ដំណាច់ខែកញ្ញា ជញ្ជីងពាណិជ្ជកម្មមានអតិរេកជិត ២២ ពាន់លានដុល្លារអាមេរិក

យោងតាមការធ្វើស្ថិតិដែលចេញផ្សាយដោយអគ្គនាយកដ្ឋានគយកាលពីម្សិលមិញ (ថ្ងៃទី១១ តុលា) បានឲ្យដឹងថា គិតត្រឹមដំណាច់ខែកញ្ញា តម្លៃប្រាក់នាំចូល-នាំចេញរបស់វៀតណាមឈានដល់ ៤៩៦,៣ ពាន់លានដុល្លារអាមេរិក។ ជញ្ជីងពាណិជ្ជកម្មមានអតិរេកជិត ២២ ពាន់លានដុល្លារអាមេរិក។

គួរកត់សម្គាល់ថា តម្លៃប្រាក់នាំចេញនាំចូលទំនិញត្រូវបានកែលម្អជាបន្តបន្ទាប់ក្នុង ត្រីមាសនីមួយៗ។ ប្រការនេះបង្ហាញថាតម្រូវការពិភពលោកកំពុងបង្ហាញសញ្ញា ងើបឡើងវិញ អង្គភាពអាជីវកម្មវៀតណាមចាប់ផ្តើមនាំចូលកាន់តែច្រើន ដោយហេតុនេះបង្កើតសន្ទុះសម្រាប់ការនាំចេញរបស់វៀតណាមសម្រេចបានកំណើនល្អក្នុងប៉ុន្មានខែចុងក្រោយនៃឆ្នាំនេះ។ នាពេលខាងមុខ ដើម្បីបង្កើនការនាំចេញនាំចូល ក្រសួងឧស្សាហកម្ម និងពាណិជ្ជកម្មនឹងជួយឧបត្ថម្ភដល់អង្គភាពអាជីវកម្មដើម្បីទាញយកអត្ថប្រយោជន៍ពីការប្តេជ្ញាចិត្តក្នុងកិច្ចព្រមព្រៀងពាណិជ្ជកម្មសេរី ជំរុញការចរចា ចុះហត្ថលេខាលើកិច្ចព្រមព្រៀង ប្តេជ្ញាចិត្ត និងសហការពាណិជ្ជកម្មថ្មីជាមួយដៃគូដែលមានសក្តានុពលដើម្បីធ្វើពិពិធកម្មទីផ្សារ ផលិតផល និងខ្សែសង្វាក់ផ្គត់ផ្គង់៕