នៅក្នុងការវិវឌ្ឍពាក់ព័ន្ធ នាថ្ងៃដដែលនោះ ក្នុងជំនួបជាមួយប្រធានាធិបតីរុស្ស៊ី លោក Vladimir Putin អភិបាលស្តីទីនៃខេត្ត Kursk លោក Alexei Smirnov បានឲ្យដឹងថា កងទ័ពអ៊ុយក្រែនបច្ចុប្បន្ននេះ កំពុងគ្រប់គ្រងតំបន់លំនៅដ្ឋានចំនួន ២៨ នៅក្នុងខេត្តនេះ និងបណ្តាលឲ្យជនស៊ីវិលជាច្រើននាក់ស្លាប់ស ក្នុងនោះរួមទាំងកុមារផងដែរ។ អាជ្ញាធរខេត្តបន្តធ្វើការដើម្បីកំណត់កន្លែងលាក់ខ្លួននិងស្ថានភាពរបស់ជនរងគ្រោះ ហើយចាត់វិធានការរៀបចំជំនួយមនុស្សធម៌និងការជម្លៀសចេញពីតំបន់ជម្លោះ។
ថ្លែងនៅក្នុងកិច្ចប្រជុំតាមអ៊ីនធឺណែតស្តីពីស្ថានការណ៍នៅតាមតំបន់ព្រំដែននៅថ្ងៃដដែលនោះ លោកប្រធានាធិបតី Putin បានបញ្ជាឲ្យត្រៀមរៀបចំលក្ខណៈដើម្បីឆ្លើយតបទៅនឹងការវាយប្រហារថ្មីរបស់អ៊ុយក្រែនដែលអាចកើតឡើងនៅក្នុងតំបន់ព្រំដែន រួមទាំងខេត្ត Bryansk ផងដែរ។ លោកបានកត់សម្គាល់ថា ការពង្រឹងការការពារនៅតាមតំបន់ព្រំដែននិងការឆ្លើយតយ៉ាងទាន់ពេលវេលា ចំពោះរាល់ការគំរាមកំហែងគឺជាភារកិច្ចស្នូល នាពេលខាងមុខ។ មេដឹកនាំរុស្ស៊ីក៏បានព្រមានថា លោកនឹង "ឆ្លើយតបឱ្យបានសមស្រប" ចំពោះការវាយប្រហាររបស់អ៊ុយក្រែននៅព្រំដែនរុស្ស៊ី ហើយបានប្រកាសថា នឹងមិនមានកិច្ចចរចាសន្តិភាពណាមួយ បន្ទាប់ពីឥរិយាបទរបស់ទីក្រុង Kiev ៕
