(vovworld) – ຕອນຄຳ່ວັນທີ 2/2, ຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ ທີ່ນະຄອນ New York ແຫ່ງ ອາເມລິກາ ໄດ້ຈັດຕັ້ງງານພົບປະສັງສັນອວຍພອນປີໃໝ່ ປີມະເສງ 2013. ດ້ວຍການເຂົ້າຮ່ວມຂອງກ່ວາ 300 ທ່ານ ເຊິ່ງແມ່ນເຈົ້າໜ້າທີ່ທ້ອງຖິ່ນ, ບັນດານັກການທູດຕ່າງປະເທດປະຈຳສະຫະປະຊາຊາດ ພ້ອມກັບພໍ່ແມ່ປະຊາຊົນຊາວ ຫວຽດນາມ, ນັກຮຽນ, ນັກສຶກສາ ຫວຽດນາມ ທີ່ພວມດຳລົງຊີວິດ ແລະ ຮຳ່ຮຽນ ຢູ່ອາເມລິກາ ແລະ ພະນັກງານ, ພາລະກອນຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດ ແລະ ບັນດາອົງການທີ່ກ່ຽວຂ້ອງ. ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ເລຮ່ວາຍຈູງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດ ໃຫ້ຮູ້ວ່າ: ນັບມື້ນັບມີຫຼາຍຫາງສຽງຕ່າງປະເທດສະແດງຄວາມປິຕິຊົມຊື່ນ ຕໍ່ເຕີບໂຕຂອງ ຫວຽດນາມ ດ້ວຍບົດບາດທີ່ຕັ້ງທີ່ໄດ້ຮັບການຢືນຢັນໃນເວທີສາກົນ. ທ່ານເອກອັກຄະລັດຖະທູດ ເລຮ່ວາຍຈູງ ຢັ້ງຢືນວ່າ: ຫວຽດນາມ ຈະແມ່ນສະມາຊິກທີ່ຕັ້ງໜ້າ, ມີປະສິດທິຜົນຂອງສະຫະປະຊາຊາດ ແລະ ບັນດາອົງການສາກົນ ຕະຫຼອດໄປ.
ແລະກໍ່ໃນຕອນຄຳ່ວັນທີ 2/2, ສະຖານທູດ ຫວຽດນາມ ປະຈຳ ອັກຊັງຕີນ ໄດ້ຈັດຕັ້ງງານພົບປະສັງສັນອວຍພອນປີໃໝ່ ດ້ວຍການເຂົ້າຮ່ວມຂອງຊາວ ຫວຽດນາມ ອາໄສຢູ່ ອັກຊັງຕີນ. ທ່ານເອກອັກຄະລັດຖະທູດ ຫວຽດນາມ ປະຈຳ ອັງຊັງຕີນ ຫງວຽນວັນດາວ ໄດ້ແຈ້ງໃຫ້ຊາບບັນດາຜົນງານໃນທຸກໆດ້ານຂອງປະເທດຊາດໃນປີ 2012, ພ້ອມທັງຊີ້ແຈ້ງບັນດາບາດກ້າວພັດທະນາຢ່າງດີງາມໃນການພົວພັນຮ່ວມມືລະຫວ່າງ ຫວຽດນາມ ແລະ ອັງຊັງຕີນ ໃນໄລຍະຜ່ານມາ.