ວັນທີ 19 ມີນາ, ວັງ Kremlin ໃຫ້ຮູ້ວ່າວິວັດການເຈລະຈາສາມຝ່າຍກ່ຽວກັບການແກ້ໄຂການປະທະກັນຢູ່ຢູແກຼນ ປັດຈຸບັນພວມຖືກຢຸດຕິໄວ້ຊົ່ວຄາວ ຍ້ອນບັນດາປັດໄຈພາວະວິໄສກ່ຽວກັບສະພາບການສາກົນ ແລະ ສິ່ງນີ້ບໍ່ໝາຍຄວາມວ່າ ວິວັດການຢຸດສະຫງັກນີ້ຈະແກ່ຍາວ. ພາຍຫຼັງບັນດາຝ່າຍເຫັນດີເປັນເອກະພາບແຜນການໄດ້, ພິເສດແມ່ນຝ່າຍອາເມລິກາ, ບັນດາການເຈລະຈາຈະໄດ້ເລີ່ມຕົ້ນຄືນໃໝ່. ຝ່າຍລັດເຊຍຫວັງວ່າການເຈລະຈາຈະສືບຕໍ່ໄດ້ເຊື່ອມຕໍ່ຄືນໃໝ່ໂດຍໄວທີ່ສຸດເທົ່າທີ່ຈະໄວໄດ້ ແລະ ປະເທດນີ້ຍັງຮັກສາບັນດາຊ່ອງທາງຕິດຕໍພົວພັນກັບບັນດາຝ່າຍທີ່ກ່ຽວຂ້ອງ. ກ່ອນໜ້ານັ້ນ, ວັນທີ 18 ມີນາ, ໃນສື່ສັງຄົມອອນໄລ X, ທ່ານປະທານາທິບໍດີ ຢູແກຼນ Volodymyr Zelensky ໃຫ້ຮູ້ວ່າເລື່ອງບັນລຸໄດ້ສັນຕິວິທີໃຫ້ແກ່ການການປະທະກັນນີ້ຍັງມີຫຼາຍແຫ່ງຫວັງ. ການນຳ ຢູແກຼນ ຢັ້ງຢືນວ່າ ປະເທດນີ້ ຍັງເດີນຕາມເສັ້ນທາງການທູດ ແລະ ຮຽກຮ້ອງໃຫ້ບັນດາຝ່າຍສືບຕໍ່ຊອກຫາບັນດາວິທີການເພື່ອແນໃສ່ຢຸດຕິການປະທະກັນ.