(VOVWORLD) - ເວທີປາໄສວິສາຫະກິດນັກຮົບເກົ່າບັນດາປະເທດ ອາຊຽນ (VECONAC) ຄັ້ງທີ 1 ໄດ້ຈັດຂຶ້ນໃນຕອນເຊົ້າວັນທີ 25 ຕຸລາ, ຢູ່ ຮ່າໂນ້ຍ.
 (ທ່ານນາງ ຫວໍ້ທິແອັງຊວັນ, ຮອງປະທານປະເທດ ຫວຽດນາມ) |
ເຂົ້າຮ່ວມ ແລະ ກ່າວຄຳເຫັນທີ່ເວທີປາໄສ, ທ່ານນາງ ຫວໍ້ທິແອັງຊວັນ, ຮອງປະທານປະເທດ ຫວຽດນາມ ຖືວ່າ, ການພັດທະນາຂອງການປະຕິວັດອຸດສາຫະກຳຄັ້ງທີ 4, ພ້ອມກັບບັນດາທ່າອ່ຽງຫັນເປັນດີຈີຕອນ, ຫັນເປັນສີຂຽວ, ການປົກປັກຮັກສາສິ່ງແວດລ້ອມ, ການຮັບມືກັບການປ່ຽນແປງຂອງດິນຟ້າອາກາດ… ພວມວາງອອກບັນດາຄວາມຮຽກຮ້ອງໃໝ່ໃຫ້ແກ່ປະຊາຄົມວິສາຫະກິດ ອາຊຽນ.
“ຂ້າພະເຈົ້າຫວັງວ່າ, ດ້ວຍຄວາມຕັດສິນໃຈ ແລະ ເຈດຈຳນົງກ້າແກ່ນຂອງບັນດາທະຫານໃນເມື່ອກ່ອນ; ດ້ວຍນ້ຳໃຈເພື່ອນຮ່ວມກົມກອງ, ສາມັກຄີ ແລະ ເລີ່ມ startup ຢ່າງແຮງ, ບັນດາວິສາຫະກິດນັກຮົບເກົ່າຈະຫັນວິທິການແລກປ່ຽນ, ການເຊື່ອມຕໍ່ເປັນຫຼາຍຮູບຫຼາຍແບບ, ເຊື່ອມຕໍ່, ຮ່ວມມືຢ່າງມີປະສິດທິຜົນ, ສອດຄ່ອງກັບເປົ້າໝາຍ, ຍຸດທະສາດພັດທະນາ, ສ້າງຫຼາຍຄຸນຄ່າດ້ານເສດຖະກິດ - ສັງຄົມ, ບໍ່ພຽງແຕ່ໃຫ້ແກ່ວິສາຫະກິດເທົ່ານັ້ນ, ຫາກຍັງໃຫ້ແກ່ປະຊາຊົນ ແລະ ປະຊາຄົມອີກດ້ວຍ. ອີກເທື່ອໜຶ່ງ, ຫວຽດນາມ ໃຫ້ຄຳໝັ້ນສັນຍາຈະສືບຕໍ່ສ້າງເງື່ອນໄຂສະດວກເພື່ອຊຸກຍູ້ການຮ່ວມມືລະຫວ່າງວິສາຫະກິດ, ນັກທຸລະກິດນັກຮົບເກົ່າ ອາຊຽນ, ປະກອບສ່ວນເຂົ້າໃນຄວາມມານະພະຍາຍາມລວມ ເພື່ອສ້າງປະຊາຄົມອາຊຽນ ສາມັກຄີ, ສ້າງຄວາມເຂັ້ມແຂງ ແລະ ພັດທະນາແບບຍືນຍົງ”.