ថ្លែងនៅក្នុងព្រឹត្តិការណ៍នេះ លោកស្រី Pauline Tamesis អ្នកសម្របសម្រួលអង្គការសហប្រជាជាតិប្រចាំនៅវៀតណាម បានអំពាវនាវឱ្យ សហគមន៍រួមដៃគ្នាជួយយុវជន រួមទាំងជនចំណាកស្រុកវ័យក្មេង កំណត់ការអភិវឌ្ឍដ៏ត្រឹមត្រូវ នៅចំពោះមុខភាពស្មុគស្មាញជាសកលនាពេលបច្ចុប្បន្ន។
អញ្ជើញចូលរួមក្នុងព្រឹត្តិការណ៍នេះ លោកស្រី Kendra Rinas ប្រធានបេសកកម្ម IOM ប្រចាំប្រទេសវៀតណាម បានសង្កត់ធ្ងន់លើសារៈសំខាន់របស់យុវជនក្នុងការដោះស្រាយបញ្ហា ដ៏ស្មុគស្មាញអំពីចំណាកស្រុក។ តាមលោកស្រី សម្លេង គំនិត និងសកម្មភាពរបស់យុវជនដើរតួនាទីយ៉ាងសំខាន់ក្នុងការរៀបចំគោលនយោបាយ និងយុទ្ធសាស្ត្រចំណាកស្រុក រួមចំណែកជួយវៀតណាមសម្រេចបាននូវគោលដៅអភិវឌ្ឍន៍ប្រកបដោយចីរភាព។
 ប្រតិភូ និងយុវជនបានចូលរួមអបអរសាទរ និងថតរូបជាមួយគ្នា (ប្រភព៖ IOM) |
នៅក្នុងកិច្ចសន្ទនានេះ អនុប្រធាននាយកដ្ឋានកុងស៊ុល ក្រសួងការបរទេស លោកស្រី Phan Thi Minh Giang បានជូនដំណឹងថា វៀតណាមបានសហការយ៉ាងជិតស្និទ្ធជាមួយបណ្តាប្រទេស និងដៃគូអន្តរជាតិ ដើម្បីបង្កើតបណ្តាញអន្តរជាតិ ធានាការធ្វើចំណាកស្រុកស្របច្បាប់ សុវត្ថិភាព ទប់ស្កាត់ និងប្រយុទ្ធប្រឆាំងនឹងការធ្វើចំណាកស្រុកខុសច្បាប់។ ជាពិសេស វៀតណាមបាននិងកំពុងអនុវត្តយ៉ាងម៉ត់ចត់ និងមានប្រសិទ្ធភាពនូវកិច្ចព្រមព្រៀងសកលស្តីពីការធ្វើចំណាកស្រុកស្របច្បាប់ សុវត្ថិភាព និងមានសណ្តាប់ធ្នាប់ (កិច្ចព្រមព្រៀង GCM)៕
