ពិធីបង្ហាញក្រុមកម្លាំងទ័ពសេះចល័ត
(VOVWORLD) - នាព្រឹកថ្ងៃទី៨ មិថុនា នៅទីក្រុងហាណូយ បានប្រព្រឹត្តទៅនូវពិធី បង្ហាញក្រុមកម្លាំងទ័ពសេះចល័តចំណុះបញ្ជាការដ្ឋានប៉ូលីសចល័ត។ នាយករដ្ឋ មន្រ្តីរដ្ឋាភិបាលវៀតណាមលោក Nguyen Xuan Phuc និងប្រធានរដ្ឋសភា លោកស្រី Nguyen Thi Kim Ngan បានអញ្ជើញចូលរួមពិធីនេះ។
 ក្រុមកម្លាំងទ័ពសេះចល័តធ្វើដង្ហែឆ្លងកាត់វិមានរដ្ឋសភានាព្រឹកថ្ងៃទី៨ មិថុនា (រូបថត៖ VOV) |
ថ្លែងនៅទីនេះ លោកស្រីប្រធានរដ្ឋសភា Nguyen Thi Kim Ngan បាន សម្ដែងនូវជំនឿជាក់ថា កម្លាំងទ័ពសេះចល័តនឹងជំនះពុះពារលើការលំបាក សាកល្បងឲ្យកាន់តែអភិវឌ្ឍពីមួយថ្ងៃទៅមួយថ្ងៃ ដើម្បីសម្រេចឲ្យបានល្អ ប្រពៃនូវភារកិច្ចនយោបាយ ត្រៀមខ្លួនជាស្រេចប្រយុទ្ធការពារមាតុភូមិក៏ដូច ជាជីវភាពរស់នៅដ៏សុខសាន្តរបស់ប្រជាជនផងដែរ។
គួរជម្រាបថា កម្លាំងទ័ពសេះចល័តមានភារកិច្ចធ្វើការល្បាត ធានា សន្តិសុខសណ្ដាប់ធ្នាប់និងបង្ក្រាបបទល្មើសនៅតាមតំបន់ឆ្ងាយដាច់ស្រយាលនានាដែលមិនអាចដាក់ពង្រាយមធ្យោបាយរថយន្តនិងម៉ូតូបានឡើយ៕