ທ່ານປະທານາທິບໍດີ ອາເມລິກາ ກໍໃຫ້ຮູ້ວ່າ ທ່ານພວມມານະພະຍາຍາມສັບຊ້ອນການພົບປະທຳອິດລະຫວ່າງການນຳ ລີບັງ ແລະ ອິດສະຣາແອັນ ຢູ່ ອາເມລິກາ. ກ່ອນໜ້ານັ້ນ, ອິດສະຣາແອັນ ແລະ ລີບັງ ໄດ້ເຈລະຈາພາຍໃຕ້ການເປັນກາງໄກ່ເກ່ຍຂອງ ອາເມລິກາ ແລະ ວັນທີ 14 ເມສາ ສອງຝ່າຍໄດ້ເຫັນດີດຳເນີນການເຈລະຈາແບບເຊິ່ງໜ້າ ພາຍຫຼັງທີ່ມີບັນດາການ “ປຶກສາຫລືຢ່າງມີປະສິດທິຜົນ” ຢູ່ ວໍຊິງຕັນ.
ພາຍຫຼັງແຈ້ງການນີ້, ຫຼາຍປະເທດ ອາຣັບ ໄດ້ພ້ອມກັນສະແດງຄວາມຊົມເຊີຍຕໍ່ຄຳສັ່ງຢຸດຍິງ, ຖືນີ້ແມ່ນບາດກ້າວທຳອິດມຸ່ງໄປເຖິງການສ້າງຄວາມໝັ້ນຄົງ ແລະ ສະຖຽນລະພາບຢູ່ທົ່ວພາກພື້ນຄືນໃໝ່. ກໍໃນຕອນຄ່ຳວັນດຽວກັນ, ສປຊ ພ້ອມດ້ວຍຫຼາຍປະເທດໃນພາກພື້ນ ແລະ ເອີຣົບ ໄດ້ສະແດງຄວາມຊົມເຊີຍຄຳສັ່ງຢຸດຍິງ; ພ້ອມທັງກະຕຸກຊຸກຍູ້ບັນດາຝ່າຍ ຈົ່ງປະຕິບັດຂໍ້ຕົກລົງຢ່າງເຂັ້ມງວດ, ສ້າງປະຖົມປັດໄຈໃຫ້ແກ່ການຫຼຸດຜ່ອນຄວາມເຄັ່ງຕຶງ ແລະ ຢຸດຕິການປະທະກັນໃນໄລຍະຈະມາເຖິງຢ່າງສິ້ນເຊີງ.
ມິງໂງ, ບາທີ - ນັກຂ່າວ VOV ປະຈຳ ອີຢິບ
