(TTX) ທີ່ການສຳມະນາ ”ຈັດຕັ້ງການກວດສອບຫົວເລື່ອງສະເພາະ ດ້ວຍບົດບາດປ່ຽນໃໝ່ແບບວິທີ ແລະ ຍົກສູງຄຸນນະພາບການຕັດສິນ, ຕິດຕາມກວດກາງົບປະມານ, ເງິນຕາ ແລະ ຊັບສົມບັດຂອງລັດ ຂອງບັນດາອົງການໂດຍປະຊາຊົນເລືອກຕັ້ງ” ເຊິ່ງຈັດຂຶ້ນຢູ່ຮ່າໂນ້ຍ ໃນວັນທີ 27/8 ນັ້ນ, ທ່ານຮອງຫົວໜ້າອົງການກວດສອບແຫ່ງລັດຫວຽດນາມ Doan Xuan Tien ໃຫ້ຮູ້ວ່າ, ອົງການກວດສອບແຫ່ງລັດພວມຍູ້ແຮງການກວດສອບຫົວເລື່ອງສະເພາະ ແລະ ກວດສອບການເຄື່ອນໄຫວ ເພື່ອຕອບສະໜອງຄວາມຕ້ອງການຕັດສິນ ແລະ ຕິດຕາມກວດກາຂອງອົງການໂດຍປະຊາຊົນເລືອກຕັ້ງ, ກໍ່ຄືການຄຸ້ມຄອງບໍລິຫານຂອງລັດຖະບານ. ໃນໄລຍະຜ່ານມາ, ອົງການກວດສອບແຫ່ງລັດໄດ້ຈັດຕັ້ງການກວດສອບຫົວເລື່ອງສະເພາະ, ໝາກຜົນຂອງການກວດສອບມີລັກສະນະກ່າວເຕືອນ, ແລະຈຳກັດສະພາບການຮົ່ວໄຫຼ, ການໃຊ້ຈ່າຍງົບປະມານຟູມເຟືອຍຢູ່ຫົວໜ່ວຍຕ່າງໆ, ນອກນັ້ນຍັງສະເໜີແນະສິ່ງທີ່ຍັງຄົງຄ້າງຂອງກົນໄກ, ນະໂຍບາຍ, ເອກະສານແນະນຳຂອງບັນດາອົງການຄຸ້ມຄອງລັດ ແນໃສ່ຍົກສູງປະສິດທິຜົນການນຳໃຊ້ງົບປະມານ, ເງິນຕາ, ຊັບສົມບັດຂອງລັດ.