ក្នុងរយៈពេល៧ខែដើមឆ្នាំនេះ ការនាំចូល និងនាំចេញទំនិញសរុបឈានដល់ជិត ៤៤០ ពាន់លានដុល្លារអាមេរិក កើនឡើងជាង ១៧% បើធៀបនឹងរយៈពេលដូចគ្នាកាលពីឆ្នាំមុន។ ជាមួយនឹងលទ្ធផលខាងលើ ក្នុងខែកក្កដាឆ្នាំនេះ វៀតណាមត្រូវបានប៉ាន់ប្រមាណមានអតិរេកពាណិជ្ជកម្មចំនួន ២,១២ ពាន់លានដុល្លារអាមេរិក។ ក្នុងរយៈពេល ៧ ខែដើមឆ្នាំ សមតុល្យពាណិជ្ជកម្មទំនិញត្រូវបានប៉ាន់ប្រមាណមានអតិរេកពាណិជ្ជកម្មចំនួន ១៤,០៨ ពាន់លានដុល្លារ។
 ការកែច្នៃបង្កងសម្រាប់ការនាំចេញ។ រូបថត៖ Kim Ha/TTXVN |
ទំនិញជាច្រើនមុខសម្រេចបានតម្លៃនាំចេញជាង ១ ពាន់លានដុល្លារអាមេរិក ក្នុងនោះ ឈានមុខគេគឺក្រុមទំនិញប្រេងឥន្ធនៈនិងរ៉ែ និងក្រុមទំនិញពីឧស្សាហកម្មកែច្នៃ កសិផល រុក្ខផល និងជលផល។ សហរដ្ឋអាមេរិក និងចិនគឺជាទីផ្សារនាំចូលធំបំផុតរបស់វៀតណាម។
អត្ថាធិប្បាយអំពីស្ថានភាពនាំចេញ លោក Tran Thanh Hai អនុប្រធាននាយកដ្ឋាននាំចូល-នាំចេញ ក្រសួងឧស្សាហកម្ម និងពាណិជ្ជកម្មបានអះអាងថា ស្ថានភាពនាំចូល-នាំចេញរបស់វៀតណាមបាននិងកំពុងបង្ហាញសញ្ញាវិជ្ជមានជាច្រើន។ មូលដ្ឋាននានាមានផែនការជាក់លាក់ដើម្បីគាំទ្រ និងអមដំណើរជាមួយអាជីវកម្មក្នុងការពង្រីកទីផ្សារ៕
