ខ្សែភាពយន្ត “ភ្លៀងក្រហម” ឈ្នះពានរង្វាន់ខ្លែងមាសឆ្នាំ ២០២៥ (រូបថត៖ VOV)

ពានរង្វាន់សម្រាប់ខ្សែភាពយន្ត “ភ្លៀងក្រហម” រួមមាន៖ ខ្សែភាពយន្តឆ្នើមបំផុត; អ្នកដឹកនាំរឿងល្អបំផុតសម្រាប់លោកវរសេនីយ៍ឯកបម្រុង ដាំង ថៃ ហួន; និងតារាសម្តែងប្រុសឆ្នើមបំផុត សម្រាប់លោកង្វៀនភឿងណាំ (សម្តែងតួរឈ្មោះតាក់)។

ថ្លែងនៅក្នុងពិធីប្រគល់ពានរង្វាន់ លោក ដូ លេហ៊ុងទូ ប្រធានសមាគមភាពយន្តវៀតណាម បានសង្កត់ធ្ងន់ថា ពានរង្វាន់ ខ្លែងមាស បង្ហាញពីស្នាដៃភាពយន្ត និងទូរទស្សន៍ ដែលបង្ហាញពីសញ្ញាសម្គាល់នៃសិល្បៈច្នៃប្រឌិត ពោរពេញទៅដោយអត្តសញ្ញាណជាតិ មានតម្លៃមនុស្សសាស្ត្រដ៏សម្បូរបែប និងសម្រេចបាននូវនូវប្រសិទ្ធភាពសង្គមវិជ្ជមាន។ នេះគឺជាពានរង្វាន់ប្រពៃណីមួយក្នុងវិស័យភាពយន្ត ដែលត្រូវបានទន្ទឹងរង់ចាំ និងទទួលបានការចាប់អារម្មណ៍ពីអ្នកជំនាញ និងសាធារណជន។ នេះក៏ជាឱកាសមួយដើម្បីលើកតម្កើងដល់ការចូលរួមចំណែក និងភាពច្នៃប្រឌិតរបស់អ្នកផលិតខ្សែភាពយន្តចំពោះការអភិវឌ្ឍភាពយន្តវៀតណាមផងដែរ។

ពានរង្វាន់ ខ្លែងមាស ឆ្នាំនេះ បានទាក់ទាញស្នាដៃចូលរួមចំនួន ១៦៤ នៅក្នុងប្រភេទផ្សេងៗគ្នា៖ ខ្សែភាពយន្ត; រឿងភាគទូរទស្សន៍; ភាពយន្តគំនូរជីវចល; ភាពយន្តវិទ្យាសាស្ត្រ; ភាពយន្តឯកសារ; និងភាពយន្តខ្នាតខ្លី៕