ទិដ្ឋភាពនៅសន្និសីទសារព័ត៌មាន។ (រូបថត៖ TTXVN)
នៅសន្និសីទសារព័ត៌មានប្រកាសស្ថានការណ៍ពលករ-ការងារក្នុងត្រីមាសទី៤ ឆ្នាំ២០២១ និងសន្ទស្សន៍អភិវឌ្ឍមនុស្សវៀតណាមដំណាក់កាល២០១៦-២០២០ ដែលបានធ្វើឡើងដោយអគ្គនាយកដ្ឋានស្ថិតិកាលពីថ្ងៃទី៦ ខែមករា នៅទីក្រុង ហាណូយ លោកស្រី Nguyen Thi Thanh Mai អនុប្រធានមន្ទីរជំរឿនប្រជាជននិង ពលករ បានឲ្យដឹងថា សន្ទស្សន៍អភិវឌ្ឍមនុស្ស (HDI) របស់វៀតណាមបន្តត្រូវបាន កែលម្អក្នុងដំណាក់កាល២០១៦-២០២០។
អគ្គនាយកដ្ឋានស្ថិតិក៏បានចង្អុលបង្ហាញថា ខេត្ត ក្រុងក្រោមឱវាទមជ្ឈឹមទាំង អស់ សុទ្ធតែមាន HDI ឆ្នាំ២០២០ ខ្ពស់ជាងឆ្នាំ២០១៦។ គួរឲ្យកត់សម្គាល់ថា ក្រុម ខេត្តក្រុងដែលមានសន្ទស្សន៍ខ្ពស់បានកើនពី១៣កន្លែងនៅឆ្នាំ២០១៦ដល់២៤កន្លែង នៅឆ្នាំ២០២០។ ម្យ៉ាងវិញទៀត គម្លាត HDI រវាងបណ្ដាខេត្ត ក្រុងក៏ត្រូវបានបង្រួញ ជាបណ្ដើរៗផងដែរ។
អគ្គនាយកដ្ឋានស្ថិតិបានសង្កត់ធ្ងន់ថា HDI ជារង្វាស់ចម្រុះ ដែលវាយតម្លៃលើ គ្រប់ជ្រុងជ្រោយចំពោះលទ្ធផលអភិវឌ្ឍសេដ្ឋកិច្ចសង្គមរបស់ប្រទេសជាតិ។ ហេតុនេះ ហើយ HDI ត្រូវតែជាសន្ទស្សន៍ដ៏ស្នូលមួយក្នុងយុទ្ធសាស្ត្រ ផែនការអភិវឌ្ឍសេដ្ឋកិច្ច សង្គមរបស់ប្រទេសជាតិទាំងមូល ក៏ដូចជារបស់ខេត្ត ក្រុងនីមួយៗផងដែរ៕