ທ່ານ Marcelo Rodriguez, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດ ອາກຊັງຕິນ ຕອບສຳພາດຕໍ່ນັກຂ່າວສຳນັກຂ່າວສານຫວຽດນາມ (ພາບ: TTXVN)

ໃນການຕອບສຳພາດຕໍ່ນັກຂ່າວຂອງສຳນັກຂ່າວສານ ຫວຽດນາມ ຢູ່ Buenos Aires, ທ່ານ Marcelo Rodriguez, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດ ອາກຊັງຕິນ ໄດ້ແບ່ງປັນບັນດາການຕີລາຄາຢ່າງເລິກເຊິ່ງກ່ຽວກັບຜົນສຳເລັດອັນພົ້ນເດັ່ນຂອງພັກກອມມູນິດ ຫວຽດນາມ ໃນສະໄໝກອງປະຊຸມໃຫຍ່ຄັ້ງທີ XIII ຂອງ ຫວຽດນາມ ໃນສະພາບການໂລກ ແລະ ພາກພື້ນພວມມີການຜັນແປຢ່າງສັບສົນ ແລະ ຍາກທີ່ຈະຄາດຄະເນລ່ວງໜ້າໄດ້. ຕີລາຄາກ່ຽວກັບໝາກຜົນບັນລຸໄດ້ໃນສະໄໝກອງປະຊຸມໃຫຍ່ຄັ້ງທີ XIII ຂອງພັກ, ທ່ານ Marcelo Rodriguez ໄດ້ເນັ້ນໜັກເຖິງບົດບາດສຳຄັນພິເສດຂອງຄະນະບໍລິຫານງານສູນກາງພັກກອມມູນິດ ຫວຽດນາມ ໃນການຊີ້ນຳນຳພາຢ່າງຮອບດ້ານພາລະກິດແຫ່ງການປ່ຽນແປງໃໝ່ ແລະ ພັດທະນາປະເທດຊາດໃນຊຸມທົດສະວັດຜ່ານມາ, ເປັນຕົ້ນແມ່ນເມື່ອຫວຍດນາມ ກະກຽມສະຫຼອງ 40 ປີແຫ່ງການປະຕິບັດພາລະກິດແຫ່ງການປ່ຽນແປງໃໝ່ (1986 – 2026).