(VOVworld) - នាថ្ងៃទី២០ មិថុនា ប្រភពព័ត៌មានរដ្ឋាភិបាលជប៉ុនឲ្យដឹងថា ប្រទេសនេះបានចាប់ផ្ដើមត្រៀមរៀបចំឲ្យកិច្ចប្រជុំត្រីភាគីរវាងនាយករដ្ឋមន្រ្តី ជប៉ុនលោក Shinzo Abe ប្រធានាធិបតីអាមេរិកលោក Donald Trump និង ប្រធានាធិបតីកូរ៉េខាងត្បូងលោក Moon Jae-in ដែលគ្រោងនឹងប្រព្រឹត្តទៅនាខែ កក្កដាខាងមុខ។នៅកិច្ចប្រជុំនេះ លោក Abe គ្រោងនឹងអំពាវនាវឲ្យបង្កើនកិច្ច សហប្រតិបត្តិការរវាងភាគីទាំងបីសំដៅទប់ទល់នឹងការគំរាមកំហែងពីស.ប.បកូរ៉េ ក្នុងកាលៈទេសៈដែលព្យុងយ៉ាងបន្តអភិវឌ្ឍន៍អាវុធនុយក្លេអ៊ែរនិងកាំជ្រួច។កិច្ច ប្រជុំនេះ នឹងប្រព្រឹត្តទៅនៅខាងក្រៅសន្និសីទកំពូលក្រុមបណ្ដាខឿនសេដ្ឋកិច្ច អភិវឌ្ឍន៍និងរីកចម្រើនជួរមុខលើពិភពលោក (G២០) នៅអាល្លឺម៉ង់៕