ສະພາແຫ່ງຊາດປຶກສາຫາລືຮ່າງກົດໝາຍຫຼາຍສະບັບ

ຢູ່ບັນດາໜ່ວຍປຶກສາຫາລືກ່ຽວກັບຮ່າງກົດໝາຍວ່າດ້ວຍການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍຜັງເມືອງ, ບັນດາສະມາຊິກສະພາແຫ່ງຊາດສະເໜີຂໍ້ກຳນົດການພົວພັນລະຫວ່າງບັນດາໝວດການວາງແຜນຜັງລະດັບຊາດຮັບປະກັນລັກສະນະເປັນໄປໄດ້, ເປັນເອກະພາບ, ແກ້ໄຂຄວາມຫຍຸ້ງຍາກ, ຂໍ້ຕິດຄັດທີ່ຮີບດ່ວນໃນຕົວຈິງ.

ກ່ຽວກັບການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການປະມູນ, ອະນຸຍາດໃຫ້ນຳໃຊ້ບັນດາຂໍ້ກຳນົດກ່ຽວກັບການປະມູນກ່ອນ, ບັນດາສະມາຊິກສະພາແຫ່ງຊາດສະເໜີພິຈາລະນາສິດ ແລະ ຄວາມຮັບຜິດຊອບຂອງເຈົ້າຂອງລົງທຶນ, ນັກປະມູນ ເພື່ອໃຫ້ມີຂໍ້ກຳນົດທີ່ສອດຄ່ອງ ແນໃສ່ຮັບປະກັນການປົກປ້ອງສິດ ແລະ ຜົນປະໂຫຍດອັນຊອບທຳຂອງທັງ 2 ຝ່າຍ. ກ່ຽວກັບກົດໝາຍວ່າດ້ວຍຜັງເມືອງ, ທ່ານປະທານສະພາແຫ່ງຊາດ ເຈິ່ນແທັງເໝີ້ນ, ເນັ້ນໜັກວ່າ:

“ກົດໝາຍວ່າດ້ວຍຜັງເມືອງ ສະບັບປັບປຸງຕ້ອງຮັບປະກັນການປະຕິບັດຕາມລັກສະນະຕໍ່ເນື່ອງ, ສືບທອດຄວາມສະຖຽນລະພາບ, ຂັ້ນຕອນໃນລະບົບວາງແຜນຜັງລະດັບຊາດ. ຮັບປະກັນລັກສະນະເປັນເອກະພາບ, ຄົບຊຸດລະຫວ່າງການວາງແຜນຜັງກັບຍຸດທະສາດ ແລະ ແຜນການພັດທະນາເສດຖະກິດ, ສັງຄົມ; ຮັບປະກັນການສົມທົບກັນຄຸ້ມຄອງຂະແໜງ, ຄຸ້ມຄອງຜືນແຜ່ນດິນ, ຮັບປະກັນການປ້ອງກັນຊາດ ປ້ອງກັນຄວາມສະຫງົບ, ການປົກປັກຮັກສາສິ່ງແວດລ້ອມ; ຮັບປະກັນຄວາມກົມກຽວລະຫວ່າງຜົນປະໂຫຍດແຫ່ງຊາດ, ບັນດາທ້ອງຖິ່ນ, ຜົນປະໂຫຍດຂອງປະຊາຊົນ, ໃນນັ້ນຜົນປະໂຫຍດແຫ່ງຊາດແມ່ນສູງສຸດ”.

ສຳລັບກົດໝາຍວ່າດ້ວຍການລົງທຶນພາກລັດ - ເອກະຊົນ, ຮ່າງກົດໝາຍເປີດກວ້າງຂົງເຂດລົງທຶນຕາມຮູບແບບພາກລັດ - ເອກະຊົນ (PPP) ແລະ ຫຼຸດລະດັບຂອບເຂດໜ້ອຍສຸດເພື່ອສ້າງເງື່ອນໄຂ, ເພີ່ມທະວີການເຂົ້າຮ່ວມຂອງພາກເອກະຊົນໃນການປະຕິບັດບັນດາໜ້າທີ່ຂອງລັດ.