ឧបនាយករដ្ឋមន្ត្រីវៀតណាមលោក Nguyen Xuan Phuc បានទទួលជួបសន្ទនាជាមួយលោក Hideaki Ohmura អភិបាលខេត្ត Aichi ជប៉ុន (VOV)

        VOV-នារសៀលថ្ងៃតី១០កញ្ញា នៅទីស្ដីការរដ្ឋាភិបាល ឧបនាយករដ្ឋមន្ត្រី​
វៀត​ណាមលោក Nguyen Xuan Phuc បានទទួលជួបសន្ទនាជាមួយលោក Hideaki
Ohmura អភិបាលខេត្ត Aichi ជប៉ុនដែលកំពុងបំពេញទស្សនកិច្ចការងារ​នៅវៀត
ណាម។ ឧបនាយករដ្ឋមន្ត្រី Nguyen Xuan Phuc បានអះអាងថា វៀត​ណាមយកចិត្ត
ទុកដាក់ដល់កិច្ចសហប្រតិបត្តិការរវាងបណ្ដាដំបន់នៃប្រទេសទាំង​ពីរក្នុងនោះ
មានខេត្ត Aichi ជាមួយបណ្ដាដំបន់នៅវៀតណាម។ រីឯលោក Hideaki Ohmura បាន
ឲ្យដឹងថា គោលដៅនៃដំណើរទស្សនកិច្ចលើកនេះសំដៅបង្កើន​ការ​ជួបប្រាស្រ័យ
ក្នុងវិស័យអាកាសចរណ៍និងចង់បង្កើនជើងហោះហើររវាងខេត្ត Aichi ជាមួយទីក្រុង
ហាណូយនិងទីក្រុងហូជីមិញរបស់វៀតណាម។

        នាថ្ងៃដ៏ដែល នាយឧត្តមសេនីយ៍ Tran Dai Quang រដ្ឋមន្ត្រីក្រសួងនគរបាល​វៀតណាមបានទទួលជួបឯកអគ្គរដ្ឋទូតជប៉ុនប្រចាំនៅវៀតណាម Yasuaki Tanizaki អញ្ជើញមកជំរាបលាក្នុងឱកាសបញ្ចប់បេសកកម្មការទូតនៅវៀតណាម។​ ថ្លែង​មតិ
នៅទីនេះ រដ្ឋមន្ត្រី Tran Dai Quang បានអះអាងថា រាល់ការខំប្រឹងប្រែងរបស់​ឯកអគ្គរដ្ឋទូតក្នុងអាណ្ណាត្តិបេសកកម្មកន្លងមកបានរួមចំណែកយ៉ាងសំខាន់ក្នុងការ
ជំរុញទំនាក់ទំនង​ដៃគូយុទ្ធសាស្ត្ររវាងវៀតណាមនិងជប៉ុននិយាយរួម ក៏ដូចជារវាង​ក្រសួងនគរបាលវៀតណាមនិងស្ថាប័នអនុវត្តច្បាប់របស់ជប៉ុននិយាយដោយឡែក។
រដ្ឋមន្ត្រី Tran Dai Quang មានបំណងថា ក្រោយពេលត្រឡប់ទៅប្រទេសវិញ ឯកអគ្គរដ្ឋទូតបន្តមានការរួមចំណែកឲ្យការអភិវឌ្ឍន៍ទំនាក់ទំនងសហប្រតិបត្តិការ
មិត្តភាពដ៏ល្អប្រសើររវាងប្រទេសទាំងពីរវៀតណាម-ជប៉ុន៕