Tran Quyet Chien ឈ្នះជើងឯកក្នុងការប្រកួតកីឡាប៊ីយ៉ាការ៉ុម៣បាំងពិភពលោក
(VOVWORLD) - នាព្រឹកថ្ងៃទី ៤ ខែមីនា នៅទីក្រុង Bogota (កូឡុំប៊ី) ក្នុងវគ្គផ្តាច់ព្រ័ត្រនៃការប្រកួតកីឡាប៊ីយ៉ាការ៉ុម៣បាំងពិភពលោកទីក្រុង Bogota (World Cup billiards 3-cushion carom) កីឡាករ Tran Quyet Chien (វៀតណាម) បានយកឈ្នះលើកីឡាករ Sidhom Sameh (អេហ្ស៊ីប) ដោយដណ្ដើមបានរង្វាន់ជើងឯក។
ការប្រកួតវគ្គផ្តាច់ព្រ័ត្រនេះពិតជាគួរឱ្យរំភើបនិងអស្ចារ្យ។ កីឡាករទាំងពីរបានដេញគ្នាតាមពិន្ទុដ៏អស្ចារ្យ មុនពេល Tran Quyet Chien បានយកឈ្នះការប្រកួតចុងក្រោយជាមួយពិន្ទុ ៥០-៤៤ បន្ទាប់ពីជុំទី ៣១។
 Tran Quyet Chien ឈ្នះជើងឯកក្នុងការប្រកួតកីឡាប៊ីយ៉ាការ៉ុម៣បាំងពិភពលោក។ រូបថត៖ FBNV |
នេះជាលើកទី៣ហើយក្នុងអាជីពរបស់ Tran Quyet Chien ដែលបានឈ្នះពានរង្វាន់កីឡាប៊ីយ៉ាការ៉ុម៣បាំងពិភពលោក។ ការប្រកួតចំនួន២លើកមុននោះ គឺជាការប្រកួតកាលពីឆ្នាំ ២០១៨ នៅទីក្រុងហូជីមិញ (វៀតណាម) និងឆ្នាំ ២០២៣ នៅទីក្រុង Porto (ព័រទុយហ្គាល់)។ រង្វាន់សម្រាប់ជើងឯកនៅ World Cup Bogota ២០២៤ គឺជាទឹកប្រាក់ ១៦.០០០ អឺរ៉ូ (ជាង ៤០០លានដុង) ហើយក៏ជួយឲ្យ Tran Quyet Chien ទទួលបានពិន្ទុបន្ថែម ដើម្បីចូលរួម Top ៣ នៅលើពិភពលោក៕