ពិធីរំលឹកវិញ្ញាណក្ខន្ធអតីតប្រធានរដ្ឋលោក  Tran Duc Luong ត្រូវបានប្រារព្ធឡើងយ៉ាងឱឡារិកនៅផ្ទះបុណ្យយសពជាតិលេខ៥ Tran Thanh Tong ទីក្រុងហាណូយ នាថ្ងៃទី ២៥ ឧសភា (រូបថត៖ TTXVN)

អញ្ជើញចូលរួមពិធីរំលឹកវិញ្ញាណក្ខន្ធអតីតប្រធានរដ្ឋ លោក Tran Duc Luong នៅផ្ទះបុណ្យសពជាតិលេខ ៥ Tran Thanh Tong នៃទីក្រុងហាណូយ មានវត្តមានអគ្គលេខាបក្ស លោក តូ ឡឹម; ប្រធានរដ្ឋ លោក លឿង គឿង ប្រធានរដ្ឋសភា លោក ត្រឹន ថាញ់ មិន ថ្នាក់ដឹកនាំបក្ស និងរដ្ឋ អតីតថ្នាក់ដឹកនាំបក្ស និងរដ្ឋ តំណាងក្រសួង ស្ថាប័ន មូលដ្ឋាន គណៈប្រតិភូអន្តរជាតិ និងប្រជាជនមួយចំនួនធំ ...។

ប្រធានរដ្ឋ លោក លឿង គឿង ប្រធានគណៈកម្មាធិការបុណ្យសព អញ្ជើញថ្លែងវិយោគវាចា រំលឹកវិញ្ញាណក្ខ័ន្ធលោកអតីតប្រធានរដ្ឋ លោក Tran Duc Luong  (រូបថត៖ VOV)

អញ្ជើញថ្លែងវិយោគវាចាក្នុងពិធីរំលឹកវិញ្ញាណក្ខន្ធអតីតប្រធានរដ្ឋ លោក Tran Duc Luong លោកប្រធានរដ្ឋលឿង គឿង ប្រធានគណៈកម្មាធិការបុណ្យសពបានអះអាងថា អតីតប្រធានរដ្ឋលោក Tran Duc Luong គឺជាគំរូដ៏ភ្លឺស្វាងនៃការសិក្សា និងអនុវត្តតាមសតិអារម្មណ៍ និងសីលធម៌របស់លោកប្រធានហូជីមិញ ហើយជាបក្ខជនកុម្មុយនិស្តដ៏ស្មោះត្រង់និងជាគំរូមួយរូប។ មរណភាពរបស់អតីតប្រធានរដ្ឋ លោក Tran Duc Luong គឺជាការបាត់បង់ដ៏ធំធេងចំពោះបក្ស រដ្ឋ ប្រជាជនវៀតណាម និងក្រុមគ្រួ សារ៖  “អតីតប្រធានរដ្ឋលោក Tran Duc Luong គឺជាថ្នាក់ដឹកនាំដ៏សំខាន់មួយរូបរបស់បក្ស រដ្ឋ តែងតែប្រកាន់ខ្ជាប់នូវស្មារតី ទំនួលខុសត្រូវ ធ្វើជាគំរូ រក្សាបាននូវសាមគ្គីភាព និងឯកភាពក្នុងបក្ស មានរបៀបរបបការងារតាមបែបប្រជាធិបតេយ្យ និងវិទ្យាសាស្ត្រ តែងតែយកផលប្រយោជន៍បក្ស និងប្រទេសជាតិជាអាទិភាព និងមានរបៀបរស់នៅគំរូ តែងតែទទួលបានការគោរព និងស្រឡាញ់រាប់អានពីប្រជាជននិងមិត្តរួមជាតិ។ ក្នុងវ័យ អាយុជីវិត ៨៨ ឆ្នាំ អាយុបក្ស ៦៥ឆ្នាំ  និងជាង៥០ឆ្នាំបម្រើសកម្មភាពបដិវត្តន៍ អតីតប្រធានរដ្ឋ លោក Tran Duc Luong បានខិតខំឥតឈប់ឈរ និងលះបង់គ្រប់បែបយ៉ាងដើម្បីបុព្វហេតុបដិវត្តន៍ដ៏រុងរឿងរបស់បក្ស ប្រទេសជាតិ និងសុភមង្គលរបស់ប្រជាជន។ ទោះបីជា អតីតប្រធានរដ្ឋលោក Tran Duc Luong បានទទួលមរណៈភាពហើយ ប៉ុន្តែឈ្មោះ អាជីព សមិទ្ធផល និងសីលធម៌បដិវត្តន៍ នឹងក្លាយជាគំរូជារៀងរហូតសម្រាប់កម្មាភិបាល បក្ខជន និងជនរួមជាតិគ្រប់រូបសិក្សារៀនសូត្រ និងធ្វើតាម”។

អគ្គលេខាបក្ស លោក តូ ឡឹម និងថ្នាក់ដឹកនាំបក្ស រដ្ឋ និងអតីតថ្នាក់ដឹកនាំ អញ្ជើញគោរពវិញ្ញាណក្ខន្ធអតីតប្រធានរដ្ឋ លោក Tran Duc Luong (រូបថត៖ TTXVN)

បន្ទាប់ពីការថ្លែងវិយោគវាចាមក ថ្នាក់ដឹកនាំបក្ស និងរដ្ឋ ភ្ញៀវអន្តរជាតិ និងក្រុមគ្រួសារបានអញ្ជើញស្មឹងស្មាធស្ងៀមស្ងាត់មួយនាទីរំលឹកដល់វិញ្ញាណ ក្ខ័ន្ធអតីតប្រធានរដ្ឋ លោក Tran Duc Luong។

បន្ទាប់ពីការថ្លែងអំណរគុណពីតំណាងគ្រួសារអតីតប្រធានរដ្ឋ មឈូសរបស់អតីតប្រធានរដ្ឋលោក Tran Duc Luong ត្រូវបានផ្ទេរទៅខាងក្រៅ ទៅកាន់អាកាសយានដ្ឋាន Noi Bai (ហាណូយ) បន្ទាប់មកទៅកាន់អាកាសយានដ្ឋាន Chu Lai (ខេត្ត Quang Nam)។  

ពិធីបញ្ចុះសពរបស់អតីតប្រធានាធិបតី Tran Duc Luong បានប្រព្រឹត្តទៅនៅម៉ោង ១៥៖០០ សៀល ថ្ងៃទី ២៥ ឧសភា នៅឈាបនដ្ឋាននៃស្រុកកំណើតរបស់អតីតប្រធានរដ្ឋ  នៅភូមិ Dien Truong ឃុំ Pho Khanh ក្រុង Duc Pho ខេត្ត Quang Ngai។

ថ្នាក់ដឹកនាំ អតីតថ្នាក់ដឹកនាំបក្ស រដ្ឋ រណសិរ្សមាតុភូមិវៀតណាម និងក្រុមគ្រួសារ ក្នុងពិធីបុណ្យសពអតីតប្រធានរដ្ឋ លោក Tran Duc Luong (រូបថត៖ VOV)

អញ្ជើញចូលរួមពិធីបុណ្យសពមានប្រធានរដ្ឋសភា លោក Tran Thanh Man ឧបនាយករដ្ឋមន្ត្រីអចិន្ត្រៃយ៍លោក Nguyen Hoa Binh អនុប្រធានរដ្ឋលោកស្រី Vo Thi Anh Xuan ថ្នាក់ដឹកនាំ និងអតីតថ្នាក់ដឹកនាំជាន់ខ្ពស់បក្ស រដ្ឋ ថ្នាក់ដឹកនាំខេត្ត Quang Ngai ...។

 

ឧបនាយករដ្ឋមន្ត្រីអចិន្ត្រៃយ៍លោក Nguyen Hoa Binh អញ្ជើញថ្លែងមតិក្នុងពិធីបុណ្យសព (រូបថត៖ VOV)

ថ្លែងមតិក្នុងពិធីបុណ្យសព ឧបនាយករដ្ឋមន្ត្រីអចិន្ត្រៃយ៍ លោក Nguyen Hoa Binh បានសង្កត់ធ្ងន់ថា គណៈកម្មាធិការរៀបចំពិធីបុណ្យសព រួមជាមួយនឹងក្រុមគ្រួសាររបស់អតីតប្រធានរដ្ឋ លោក Tran Duc Luong បានបំពេញយ៉ាងយកចិត្តទុកដាក់នូវការរៀបចំពិធីគោរពវិញ្ញាណក្ខន្ធ ពិធីរំលឹកវិញ្ញាណក្ខ័ន្ធនិងពិធីបញ្ចុះសពអតីតប្រធានរដ្ឋ លោកTran Duc Luong ទៅកាន់កន្លែងសម្រាកចុងក្រោយ នៅឃុំ Pho Khanh ទីរួមខេត្ត Duc Pho ខេត្ត Quang Ngai៕