ກອງປະຊຸມລັດຖະມົນຕີ ໂທລະຄົມມະນາຄົມ-ເຕັກໂນໂລຊີຂໍ້ມູນຂ່າວສານອາຊຽນ
ກອງປະຊຸມລັດຖະມົນຕີ ໂທລະຄົມມະນາຄົມ ແລະ ເຕັກໂນໂລຊີຂໍ້ມູນຂ່າວສານ ອາຊຽນ 2014
|
(vovworld)- ແຕ່ວັນທີ 26-27/11, ຢູ່ ນະຄອນ ດາຫນັງ, ກະຊວງຖະແຫລງຂ່າວ ແລະ ສື່ສານ ຫວຽດນາມ ໄດ້ເປັນເຈົ້າພາບຈັດຕັ້ງກອງປະຊຸມລັດຖະມົນຕີ ໂທລະຄົມມະນາຄົມ ແລະ ເຕັກໂນໂລຊີຂໍ້ມູນຂ່າວສານ ອາຊຽນ ຄັ້ງທີ 15. ເຂົ້າຮ່ວມກອງປະຊຸມ ມີລັດຖະມົນຕີ ຮັບຜິດຊອບດ້ານຄົມມະນາຄົມ ແລະ ເຕັກໂນໂລຊີຂໍ້ມູນຂ່າວສານ 10 ປະເທດ ອາຊຽນ, ທ່ານເລຂາທິການໃຫຍ່ ອາຊຽນ ແລະ ບັນດາຝ່າຍເຂົ້າຮ່ວມການເຈລະຈາ ພ້ອມກັບຜູ້ແທນ 250 ທ່ານ. ບັນດາທ່ານລັດຖະມົນຕີເຂົ້າຮ່ວມກອງປະຊຸມຈະປຶກສາຫາລື ແລະ ຮັບຮອງເອົາໂຄງການ, ການເຄື່ອນໄຫວຮ່ວມມື ເພື່ອເພີ່ມທະວີການເຊື່ອມຕໍ່ກ່ຽວກັບພື້ນຖານໂຄງລ່າງຂໍ້ມູນຂ່າວສານ, ຮັດແຄບຊ່ອງຫວ່າງ ແລະ ຍົກສູງຄວາມສາມາດນຳໃຊ້ເຕັກໂນໂລຊີຂໍ້ມູນຂ່າວສານໃນອາຊຽນ, ໂຄງການຮ່ວມມືກັບບັນດາປະເທດຄູ່ເຈລະຈາ ແລະ ບັນດາອົງການສາກົນ.