លោក Trump និងលោក Xi Jinping ។ រូបថត៖ រ៉យទ័រ

ទន្ទឹមនឹងព័ត៌មានខាងលើ នាថ្ងៃដដែល អ្នកនាំពាក្យក្រសួងការបរទេសចិនបានប្រកាសថា ទីក្រុងប៉េកាំងជានិច្ចកាលមានទស្សនៈ អភិវឌ្ឍទំនាក់ទំនងចិន-អាមេរិក ស្របតាមគោលការណ៍គោរពគ្នាទៅវិញទៅមក ការរួមរស់ដោយសន្តិភាព និងកិច្ចសហប្រតិបត្តិការឈ្នះ-ឈ្នះ ទីក្រុងប៉េកាំងក៏បានអះអាងថា បានត្រៀមខ្លួនជាស្រេចក្នុងការពង្រឹងកិច្ចសន្ទនានិងការប្រាស្រ័យទាក់ទងជាមួយរដ្ឋាភិបាលថ្មីរបស់សហរដ្ឋអាមេរិក គ្រប់គ្រងការខ្វែងគំនិតគ្នា ឱ្យបានត្រឹមត្រូវ ពង្រីកកិច្ចសហប្រតិបត្តិការដែលមានផលប្រយោជន៍ទៅវិញទៅមក និងរួមគ្នាលើកកម្ពស់ទំនាក់ទំនងចិន-អាមេរិក ឲ្យមានការអភិវឌ្ឍប្រកបដោយស្ថិរភាព តម្លាភាព និងនិរន្តរភាព ស្វែងរកមាគ៌ាត្រឹមត្រូវសម្រាប់ ប្រទេសទាំងពីរចុះសម្រុងគ្នាក្នុងយុគសម័យថ្មី៕