໄລຍະ 5 ປີກ່ອນນີ້, ເທດສະບານ ຫງ້າໃບ ມີ 3 ຕາແສງໄດ້ຮັບເລືອກເຟັ້ນເພື່ອຜັນຂະຫຍາຍໂຄງການກໍ່ສ້າງຊົນນະບົດໃໝ່ ລວມມີ: ດ້າຍແທ່ງ, ເຕີນແທ່ງ ແລະ ຮຽບເລີຍ, ໃນນັ້ນ ດ້າຍແທ່ງ ແມ່ນຕາແສງທີ່ເປັນແບບຢ່າງຂອງແຂວງ. ນັບແຕ່ຊຸມມື້ທຳອິດ, ອຳນາດການປົກຄອງເທດສະບານ ຫງ້າໃບ ໄດ້ວາງບັນດາທິດທາງ, ບາດກ້າວລະອຽດ, ພິເສດແມ່ນແນະນຳ, ກະຕຸກຊຸກຍູ້ບັນດາທ້ອງຖິ່ນປະຕິບັດ. ດ້ວຍແຫ່ຼງເງິນລົງທຶນທັງໝົດແມ່ນເກືອບ 848 ຕື້ດົ່ງ, ໃນນັ້ນແຫຼ່ງລາຍຈາຍຈາກງົບປະມານແຫ່ງລັດ ກ່ວມເອົາ 33%, ສ່ວນຍັງເຫຼືອແມ່ນທຶນຈາກບ້ວງສິນເຊື່ອ, ທຶນປະກອບຂອງວິສາຫະກິດ ແລະ ປະຊາຊົນ, ໃນນັ້ນປະຊາຊົນປະກອບທຶນເກືອບ 30%, ເທດສະບານ ຫງ້າໃບ ໄດ້ປັບປຸງລະບົບພື້ນຖານໂຄງລ່າງຊົນນະບົດເທື່ອລະກ້າວຢູ່ບັນດາຕາແສງຄື: ບັນດາກິດຈະກຳໄຟຟ້າ, ທາງຄົມມະນາຄົມ, ໂຮງຮຽນ, ສຸກສາລາ, ຫໍວັດທະນະທຳບ້ານ, ພ້ອມທັງຂົນຂວາຍປະຊາຊົນຮ່ວມແຮງຮ່ວມໃຈສ້າງທິວທັດທຳມະຊາດສິ່ງແວດລ້ອມທີ່ຂຽວ, ສະອາດ ແລະ ສວຍງາມ.
ພາຍຫຼັງ 3 ປີແຫ່ງການກໍ່ສ້າງຊົນນະບົດໃໝ່, ຕາແສງ ດ້າຍແທ່ງ ໄດ້ສຳເລັດບັນດາມາດຖານ ແລະ ໄດ້ຮັບການຮັບຮອງວ່າແມ່ນຕາແສງຊົນນະບົດໃໝ່. ນີ້ກໍ່ແມ່ນຕາແສງຊົນນະບົດໃໝ່ທຳອິດຢູ່ເຂດທົ່ງພຽງແມ່ນ້ຳຂອງ. ໃນຊຸມປີຕໍ່ໄປ, ດ້ວຍບັນດາບາດກ້າວຢ່າງໝັ້ນຄົງ, ເໝາະສົມ, ການສູ້ຊົນ ແລະ ຄວາມມານະພະຍາຍາມຈົດສຸດຄວາມສາມາດຂອງຕົນ, ບັນດາຕາແສງທີ່ຍັງເຫຼືອຂອງເທດສະບານ ຫງ້າໃບ ຈະໄດ້ຮັບການຮັບຮອງເປັນຕາແສງຊົນນະບົດໃໝ່ຕາມລະດັບ. ໃຫ້ສັງເກດກ່ຽວກັບວິວັດການກໍ່ສ້າງຊົນນະບົດໃໝ່ຂອງເທດສະບານ ຫງ້າໃບ, ທ່ານ ຫງວຽນລຽນຄວາ, ອະດີດຮອງປະທານຜູ້ປະຈຳການຄະນະກຳມະການປະຊາຊົນ ເຂົ້າເຮົ້າຢາງ ໃຫ້ຮູ້ວ່າ.
“ສິ່ງສຳຄັນແມ່ນການຈັດຕັ້ງຜັນຂະຫຍາຍໂຄງການກໍ່ສ້າງຊົນນະບົດໃໝ່ຂອງເທດສະບານ ຫງ້າໃບ ເປັນລະບຽບທີ່ສຸດ. ພະນັກງານ, ອຳນາດການປົກຄອງມີຄວາມຮູ້ອີງໃສ່ປະຊາຊົນ, ສະນັ້ນ, ເມື່ອຜັນຂະຫຍາຍໄດ້ຮັບການສະໜັບສະໜູນຂອງປະຊາຊົນສູງສຸດ. ສິ່ງດັ່ງກ່າວ ໄດ້ຊ່ວຍເທດສະບານ ຫງ້າໃບ ປະຕິບັດສຳເລັດບັນດາມາດຖານກໍ່ສ້າງຊົນນະບົດໃໝ່”.
ຄຽງຂ້າງການລົງທຶນປະກອບພາຫະນະກົນຈັກ, ຈາກຂອດເຮັດດິນເຖິງການເກັບກຽວເພື່ອໃຫ້ຫຼຸດຜ່ອນແຮງງານ, ເທດສະບານຍັງຊີ້ນຳສ້າງຕັ້ງເຂດຜະລິດລວມສຸມ, ນຳໃຊ້ວິທະຍາສາດເຕັກນິກເຂົ້າໃນການຜະລິດ, ສ້າງຮູບແບບຜະລິດທີ່ເປັນແບບຢ່າງ ຈາກນັ້ນຂະຫຍາຍບັນດາຮູບແບບດຳເນີນທຸລະກິດຢ່າງມີປະສິດທິຜົນ. ຕາມນັ້ນແລ້ວ, ຕາແສງ ດ້າຍແທ່ງ ແລະ ເຕີນແທ່ງ ມີເງື່ອນໄຂທີ່ດິນເໝາະສົມກັບການປູກຕົ້ນໝາກກ້ຽງ, ສຸມໃສ່ກໍ່ສ້າງລະບົບຂັນຄູ, ຮັບປະກັບແຫຼ່ງນ້ຳ… ເທດສະບານກໍໄດ້ຈົດທະບຽນເຄື່ອງໝາຍການຄ້າ “ໝາກກ້ຽງ ຫງ້າໃບ”, ທັງຜັນຂະຫຍາຍບັນດາມາດຕະການແກ້ໄຂ, ນະໂຍບາຍຊ່ວຍໃຫ້ປະຊາຊົນພັດທະນາການຜະລິດ, ບືນຕົວຂຶ້ນຫຼຸດພົ້ນອອກຈາກຄວາມທຸກຍາກ. ຍ້ອນປະຕິບັດວຽກງານວາງແຜນ ແລະ ປະຕິບັດບັນດານະໂຍບາຍໜຸນຊ່ວຍເປັນຢ່າງດີ, ສະນັ້ນລາຍຮັບຂອງປະຊາຊົນຢູ່ທີ່ນີ້ໄດ້ຮັບການຍົກສູງຂຶ້ນເມື່ອລະກ້າວ. ປະຈຸບັນ, ປະຊາຊົນເທດສະບານ ຫງ້າໃບ ໄດ້ມີລາຍຮັບສະເລ່ຍ 45 ລ້ານດົ່ງ/ປີ. ທ່ານ ລືວັນມື່ງ, ຢູ່ບ້ານ ດົງອານອາ, ຕາແສງດ້າຍແທ່ງ, ເທດສະບານ ຫງ້າໃບ ເວົ້າຄວາມໃນໃຈສູ່ກັນວ່າ.
“ເມື່ອທຽບໃສ່ການປູກເຂົ້າໃນເມື່ອກ່ອນ, ປະຈຸບັນລາຍຮັບໄດ້ຂຶ້ນເຖິງທົບ 30 ເທົ່າ. ກ່ອນນີ້, ດ້ວຍ 15 ແຮງງານ, ຂ້າພະເຈົ້າເກັບກ່ຽວ ແລະ ຂ້າຍໄດ້ 45 – 50 ລ້ານດົ່ງ/ເຮັກຕາ/ປີ, ແຕ່ປະຈຸບັນ, ດ້ວຍ 15 ແຮງງານ ຈະເກັບກ່ຽວ ແລະ ຂາຍໄດ້ນັບຕື້ດົງ/ປີ. ຊີວິດການເປັນຢູ່ຂອງພໍ່ແມ່ປະຊາຊົນໃຜໆກໍຄົບຖ້ວນ, ບໍ່ປະສົບກັບຄວາມຫຍຸ້ງຍາກຄືເມື່ອກ່ອນອີກ”.
ເລື່ອງປະຕິບັດສຳເລັດບັນດມາດຖານກໍ່ສ້າງຊົນນະບົດໃໝ່ແມ່ນຍາກຫຼາຍ, ແຕ່ການຮັກສາ ແລະ ເສີມຂະຫຍາຍທ່າແຮງຈາກບັນດາມາດຖານດັ່ງກ່າວຍິ່ງຫຍຸ້ງຍາກກວ່າ. ເທດສະບານ ຫງ້າໃບ ສືບຕໍ່ສູ້ຊົນຮັບປະກັນຊີວິທາງດ້ານວັດຖຸ ແລະ ຈິດໃຈຂອງປະຊາຊົນໃຫ້ປີນີ້ສູງກວ່າເມື່ອທຽບໃສ່ປີິກ່ອນ. ທ່ານ ຫງວຽນທ້ຽນເຍີນ, ເລຂາຄະນະພັກເທດສະບານ ຫງ້າໃບ ໃຫ້ຮູ້ວ່າ.
“ພວກຂ້າພະເຈົ້າຈະສືບຕໍ່ມີບັນດາການປ່ຽນໃໝ່ໃນວຽກງານຍົກສູງບັນດາມາດຖານຊົນນະບົດໃໝ່. ດ້ວຍວິທີກວດກາ, ກະຕຸກຊຸກຍູ້ເປັນປະຈຳ, ພວກຂ້າພະເຈົ້າຈະເອົາໃຈໃສ່ເຖິງບັນດາມາດຖານທີ່ຍັງຂາດລັກສະນະພັດທະນາຢ່າງໝັ້ນຄົງ, ເອົາໃຈໃສ່ເປັນພິເສດເພື່ອເຮັດແນວໃດໃຫ້ມີການຊີ້ນຳ ແລະ ການຈັດຕັ້ງການປະຕິບັດຕິດແທດກັບສະພາບຕົວຈິງ ແລະ ບັນລຸໄດ້ບັນດາເນື້ອໃນຕາມຄວາມຮຽກຮ້ອງ”.
ຄຽງຂ້າງການຍົກສູງລະດັບບັນດາມາດຖານກໍ່ສ້າງຊົນນະບົດໃໝ່, ບັນດາຕາແສງຢູ່ເທດສະບານ ຫງ້າໃບ ສືບຕໍ່ຫັນປ່ຽນໂຄງປະກອບຜົນລະປູກຕົ້ນໄມ້, ສັດລ້ຽງຢູ່ບັນດາຕາແສງ. ພ້ອມກັນນັ້ນ, ດ້ວຍການຍົກສູງລັກສະນະປະສິດທິຜົນໃນການເຄື່ອນໄຫວຜະລິດດຳເນີນທຸລະກິດ, ອຳນາດການປົກຄອງຕາແສງສືບຕໍ່ຊີ້ນຳປັບປຸງການເຄື່ອນໄຫວຂອງບັນດາໜ່ວຍຮ່ວມມື ກໍຄືສະຫະກອນກະສິກຳ. ເລື່ອງປັບປຸງບັນດາອົງການຈັດຕັ້ງຫົວໜ່ວຍສະຫະກອນ ເພື່ອແນໃສ່ສ້າງລະບົບມູນຄ່າສິນຄ້າກະສິກຳທີ່ມີມູນຄ່າສູງ, ສາມາດຕອບສະໜອງໄດ້ຄວາມຕ້ອງການແກ່ງແຍ່ງໃນຕະຫຼາດຢ່າງພຽງພໍ.