ទំហំនាំចូល-នាំចេញសរុបក្នុងឆ្នាំ ២០២៤ នឹងឈានដល់ប្រហែល ៧៨២ ពាន់លានដុល្លារ។ (រូបថត៖ baodautu.vn)

អគ្គនាយកដ្ឋានគយបានប្រកាសតួរលេខថ្មីបំផុតដែលបង្ហាញថា ទំហំនាំចូល-នាំចេញសរុបរបស់វៀតណាមសម្រេចបាន ៧៤៥ ពាន់លានដុល្លារអាមេរិកក្នុងរយៈពេលចាប់ពីថ្ងៃទី ១ ខែមករា ដល់ថ្ងៃទី ១៤ ខែធ្នូ មានកំណើនជាង ១៥% បើធៀបនឹងរយៈពេលដូចគ្នាកាលពីឆ្នាំមុន។ លទ្ធផលនេះបង្ហាញពីការងើបឡើងវិញ និងកំណើនដ៏ខ្លាំងនៃសេដ្ឋកិច្ចវៀតណាមក្នុងបរិបទដែលសេដ្ឋកិច្ចសកលនៅតែមានការប្រែប្រួលជាច្រើន។

ជាក់ស្តែងគឺ ទំហំនាំចេញសម្រេចបាន ៣៨៤ ពាន់លានដុល្លារអាមេរិក កើនឡើងជិត ១៤,៥% ខណៈដែលទំហំនាំចូលសម្រេចបានប្រមាណ ៣៦១ ពាន់លានដុល្លារអាមេរិក កើនឡើង ១៦,៣%។ ជញ្ជីងពាណិជ្ជកម្មទំនិញរបស់វៀតណាមមានអតិរេកចំនួន ២៣,៤ ពាន់លានដុល្លារអាមេរិក។

នៅលើមូលដ្ឋាននោះ អគ្គនាយកដ្ឋានគយបានព្យាករណ៍ថា ទំហំនាំចូល-នាំចេញសរុបក្នុងឆ្នាំ ២០២៤ នឹងឈានដល់ប្រហែល ៧៨២ ពាន់លានដុល្លារ ជាមួយនឹងអតិរេកពាណិជ្ជកម្មប៉ាន់ស្មានចំនួន ២៣,៥ ពាន់លានដុល្លារ៕