ក្នុងនោះ ដំណើរការលាលែងពីតំណែងរបស់ប្រធានាធិបតីឆាប់តាមដែលអាចធ្វើទៅបានគឺជាប្រធានបទសំខាន់មួយ។ លើសពីនេះ វិធានការរក្សាស្ថិរភាពចិត្តប្រជាពលរដ្ឋ និងធានាមតិសាធារណៈឡើងវិញ បន្ទាប់ពីរដ្ឋសភារបស់ប្រទេសនេះ មិនបានអនុម័តសេចក្តីសម្រេចចោទប្រកាន់ប្រធានាធិបតី ក៏ស្ថិតក្នុងរបៀបវារៈផងដែរ។
លើសពីនេះ បើតាមប្រភពការទូតកូរ៉េខាងត្បូង អ្នកនាំពាក្យក្រសួងការពារជាតិបានបន្តបញ្ជាក់ថា កងទ័ពកូរ៉េខាងត្បូងនៅតែស្ថិតក្រោមការបញ្ជារបស់ប្រធានាធិបតី Yoon Suk Yeol។ ទន្ទឹមនឹងនេះ ទីភ្នាក់ងារប៉ូលិសកូរ៉េបាននិយាយថា ខ្លួនកំពុងពិចារណាចេញការហាមឃាត់ប្រធានាធិបតី Yoon Suk Yeol មិនឱ្យចាកចេញពីប្រទេស។
នៅព្រឹត្តិការណ៍ពាក់ព័ន្ធ សារព័ត៌មានកូរ៉េខាងត្បូងបានឲ្យដឹងថា នៅយប់ថ្ងៃទី ៩ ខែធ្នូទំនងជានឹងមានដីកាស៊ើបអង្កេតជាផ្លូវការពីតុលាការកូរ៉េខាងត្បូងប្រឆាំងនឹងអតីតរដ្ឋមន្ត្រីការពារជាតិរបស់ប្រទេសគឺលោក Kim Yong-hyun ដែលកំពុងការិយាល័យស៊ើបអង្កេតលើបទចោទ “បង្កចលាចលផ្ទៃក្នុង” ក្រោយដីកាអាជ្ញាសឹកកាលពីយប់ថ្ងៃទី៣ ធ្នូ៕
