លោកសាស្ត្រាចារ្យ Zhu Zhenming មកពីវិទ្យាស្ថានស្រាវជ្រាវអាស៊ីខាងត្បូងនិងអាស៊ីអាគ្នេយ៍ (ទីក្រុងគុនមីង ប្រទេសចិន)។ (រូបថត៖ TTXVN)

លោកសាស្ត្រាចារ្យ Zhu Zhenming ចាត់ទុកថា ក្នុងរយៈពេលកន្លងមក បក្ស និងរដ្ឋាភិបាល
វៀតណាមបានអនុវត្តន៍កំណែទម្រង់សំខាន់ៗជាច្រើន ដូចជាការកែសម្រួលអង្គភាពរដ្ឋបាល ការអនុវត្តគំរូអាជ្ញាធរមូលដ្ឋានពីរកម្រិត និងការបង្រួមក្បាលម៉ាស៊ីនរដ្ឋបាល។ នៅក្នុងបរិបទនោះ ការដឹកនាំប្រកបដោយឯកភាពរបស់គណៈកម្មាធិការមជ្ឈិមបក្ស ការសម្របសម្រួលយ៉ាងជិតស្និទ្ធរវាងអាជ្ញាធរមជ្ឈិមនិងមូលដ្ឋាន រវាងបណ្ដាក្រសួង ស្ថាប័ន វិស័យ រួមជាមួយនឹងការស្រុះចិត្តគំនិតរបស់ប្រជាជនទាំងមូល បានរួមចំណែកធានាឲ្យការបោះឆ្នោតត្រូវបានធ្វើឡើងប្រកបដោយសណ្ដាប់ធ្នាប់និងប្រសិទ្ធភាព។

អ្នកជំនាញអំពីអាស៊ីខាងត្បូង និងអាស៊ីអាគ្នេយ៍រូបនេះ ក៏បានធ្វើអត្ថាធិប្បាយផងដែរថា ការបោះឆ្នោតទទួលបានការគាំទ្រ និងការជួយជ្រោមជ្រែងយ៉ាងសកម្មពីប្រជាជនគ្រប់មជ្ឈដ្ឋានលើទូទាំងប្រទេស។ អ្នកបោះឆ្នោតទូទាំងប្រទេសបានចូលរួមយ៉ាងសកម្មក្នុងដំណើរការបោះឆ្នោត ដោយបង្ហាញពីស្មារតីប្រជាធិបតេយ្យ និងការទទួលខុសត្រូវរបស់ពលរដ្ឋ តាមនោះរួមចំណែកដល់ការជ្រើសតាំងបុក្គលដ៏សក្តិសមដែលតំណាងឲ្យឆន្ទៈ និងសេចក្តីប្រាថ្នារបស់ប្រជាជន៕