សេចក្តីប្រកាសត្រូវបានលោក Amir Saeid Iravani ដាក់ចេញនៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិនៅថ្ងៃទី ១៧ ខែធ្នូ ដើម្បីពិភាក្សាអំពីការអនុវត្តសេចក្តីសម្រេចចិត្តលេខ ២២៣១។ សេចក្តីសម្រេចចិត្តនេះត្រូវបានអនុម័តដោយក្រុមប្រឹក្សាសន្តិសុខអង្គការសហប្រជាជាតិនៅឆ្នាំ ២០១៥ ដើម្បីផ្តល់សច្ចាប័នលើកិច្ចព្រមព្រៀងនុយក្លេអ៊ែរ ដែលត្រូវបានហៅថាផែនការសកម្មភាពរួមលើគ្រប់ជ្រុងជ្រោយ (JCPOA) រវាងអ៊ីរ៉ង់ និងក្រុម P5+1 (រួមមានសហរដ្ឋអាមេរិក ចក្រភពអង់គ្លេស បារាំង រុស្ស៊ី និងអាល្លឺម៉ង់) ដែលកក្នុងនោះ ទីក្រុងតេអេរ៉ង់បានសន្យាថា នឹងមិនស្វែងរក អភិវឌ្ឍន៍ ឬទិញអាវុធនុយក្លេអ៊ែរជាថ្នូរនឹងការដកទណ្ឌកម្មប្រឆាំងនឹងប្រទេសនេះ។

ឯកអគ្គរដ្ឋទូតអ៊ីរ៉ង់ប្រចាំអង្គការសហប្រជាជាតិ លោក Amir Saeid Iravani។ រូបថត់់៖  IRNA/TTXVN

នៅក្នុងកិច្ចប្រជុំនេះ លោក Amir Saeid Iravani បានប្រឆាំងជំទាស់យ៉ាងដាច់អហង្ការរាល់ការព្រមានពីក្រុម E៣ (រួមមានបារាំង អាល្លឺម៉ង់ និងចក្រភពអង់គ្លេស) ស្តីពីយន្តការដាក់ទណ្ឌកម្មឡើងវិញដោយសង្កត់ធ្ងន់ថា បទប្បញ្ញត្តិនេះមិនមែនជា "ឧបករណ៍" នៅក្នុងដៃរបស់មហាអំណាចលោកខាងលិច ដើម្បីដាក់សម្ពាធលើអ៊ីរ៉ង់នោះទេ។ លោក Amir Saeid Iravani ចាត់ទុកថាការចោទប្រកាន់ពីក្រុម E៣ និងសហរដ្ឋអាមេរិកគឺគ្មានហេតុផលឡើយ; ហើយបានបញ្ជាក់ថា អ៊ីរ៉ង់នៅតែប្តេជ្ញាសហប្រតិបត្តិការយ៉ាងជិតស្និទ្ធជាមួយទីភ្នាក់ងារថាមពលបរមាណូអន្តរជាតិ ស្របតាមកាតព្វកិច្ចដែលបានចុះហត្ថលេខា៕