ເຂດຕັ້ງຖິ່ນຖານຄົງທີ່ຂອງອິດສະລາແອນຢູ່ຝັ່ງຕາເວັນຕົກ (ພາບ: AFP/TTXVN)

ໃນແຈ້ງການທີ່ຫາກໍ່ໄດ້ຍົກອອກ, EU ໄດ້ຢ້ຳຄືນຫຼັກໝັ້ນທີ່ມີແຕ່ດົນນານວ່າ ທຸກໆການເຄື່ອນໄຫວຕັ້ງຖິ່ນຖານຄົງທີ່ໃນດິນແດນທີ່ປະເທດ ອິດສະລາແອນຢຶດຄອງນັ້ນ ແມ່ນ ການກະທຳທີ່ຜິດກົດໝາຍ ແລະ ເຮັດໃຫ້ວິທີການແກ້ໄຂຂອງທັງສອງປະເທດ ກໍ່ຄືແງ່ຫວັງກ່ຽວກັບພື້ນຖານສັນຕິພາບທີ່ຍາວນານຢູ່ເຂດນີ້ຖືກຫຼຸດໜ້ອຍລົງ. ແຈ້ງການດັ່ງກ່າວໄດ້ຍົກອອກມາພາຍຫຼັງອົງການ Peace Now ໂດຍເປັນອົງການຕິດຕາມກວດກາ, ຕ້ານການຕັ້ງຖິ່ນຖານຄົງທີ່ຢູ່ ອິດສະລາແອນ ໃຫ້ຮູ້ວ່າ ໃນເດືອນກ່ອນ, ວົງການເຈົ້າໜ້າທີ່ ອິດສະລາແອນ ໄດ້ຮັບຮອງເອົາຫຼາຍຂັ້ນຕອນຂອງການວາງແຜນກໍ່ສ້າງ ເຮືອນໃໝ່ 2.342 ຫຼັງຢູ່ເຂດຝັ່ງ ຕາເວັນຕົກ. ນອກຈາກນັ້ນ, ຕາມອົງການນີ້ແລ້ວ, ໃນປີນີ້, ອິດສະລາແອນຈະຊຸກຍູ້ບັນດາແຜນການກໍ່ສ້າງເຮືອນກວ່າ 8.300 ຫຼັງ,ເພີ່ມຂຶ້ນ 50% ເມື່ອທຽບໃສ່ປີ 2018.