(vovworld) - ກ່າວຄຳເຫັນທີ່ງານລ້ຽງ, ເນື່ອງໃນໂອກາດສະເຫຼີມສະຫຼອງ 20 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ - ສ.ເກົາຫຼີ ໂດຍສະຖານທູດຫວຽດນາມ ປະຈຳ ສ.ເກົາຫຼີ ຈັດຕັ້ງຂຶ້ນໃນຕອນຄໍ່າວັນທີ 7/12 ຢູ່ ເຊີອູນ ດ້ວຍການເຂົ້າຮ່ວມຂອງທ່ານນາຍົກລັດຖະມົນຕີ ສ.ເກົາຫຼີ Kim Hwang Sik ພ້ອມກັບແຂກຖືກເຊີນຂອງສອງປະເທດເປັນຈຳນວນຫຼວງຫຼາຍ, ທ່ານລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ຢືນຢັນວ່າ: “ນະໂຍບາຍຍາວນານ, ສະເໝີຕົ້ນສະເໝີປາຍ ແລະ ແມ່ນການຄັດເລືອກທີ່ມີລັກສະນະຍຸດທະສາດຂອງລັດ ແລະ ປະຊາຊົນຫວຽດນາມ ນັ້ນ ແມ່ນເພີ່ມທະວີ ແລະ ເຮັດໃຫ້ການພົວພັນຮ່ວມມືຮອບດ້ານກັບສ.ເກົາຫຼີ ນັບມື້ນັບເລິກເຊິ່ງຂຶ້ນຕື່ມ”. ທ່ານລັດຖະມົນຕີ ຟ້າມບິ່ງມິງ ເຊື່ອໝັ້ນວ່າ ດ້ວຍຄວາມຕັດສິນໃຈ ແລະ ຄວາມມານະພະຍາຍາມລວມຂອງການນຳ ແລະ ປະຊາຊົນສອງປະເທດ, ສາຍພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ ແລະ ສ.ເກົາຫຼີ ຈະສືບຕໍ່ໄດ້ຮັບການພັດທະນາຢ່າງແຮງ ແລະ ກວ້າງແຂວາງກວ່າອີກ ໃນສະຕະວັດທີ 21 , ເພື່ອອະນາຄົດທີ່ສົດໃສຂອງສອງຊາດ, ປະກອບສ່ວນເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ຢູ່ໃນໂລກ.