(ພາບປະກອບ: TTXVN)

        ຕອນເຊົ້າວັນທີ 30 ຕຸລາ, ຢູ່ ຮ່າໂນ້ຍ, ມະຫາວິທະຍາໄລເສດຖະກິດແຫ່ງຊາດ ໄດ້ສົມທົບກັບອົງການແຮງງານສາກົນ (ILO) ຈັດການແນະນຳ “ບົດລາຍງານການໜູນຊ່ວຍສັງຄົມໂລກ 2024 - 2026”.

        ກ່າວຄຳເຫັນຢູ່ທີ່ນີ້, ທ່ານສາດສະດາຈານ, ປະລິນຍາເອກ ຟ້າມຮົ່ງເຈືອງ, ອະທິການບໍດີມະຫາວິທະຍາໄລເສດຖະກິດແຫ່ງຊາດ, ແບ່ງປັນວ່າ, ເພື່ອໃຫ້ປະເທດໜຶ່ງພັດທະນາແບບຍືນຍົງ, ບັນດາເປົ້າໝາຍກ່ຽວກັບການໜູນຊ່ວຍສັງຄົມແມ່ນໜຶ່ງໃນບັນດາເປົ້າໝາຍຫຼັກແຫຼ່ງທີ່ຕ້ອງບັນລຸໄດ້. ໃນຊຸມປີມໍ່ໆມານີ້, ລັດຖະບານ ຫວຽດນາມ ໄດ້ມີບາດກ້າວສຳຄັນເພື່ອສ້າງພື້ນຖານໃຫ້ແກ່ການເປີດກວ້າງລະດັບປົກຄຸມການໜູນຊ່ວຍສັງຄົມເທື່ອລະກ້າວ, ເຊິ່ງໄດ້ສະແດງອອກຜ່ານບັນດາມະຕິ; ປັບປຸງກົດໝາຍວ່າດ້ວຍການປະກັນສຸຂະພາບ, ກົດໝາຍວ່າດ້ວຍວຽກເຮັດງານທຳ. ບັນດາການປ່ຽນແປງດັ່ງກ່າວໄດ້ນຳ ຫວຽດນາມ ເຂົ້າໃກ້ກັບເລື່ອງບັນລຸໄດ້ບັນດາເປົ້າໝາຍພັດທະນາແບບຍືນຍົງ (SGDs) ຫຼາຍກວ່າ, ສອດຄ່ອງກັບບັນດາມາດຕະການອອກແຮງງານສາກົນ (ILS) ແລະ ບັນດາທຳນຽມສາກົນດີທີ່ສຸດ.

        ສ່ວນທ່ານ Andre Gama, ຫົວໜ້າໂຄງການໜູນຊ່ວຍສັງຄົມ, ອົງການ ILO ຫວຽດນາມ, ຊີ້ແຈ້ງ ຕ້ອງມີການກະທຳດ້ານນະໂຍບາຍ ເພື່ອເພີ່ມທະວີລະບົບໜູນຊ່ວຍສັງຄົມ ແລະ ປັບຕົວໃຫ້ແທດເໝາະກັບສະພາບຕົວຈິງໃໝ່, ພິເສດແມ່ນຢູ່ບັນດາປະເທດ, ເຂດແຄ້ວນທີ່ມີຄວາມສຽງສູງທີ່ສຸດຍ້ອນການປ່ຽນແປງຂອງດິນຟ້າອາກາດ.