ដោយឡែក បើតាមក្រសួងការពារជាតិប៉ាគីស្ថាន គិតត្រឹមរសៀលថ្ងៃទី៨ ខែឧសភា កងកម្លាំងរបស់ប្រទេសនេះបានបាញ់ទម្លាក់ UAV ចំនួន ២៥ គ្រឿង ដែលមានប្រភពមកពីប្រទេសឥណ្ឌា។
ខាងឥណ្ឌា ក្រសួងការពារជាតិរបស់ប្រទេសនេះបាននិយាយថា ប្រព័ន្ធការពាររបស់ខ្លួនបានបន្សាបការវាយប្រហារ UAV របស់ប៉ាគីស្ថាន និងកាំជ្រួចជាច្រើនលើមូលដ្ឋានយោធានៅភាគខាងជើង និងខាងលិចនៃប្រទេស កាលពីយប់ថ្ងៃទី ៧ និង ៨ ឧសភា។
ទន្ទឹមនឹងនេះ ការបាញ់ផ្លោងឆ្លងកាត់ខ្សែបន្ទាត់ត្រួតពិនិត្យ (LoC) នៅតំបន់កាស្មៀររវាងឥណ្ឌា និងប៉ាគីស្ថានបានបន្តយ៉ាងខ្លាំងក្លាកាលពីថ្ងៃទី ៨ ឧសភា។ ភាគីទាំងពីរបានអះអាងថា ជនស៊ីវិលជាច្រើនបានស្លាប់ និងរងរបួសនៅក្នុងការវាយប្រហារគ្នាទៅវិញទៅមក៕
