(VOVWORLD) - ប្រព័ន្ធផ្សព្វផ្សាយរបស់កូរ៉េខាងជើងកាលពីថ្ងៃទី ២៨ ខែឧសភា បានរិះគន់លើផែនការទិញមីស៊ីសពីអាមេរិករបស់កូរ៉េខាងត្បូង ដោយបានចាត់ទុកនេះគឺជា បញ្ហាប្រឈមជាសាធារណៈចំពោះកិច្ចព្រមព្រៀងអន្តរកូរ៉េស្តីពីការកាត់បន្ថយភាពតានតឹងផ្នែកយោធា។

(VOVWORLD) - នាថ្ងៃទី ២៧ ខែឧសភា អាជ្ញាធរប៉េរូបានឱ្យដឹងថាចំនួនជនរងគ្រោះនិងស្លាប់ដោយសារការរញ្ជួយដីកម្រិត ៨.0 រិកទ័រកាលពីថ្ងៃទី ២៦ ខែឧសភា បានធ្វើឱ្យតំបន់ជាច្រើននៅក្នុងប្រទេសប៉េរូនិងអេក្វាឌ័ររញ្ជួយយ៉ាងខ្លាំងឡើង ដោយ បណ្តាលឲ្យមនុស្សចំនួន ២ នាក់បានស្លាប់និងជាង ៣០ នាក់ទៀតត្រូវរងរបួស។

(VOVWORLD) - ប្រធានាធិបតីអាមេរិក លោក Donald Trump កាលពីថ្ងៃទី ២៧ ខែឧសភាបានអំពាវនាវឲ្យថ្នាក់ដឹកនាំកូរ៉េខាងជើង លោក Kim Jong-un គួរតែចាប់យកឱកាស ដើម្បីផ្លាស់ប្តូរប្រទេសកូរ៉េខាងជើង តាមរយៈការរំលាយអាវុធនុយក្លេអ៊ែរ ព្រមទាំងព្រមានថា អាវុធនុយក្លេអ៊ែរគ្រាន់តែបង្កឡើងនូវ "រឿងអាក្រក់ " តែប៉ុណ្ណោះទេ។

(VOVWORLD) - នាថ្ងៃទី ២៧ ខែឧសភា ប្រធានាធិបតីអូទ្រីសលោក Alexander Van der Bellen បានជូនដំណឹងថា ឧបនាយករដ្ឋមន្ត្រីអូទ្រីស លោក Hartwig Loger ចំណុះគណបក្សប្រជាជន (OVP) នឹងដឹកនាំរដ្ឋាភិបាលអូទ្រីសជាបណ្ដោះអាសន្នក្នុងរយៈពេលខ្លី រហូតដល់ពេលដែលស្វែងរកបានមន្ត្រីជំនួសតំណែងរបស់នាយករដ្ឋមន្ត្រី ថ្មី។

(VOVWORLD) - នាថ្ងៃទី ២៧ ខែឧសភា ប្រធានាធិបតីស្រីលង្កា លោក Maithripala Sirisena បានប្រកាសថា លោកនឹងឆាប់បញ្ចប់ការអនុវត្តច្បាប់គ្រាអាសន្នក្នុងរយៈពេល ១ខែ ខាងមុខនេះ ដោយសារស្ថានភាពសន្តិសុខជិតត្រឡប់មកជាប្រក្រតីវិញ បន្ទាប់ពីការបំផ្ទុះគ្រាប់បែកដោយបង្ហូរឈាមជាច្រើនកាលពីខែមេសាកន្លងទៅ។

(VOVWORLD) - នាថ្ងៃទី ២៧ ខែឧសភា ប្រទេសស៊ីរីបានឲ្យដឹងថា អ៊ីស្រាអែលបានវាយប្រហារដោយបាញ់មីស៊ីលសំដៅទៅលើខេត្ត Quneitra នៅភាគនិរតីនៃប្រទេសនេះ។

(VOVWORLD) - នាថ្ងៃទី ២៧ ខែឧសភា ប្រព័ន្ធផ្សព្វផ្សាយរ៉ូម៉ានីបានឲ្យដឹងថា ថ្នាក់ដឹកនាំគណបក្សសង្គមប្រជាធិបតេយ្យកាន់អំណាច (PSD) លោក Liviu Dragna ត្រូវបាននាំទៅកាន់ពន្ធនាគារ បន្ទាប់ពីតុលាការកំពូលបានសម្រេចចិត្តរក្សាការកាត់ទោសដដែលដោយដាក់ពន្ធនាគាថ្នាក់ដឹកនាំរូបនេះពីបទប្រព្រឹត្តអំពើពុករលួយ។

(VOVWORLD) - នាថ្ងៃទី ២៨ ខែឧសភា នាយករដ្ឋមន្ត្រី វៀតណាម លោក Nguyen Xuan Phuc បានអញ្ជើញ ជួប សន្ទនាជាមួយប្រធានរដ្ឋសភាស៊ុយអែត លោក Andreas Norlen ។ ក្នុងជំនួបនេះ ភាគីទាំងពីរ បានឯកភាពលើវិធានការជាច្រើន ដើម្បីជំរុញទំនាក់ទំនងទ្វេភាគីឲ្យមានការអភិវឌ្ឍន៍ឱ្យកាន់តែស៊ីជម្រៅ ដោយឈរលើភាពជាដៃគូមានផលប្រយោជន៍ទៅវិញទៅមក។ នាយករដ្ឋមន្ត្រី Nguyen Xuan Phuc បានស្នើររដ្ឋសភានៃភាគីទាំងពីរ បន្តការផ្លាស់ប្តូរនិងសហប្រតិបត្តិការ ក៏ដូចជាគាំទ្រការអនុវត្តនូវកិច្ចព្រមព្រៀងសហប្រតិបត្តិការនិងដាក់ចេញទិសដៅថ្មីរវាងប្រទេសទាំងពីរ។

(VOVWORLD) - ក្នុងក្របខ័ណ្ឌនៃសម័យប្រជុំលើកទី៧ រដ្ឋសភាវៀតណាមនីតិកាលទី១៤ នាព្រឹកថ្ងៃទី ២៨ ខែឧសភា អង្គប្រជុំបានស្តាប់របាយការណ៍បកស្រាយ ទទួលយកនិងកែសម្រួលលើពង្រាងច្បាប់វិនិយោគសាធារណៈ (ធ្វើវិសោធនកម្ម) និងពិភាក្សាអំពីពង្រាងច្បាប់នេះតែម្តង។

(VOVWORLD) - កិច្ចប្រជុំមន្រ្តីជាន់ខ្ពស់អាស៊ាន (ASEAN SOM) និងកិច្ចប្រជុំពាក់ព័ន្ធនានាបានធ្វើឡើងប្រារព្ធ នាព្រឹកថ្ងៃទី ២៨ ខែឧសភា នៅទីក្រុងបាងកក នៃប្រទេស ថៃ។ កិច្ចប្រជុំមន្រ្តីជាន់ខ្ពស់អាស៊ាន (ASEAN SOM) និងសន្និសីទពាក់ព័ន្ធនឹងប្រព្រឹត្តទៅចាប់ពីថ្ងៃទី ២៧ ដល់ថ្ងៃទី ៣១ ខែឧសភាឆ្នាំ ២០១៩។ គណៈប្រតិភូវៀតណាម ដឹកនាំដោយអនុរដ្ឋមន្រ្តីក្រសួងការបរទេសនិងជាប្រធាន SOM ASEAN វៀតណាម លោក Nguyen Quoc Dung អញ្ជើញចូលរួមក្នុងកិច្ចប្រជុំនេះផងដែរ។