គណៈប្រតិភូបានដាក់កម្រងផ្កានៅវិមានអនុស្សាវរីយ៍រំលឹកវិញ្ញាណក្ខ័ន្ធយុទ្ធជនពលី និងវីរបុរស (រូបថត៖ TTXVN)

ក្នុងពិធីនេះ នៅចំពោះមុខវិញ្ញាណក្ខន្ធលោកប្រធានហូជីមិញ កម្មាភិបាលនិងយុទ្ធជននៃអង្គភាពលេខ៣ និងមន្ទីរពេទ្យចល័តកម្រិត ២ លេខ៦ ដែលត្រៀមចេញដំណើរទៅបំពេញបេសកកម្ម UNISFA (តំបន់ Abyei) និង UNMISS (ស៊ូដង់ខាងត្បូង) ចូលរួមនៅក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ  បានសន្យាថា នឹងបំពេញយ៉ាងល្អនូវភារកិច្ចដែលបានប្រគល់ជូន។

តាងនាមនាយកដ្ឋានរក្សាសន្តិភាពវៀតណាមទាំងមូល ឧត្តមសេនីយឯក Pham Manh Thang ប្រធាននាយកដ្ឋានរក្សាសន្តិភាពវៀតណាមបានបំផុសចលនាប្រឡងប្រណាំងក្រោមប្រធានបទ៖ “សាមគ្គីភាព គំរូ វិន័យ ម្ចាស់ការ សកម្ម ច្នៃប្រឌិត ប្តេជ្ញាឈ្នះ” ដោយមានមនោគមវិជ្ជាដឹកនាំ៖ រក្សាសាមគ្គីភាព ធ្វើជាគំរូ ពង្រឹងវិន័យ សកម្ម ច្នៃប្រឌិត និងបំពេញការងារដោយជោគជ័យ។ រយៈពេលនៃការអនុវត្តគឺចាប់ពីថ្ងៃទី ១៨ ខែកញ្ញា ឆ្នាំ ២០២៤ ដល់ថ្ងៃទី ១ ខែតុលា ឆ្នាំ ២០២៥។

សូមគូសបញ្ជាក់ថា យោងតាមផែនការ កងវិស្វកម្មលេខ ៣ ដែលមានយុទ្ធជនចំនួន ១៨០ នាក់នឹងចាកចេញទៅបេសកកម្ម UNISFA (តំបន់ Abyei) នៅថ្ងៃទី ២៤ ខែកញ្ញា។ ទំនិញ និងឧបករណ៍ដែលភ្ជាប់មកជាមួយនឹងត្រូវដឹកជញ្ជូននៅត្រីមាសទី ៤ ឆ្នាំ ២០២៤។ នៅថ្ងៃដដែល យុទ្ធជនចំនួន ៦៣នាក់ មកពីមន្ទីរពេទ្យចល័តកម្រិត ២ លេខ ៦ ក៏នឹងចាកចេញទៅបេសកកម្ម UNMISS (ស៊ូដង់ខាងត្បូង)។ ទំនិញនិងបរិក្ខារដែលអមដំណើរត្រូវបានដឹកជញ្ជូនតាមផ្លូវអាកាសជាមួយបុគ្គលិកមន្ទីរពេទ្យតាមយន្តហោះ និងតាមសមុទ្រ៕