ຕູຍໂລກ ແມ່ນຕາແສງຢູ່ເຂດຫ່າງໄກສອກຫຼີກ, ທີ່ຂຶ້ນກັບເມືອງ ເກິມເຄ, ແຂວງ ຟູ໋ທໍ້. ຊາວໃນໝູ່ບ້ານໄດ້ເລົ່າເລື່ອງລາວກ່ຽວກັບການລ້ຽງປາໃນຄຳສີແດງສູ່ຟັງວ່າ, ທ່ານ ເຈິ່ນວັນເຊົ໋າ, ເຊິ່ງແມ່ນພໍ່ຄ້າປາພັນຜູ້ໜຶ່ງໃນໝູ່ບ້ານ, ເມື່ອເຫັນປາໃນຄຳສີແດງໂຕແປກໆ ກໍ່ເລີຍຊື້ເອົາ 4 ໂຕນ້ອຍໆມາລ້ຽງ. ເມື່ອເຫັນປາແປກໆຄືແນວນັ້ນ, ທຸກຄົນກໍ່ພາກັນມາເບິ່ງ ແລະ ຜູ້ໃດກໍ່ນິຍົມ. ແຕ່ມີບາງຄົນທີ່ມີຄວາມເຊື່ອຖືແບບງົມງວາຍພັດເວົ້າວ່າ, ທ່ານ ເຊົ໋າ ນຳເອົາ ປາຜີ ເມືອບ້ານ, ແລະ ກໍ່ບອກໃຫ້ທ່ານປ່ອຍປານີ້ລົງແມ່ນ້ຳ. ແລະກໍ່ໃນປີນັ້ນ, ກົງກັບມື້ເທວະດາຜູ້ດູແລເຕົາໄຟຂຶ້ນສະຫວັນຊັ້ນຟ້າ, ເມື່ອເຫັນປາງາມບາງຄົນກໍ່ມາຊື້ເພື່ອບູຊາ. ໃນເບື້ອງຕົ້ນທ່າພຽງແຕ່ມອບໃຫ້ລ້າໆໂດຍບໍ່ເກັບເງິນ, ແຕ່ຕໍ່ມາກໍ່ມີຫຼາຍຄົນມາຊື້ ທ່ານຈຶ່ງຂາຍ. ເມື່ອເຫັນວ່າການລ້ຽງປາໃນຄຳສີແດງຫາກຳໄລໄດ້, ມີຫຼາຍຄົນໄດ້ຊື້ເອົາເພື່ອຂາຍສົ່ງ, ນັບແຕ່ນັ້ນຫຼາຍຄອບຄົວກໍ່ພາກັນລ້ຽງ, ສຸດທ້າຍການລ້ຽງປາໄດ້ແຜ່ຂະຫຍາຍໄປທົ່ວຕາແສງ ຕູຍໂລກ. ທ່ານ ກວນ, ພະນັກງານຕາແສງ ຕູຍໂລກ, ໃຫ້ຮູ້ວ່າ: ປະຈຸບັນ, ທັງໝູ່ບ້ານ ຖູຍເຈິ່ມ ມີ 564 ຄອບຄົວ, ໃນນັ້ນມີ 500 ຄອບຄົວລ້ຽງປາໃນຄຳສີແດງ. ທ່ານ ກວນ ໃຫ້ຮູ້ວ່າ:
”ການລ້ຽງປາໄດ້ຮັປະສິດທິຜົນຫຼາຍທົບ 3 ເທົ່າ ເມື່ອທຽບກັບການປູກເຂົ້າ, ໃນໂອກາດບຸນປີໃໝ່, ບັນດາຄອບຄົວລ້ຽງປາ ສາມາດຫາລາຍຮັບໄດ້ແຕ່ 3-5 ລ້ານດົ່ງ”
ໂດຍແຕກຕ່າງກັບປາປະເພດຕ່າງໆ, ປາໃນຄຳສີຢູ່ທີ່ນີ້ແມ່ນປາໂຕຍາວ, ມີສີແດງເຂັ້ມ, ຫາງຍາວ, ແຂງແຮງ ແລະລ້ຽງງາຍ. ແຕ່ລະຄອບຄົວຢູ່ໝູ່ບ້ານ ຖູຍເຈິ່ມ ມີສະລ້ຽງປາມ ສອງ, ສາມ ແຫ່ງ ທີ່ມີເນື້ອທີ່ ແຕ່ 7-8 ຕາແມັດ. ຕາມທຳມະດາແລ້ວ, ແຕ່ລະຕາແມັດສາມາດລ້ຽງປາໄດ້ແຕ່ 500 – 700 ໂຕ. ດັ່ງນັ້ນແຕ່ລະສະນ້ຳຈະມີປານັບໝື່ນໂຕ. ອ້າຍ ດຶກ, ເຈົ້າຂອງຄອບຄົວລ້ຽງປາໃນຄຳສີແດງ, ອະທິບາຍວ່າ:
”ປານີ້ຕ້ອງລ້ຽງໃນເນື້ອທີ່ບໍ່ກວ້າງປານໃດ, ເພື່ອໃຫ້ໂຕມັນນ້ອຍເທົ່າກັບນີ້ວມື້ເທົ່ານັ້ນ, ເພາະວ່ານີ້ແມ່ນປາເພື່ອບູຊາ, ເຂົາເຈົ້າຈຶ່ງບໍ່ມັກໂຕໃຫຍ່”
ຕາມທ່ານ ກວນ, ພະນັກງານຕາແສງ ຕູຍໂລກ ແລ້ວ, ໃນໝູ່ບ້ານຍັງມີບັນດາຄອບຄົວລ້ຽງປາເກັ່ງຄືຄອບຄົວອ້າຍ ກີ່, ອ້າຍວຸ. ສະນ້ຳແຕ່ລະແຫ່ງ, ລ້ຽງປາໃນຄຳສີແດງໄດ້ປະມານ 150 ກິໂກຼລາມ. ລາຄາຂາຍປາແມ່ນ 150.000 ດົ່ງ/ກິໂກຼລາມ. ເປັນອັນວ່າ, ພາຍຫຼັງລ້ຽງປາເປັນເວລາ 6 ເດືອນ, ສະນ້ຳແຕ່ລະແຫ່ງທີ່ມີເນື້ອທີ່ 10 ຕາແມັດ, ສາມາດສ້າງລາຍຮັບໄດ້ກວ່າ 20 ລ້ານ ດົ່ງ. ດ້ວຍສະລ້ຽງປາສອງ, ສາມແຫ່ງຄືແນວນັ້ນ, ແຕ່ລະປີ ອ້າຍ ດຶກ ກໍ່ສາມາດສ້າງລາຍຮັບໄດ້ນັບຮ້ອຍລ້ານດົ່ງ. ເຖິງວ່າວຽກງານລ້ຽງປາໄດ້ມີມາກ່ອນນີ້ຫຼາຍປີແລ້ວກໍ່ຕາມ, ແຕ່ປະຊາຊົນໃນໝູ່ບ້ານ ຖູຍເຈິ່ມ ຍັງຄົງມີສະຕິພັດທະນາອາຊີບຢູ່. ເພາະວ່າປາໃນຄຳສີແດງໂຕນ້ອຍນີ້ໄດ້ເຮັດໃຫ້ຊີວິດການເປັນຢູ່ຂອງປະຊາຊົນໃນເຂດດິນທີ່ທຸກຍາກໃນເມື່ອກ່ອນໄດ້ຮັບການປັບປຸງໃຫ້ດີຂຶ້ນ.
”ຂ້າພະເຈົ້າເຫັນວ່າ, ປາໃນຄຳສີແດງນີ້ໄດ້ນຳມາເຊິ່ງແຫຼ່ງລາຍຮັບດີພໍສົມຄວນໃຫ້ແກ່ບັນດາຄອບຄົວລ້ຽງປາ, ດັ່ງນັ້ນ, ໃນຊຸມປີຜ່ານມາພວກຂ້າພະເຈົ້າຈຶ່ງດຳເນີນການລ້ຽງປາເປັນປະຈຳ”
ໃນແຕ່ລະປີ, ນັບແຕ່ວັນທີ 15, 16 ເດືອນສິບສອງ ໄລ່ຕາມຈັນທະປະຕິທິນ, ທັງໝູ່ບ້ານມີຄວາມຄຶກຄື້ນມ່ວນຊື່ນດ້ວຍສຽງລົດລາງໄປມາຊື້ຂາຍປາໃນຄຳ. ແຕ່ລະເທື່ອ, ເມື່ອບຸນບູຊາເທວະດາຜູ້ດູແລເຕົາໄຟວຽນມາ, ສະເພາະໝູ່ບ້ານ ຖູຍເຈິ່ມ ກໍ່ສະໜອງປາໃນຄຳສີແດງເຖິງ 40 ໂຕນໃຫ້ແກ່ປະຊາຊົນໃນທົ່ວປະເທດ. ປີນີ້ ເຖິງວ່າອາກາດໜາວເຢັນກໍ່ຕາມ, ແຕ່ໂດຍມີປະສົບການໃນການລ້ຽງປາ, ໝູ່ບ້ານ ຖູຍເຈິ່ມ ກໍ່ສາມາດສະໜອງປາໃນຄຳສີແດງໃຫ້ປະຊາຊົນຢ່າງຄົບຖ້ວນໄດ້… ອາຊີບລ້ຽງປາໃນຄຳສີແດງໄດ້ນຳມາເຊິ່ງຜົນປະໂຫຍດອັນໃຫຍ່ຫຼວງໃນແກ່ປະຊາຊົນຕາແສງ ຕູຍໂລກ ຢ່າງແທ້ຈິງ. ບໍ່ມີໃຜຄິດໄດ້ວ່າ, ໂຕປາເຊິ່ງປະຊາຊົນກ່ອນນີ້ເອີ້ນວ່າ ”ປາຜີ” ນັ້ນ, ໄດ້ປະກອບສ່ວນລົບລ້າງຄວາມທຸກຍາກໃຫ້ແກ່ປະຊາຊົນແຫ່ງນີ້ໄດ້. ພາຍຫຼັງພິທີບູຊາສົ່ງເທວະດາຜູ້ດູແລເຕົາໄຟຂຶ້ນສະຫວັນຊັ້ນຟ້າແລ້ວ, ເຂົາເຈົ້າຈະປ່ອຍປາໃນຄຳສີແດງເຫຼົ່ານັ້ນລົງແມ່ນ້ຳ ພ້ອມກັບຄວາມໄຝ່ຝັນທີ່ດີຕໍ່ປີໃໝ່. ນີ້ກໍ່ແມ່ນຈຸດເວລາ ທີ່ປະຊາຊົນໃນໝູ່ບ້ານ ຖູຍເຈິ່ມ ສິ້ນສຸດໜຶ່ງ ປີ ແຫ່ງການລ້ຽງປາ ແລະ ຕ້ອນຮັບບຸນປີໃໝ່ປະຈຳຊາດໃນຄວາມເບິກບານມ່ວນຊື່ນ, ອິ່ມໜຳສຳ ລານ ແລະ ເຕັມໄປດ້ວຍຄວາມສຸກ.
ໂຕຕ໋ວນ