(vovworld) - ສະຖານທູດຫວຽດນາມ ປະຈຳມາເລເຊຍ ຈະສ້າງຕັ້ງສະມາຄົມຊາວຫວຽດນາມ ອາໄສຢູ່ມາເລເຊຍ ເພື່ອຕອບສະໜອງຄວາມມຸ່ງມາດປາດຖະໜາຂອງຊາວຫວຽດນາມ ອາໄສຢູ່ມາເລເຊຍ ກ່ຽວກັບເລື່ອງມີອົງການອຸ້ມຊູຊ່ວຍເຫຼືອເຊິ່ງກັນ ແລະ ກັນ ໃນການຮໍ່າຮຽນ ແລະ ແກ້ໄຂຄວາມຫຍຸ້ງຍາກໃນຊີວິດການເປັນຢູ່; ປະກອບສ່ວນເຂົ້າໃນພາລະກິດສ້າງສາ ແລະ ພັດທະນາປະເທດຊາດ, ປະກອບສ່ວນຊຸກຍູ້ການພົວພັນມິດຕະພາບຫວຽດນາມ - ມາເລເຊຍ. ທ່ານເອກອັກຄະລັດຖະທູດຫວຽດນາມ Nguyen Hong Thao ໄດ້ປະກາດໃນພິທີສະເຫຼີມສະຫຼອງ 28 ປີແຫ່ງວັນສ້າງຕັ້ງສະຫະພັນແມ່ຍິງຫວຽດນາມ (20/10/1930 – 20/10/2012), ໂດຍສະຖານທູດຫວຽດນາມ ປະຈຳມາເລເຊຍ ສົມທົບກັບຮ້ານອາຫານ Cung Dinh ຫວຽດນາມ ຈັດຕັ້ງຂຶ້ນຢູ່ Kuala Lumpur ໃນຕອນຄໍ່າວັນທີ 20/10. ນະທີ່ນີ້, ທ່ານເອກອັກຄະລັດຖະທູດ Nguyen Hong Thao ໄດ້ທົບທວນຄືນມູນເຊື້ອປະຫວັດສາດຂອງແມ່ຍິງຫວຽດນາມ, ໄລຍະທາງອັນສະຫງ່າລາສີຂອງສະຫະພັນກໍຄືການປະກອບສ່ວນບໍ່ໜ້ອຍຂອງແມ່ຍິງຫວຽດນາມ ເຂົ້າໃນໄລຍະທາງແຫ່ງການປົກປັກຮັກສາ, ສ້າງສາ ແລະ ພັດທະນາປະເທດຊາດ.