 |
| អគ្គលេខាគណៈកម្មាធិការមជ្ឈឹមបក្សកុម្មុយនិស្តវៀតណាម Nguyen Phu Trong បានទទួលអគ្គលេខា ប្រធានរដ្ឋឡាវ Chumaly Sayasone |
(VOVworld)-មុនបង្អស់ ត្រូវអះអាងថា ឆ្នាំ២០១២ជាឆ្នាំមានអត្ថន័យសំខាន់
ពិសេសក្នុង ទំនាក់ទំនងវៀតណាម-ឡាវ ជាឆ្នាំដែលប្រជាជននៃប្រទេសទាំងពីរ
រំលឹកខួប អនុស្សាបរីយ៌លើកទី៥០ ទិវាបង្កើតទំនាក់ទំនងការទូត និងលើកទី
៣៥ទិវាចុះហត្ថលេខាលើកិច្ចព្រមព្រៀងមិត្តភាពនិងសហប្រតិបត្តិការ។ ក្នុងឆ្នាំ
២០១២ ប្រទេស ទាំងពីរបានជម្រុញកិច្ចសហប្រតិបត្តិការលើគ្រប់វិស័យពី
វិស័យនយោបាយ សេដ្ឋកិច្ច ដល់វប្បធម៌សង្គមជាដើម។ អំពីនយោបាយក្រោយ
ពីដំណើរទស្សនកិច្ចគ្នាទៅវិញទៅមករបស់ថ្នាក់ដឹកនាំ ជាន់ខ្ពស់នៃប្រទេសទាំង
ពីរវៀតណាមនិងឡាវបានសហការរៀបចំសកម្មភាពជាច្រើនដើម្បីពូនជ្រំឲ្យ
ទំនាក់ទំនងមិត្តភាពជាប្រពៃណី ក្នុងនោះត្រូវគិតដល់ពិធី មីទ្ទីញ ថ្នាក់រដ្ឋរំលឹក
ខួបលើកទី៥០ទិវាបង្កើតទំនាក់ទំនងការទូតនៅរដ្ឋធានីនៃប្រទេសនីមួយៗ
រៀបចំមហោស្រពមិត្តភាពប្រជាជនវៀតណាម-ឡាវលើកទី៣នៅវៀតណាម
ជាដើម។
ភាគីទាំងពីរក៏បានសកម្មសហការជំរុញកិច្ចសហប្រតិបត្តិការសេដ្ឋកិច្ច
ដោយមានការរៀបចំបណ្ដាផ្សារណាត់សិក្ខាសាលាវេទិការពន្លឿនពាណិជ្ជកម្ម
វិនិយោគទេសចរណ៍ សហការជាមួយភាគីឡាវរៀបចំសន្និសីទសហប្រតិបត្តិការ
អភិវឌ្ឍន៍ពាណិជ្ជកម្មព្រំដែនវៀតណាមឡាវលើកទី៨ជាដើម។ បណ្ដាសកម្មភាព
ពោលខាងលើបានរួមចំណែកបង្កើនតំលៃប្រាក់ពាណិជ្ជកម្មរវាងប្រទេសទាំងពីរ
ឡើងដល់ជិត១ពាន់លានដុល្លារអាមេរិកក្នុងឆ្នាំ២០១២។ នាបច្ចុប្បន្នវៀតណាម
មានគំរោងការចំនួន៤៤០គំរោងជាមួយចំនួនទុនវិនិយោគជាប្រាក់ប្រមាណ៥
ពាន់លានដុល្លារអាមេរិក ស្ថិតក្នុងក្រុមនាំមុខក្នុងចំណោមប្រទេសចំនួន៥៨
វិនិយោគនៅឡាវ។
 |
| កម្មវិធីសិល្បៈស្វាគមន៍ឆ្នាំមិត្តភាពវៀតណាម-ឡាវ២០១២ |
រីឯកិច្ចសហប្រតិបត្តិការក្នុងវិស័យសង្គមវិញក៏បង្កបានរបត់ពិសេសជាច្រើន
ជាមួយកម្មាភិបាលឡាវចំនួន៦ពាន់៥រយនាក់បានរៀនសូត្រនៅវៀតណាម និង
កម្មាភិបាលនិស្សិតវៀតណាមចំនួន៥រយនាក់រៀនសូត្រនៅឡាវ។
ជារួមអាចឃើញថាឆ្នាំសាមគ្គីភាពមិត្តភាពវៀតណាម-ឡាវជាពិតប្រាកដបានក្លាយទៅជាឆ្នាំមួយពោពេញទៅដោយការចាប់អារម្មណ៍ក្នុងទំនាក់ទំនងវៀតណាម
-ឡាវ។ វាយតំលៃអំពីកិច្ចសហប្រតិបត្តិការវៀតណាម-ឡាវ អគ្គលេខានិងជា
ប្រធានរដ្ឋឡាវ Choummaly Sayasone បានអះអាងថា៖
“ទំនាក់ទំនងវៀតណាម-ឡាវកាន់តែលេចធ្លោពី១ថ្ងៃទៅ១ថ្ងៃ ក្នុងទំនាក់ទំនង
ក្នុងតំបន់និងលើកឆាកអន្តរជាតិក្នុងដំណាក់កាលថ្មី។ ប្រទេស ទាំងពីរត្រូវរួមគ្នា
អភិវឌ្ឍន៌។ វៀតណាមអភិវឌ្ឍន៌ក៏ដូចជាប្រទេសឡាវអភិវឌ្ឍន៌ ដែរ។
ឆ្នាំសាមគ្គីភាពមិត្តភាពវៀតណាម-ឡាវបានបញ្ចប់ ប៉ុន្តែលទ្ធផលនៃឆ្នាំ នេះ
នឹងក្លាយជាកម្លាំងចលករសំខាន់សំដៅជម្រុញទំនាក់ទំនងពិសេសរវាង បក្ស រដ្ឋ និងប្រជាជននៃប្រទេសទាំងពីរ។ អគ្គលេខាគណៈកម្មាធិការមជ្ឈឹមបក្សកុម្មុយនិស្ត
វៀតណាម Nguyen Phu Trong បានមានប្រសាសន៌ថា៖
“ជាងពេលណាទាំងអស់ យើងត្រូវបន្តពង្រឹងនិងពង្រីកថែមទៀតចំណង
សាមគ្គីភាពពិសេស កិច្ចសហប្រតិបត្តិការលើគ្រប់វិស័យរវាងប្រទេសទាំងពីរ
វៀតណាម-ឡាវ ចាត់ទុកនេះជាប្រាស្រ័យទាក់ទងក្នុងការរស់នៅ និង
មនោសញ្ចេតនាមុនក៏ដូចជាក្រោយ។ យើងនឹងរក្សានិងការពារចំណងមិត្តភាព
ពិសេសវៀតណាម -ឡាវ ដូចជារក្សានិងការពារកែវភ្នែករបស់ខ្លួន និងចាត់ទុក
នេះជាទ្រពសម្បត្តិដែលមិនអាចកាត់ថ្លៃបាន ត្រូវរក្សាទុកឲ្យជំនាន់ក្រោយៗ”។
ជាមួយប្រវត្តិសាស្ត្រទំនាក់ទំនងមិត្តភាពជាប្រពៃណីដ៏ល្អប្រសើរត្រូវបាន
ពួនជ្រំបន្ថែមដោយរាល់ជោគជ័យដ៏ពិសេសក្នុងឆ្នាំសាមគ្គីភាពមិត្តភាពវៀតណាម
-ឡាវ២០១២នោះទំនាក់ទំនងវៀតណាម-ឡាវនឹងជាទំនាក់ទំនងពិសេសក្នុង
ប្រវត្តិសាស្ត្រនាសម័យកាលទំនើបនេះនិងជានិច្ចកាលជាទ្រពសម្បត្តិមិនអាច
កាត់ថ្លៃរបស់ប្រជាជាតិទាំងមូល ជាកត្តាធានាជោគជ័យនៃបុព្វហេតុកសាងនិង
ការពារមាតុប្រទេសរបស់ប្រជាជននៃប្រទេសទាំងពីរវៀតណាមនិងឡាវ៕