ថ្លែងនៅក្នុងកម្មវិធីនេះ ឧបនាយករដ្ឋមន្រ្តី លោក Tran Hong Ha បានផ្ញើសេចក្តីជូនពរដ៏ល្អប្រសើរ និងថ្លែងអំណរគុណយ៉ាងស្មោះសរដល់លោកគ្រូអ្នកគ្រូ និងកម្មាភិបាលអប់រំឆ្នើម ដែលត្រូវបានលើកតម្កើងនៅឆ្នាំនេះ រួមជាមួយលោកគ្រូ អ្នកគ្រូ កម្មាភិបាល និងបុគ្គលិកក្នុងវិស័យអប់រំនៅទូទាំងប្រទេស។ លោកឧបនាយករដ្ឋមន្រ្តីបានចែករំលែកថា ប្រពៃណីនៃការសិក្សារៀនសូត្រ និងគោរពគ្រូបង្រៀន គឺជាតម្លៃមនុស្សធម៌ដ៏ជ្រាលជ្រៅរបស់ក្រុមគ្រួសារនីមួយៗ និងរបស់ប្រជាជាតិទាំងមូល។

មុននោះ នៅរសៀលថ្ងៃទី ១៩ ខែវិច្ឆិកា នៅទីក្រុងហាណូយ ក្រសួងអប់រំ និងបណ្តុះបណ្តាល រួមសហការជាមួយសហជីពអប់រំវៀតណាមបានរៀបចំពិធីកោតសរសើរគ្រូបង្រៀន និងកម្មាភិបាលឆ្នើមនៅឆ្នាំ ២០២៣ ។ ឆ្នាំនេះមានគ្រូបង្រៀននិងកម្មាភិបាលអប់រំឆ្នើមចំនួន ២០០ នាក់ ត្រូវបានលើកតម្កើង។ ក្នុងនាមជាគ្រូបង្រៀនដែលបានកោតសរសើរ លោកស្រី Pham Thi Trang Nhung គ្រូបង្រៀននៅវិទ្យាល័យ Bien Hoa ខេត្ត Ha Nam បានសម្តែងថា៖ “ខ្ញុំមានកិត្តិយសនិងមោទនភាពខ្លាំងណាស់ ដែលជាគ្រូបង្រៀនត្រូវបានកោតសរសើរ។ ខ្ញុំឃើញថា រូបខ្ញុំផ្ទាល់ត្រូវមានការទទួលខុសត្រូវបន្ថែមទៀតនៅក្នុងវិជ្ជាជីវៈរបស់ខ្លួន និងរួមចំណែកបន្ថែមទៀតដល់វិស័យអប់រំរបស់ប្រទេសទាំងមូល”។

លោកគ្រូ អ្នកគ្រូ និងកម្មាភិបាលអប់រំត្រូវបានកោតសរសើរសុទ្ធតែជាគំរូដ៏ភ្លឺស្វាងអំពីការប្តេជ្ញាចិត្ត ការទទួលខុសត្រូវ និងសេចក្តីស្រឡាញ់វិជ្ជាជីវៈ៕