ប្រធានាធិបតីអាមេរិកលោក Donald Trump និងថ្នាក់ដឹកនាំ ស.ប.ប.ក លោក Kim Jong – un

យោងតាមប្រភពព័ត៌មានពោលខាងលើបានឲ្យដឹងថា៖ ជំនួបកំពូលរវាងអាមេរិកជាមួយកូរ៉េខាងជើងនៅ រដ្ឋ Florida អាចនឹងប្រព្រឹត្តិទៅនារដូវស្លឹកឈើជ្រុះ។ ជំនួបនេះនឹងត្រូវប្រព្រឹត្តិទៅប្រសិនបើថ្នាក់ដឹកនាំទាំងពីររូប ស្រុះចិត្តគំនិតគ្នា។

ក្នុងបម្រែបម្រូលទាក់ទិនមួយទៀត នាថ្ងៃដដែល នៅក្នុងជំនួបពិភាក្សាការងាររវាង រដ្ឋមន្ត្រីការបរទេសជប៉ុន Taro Kono និងសមភាគីអាមេរិកលោក Mike Pompeo នោះ ភាគីទាំងពីរបានឯកភាពជំរុញឲ្យ ស.ប.ប.ក បោះបង់ចោលនុយក្លេអ៊ែរ “ទាំងស្រុង អាចត្រួតពិនិត្យបាន និងមិនអាចប្រែក្រឡាស”ខណៈដែលនៅតែរក្សាររាល់វិធានការដាក់ទណ្ឌកម្មចំពោះព្យុងយ៉ាងផងដែរ៕