ໂດຍສືບຕໍ່ກອງປະຊຸມຄັ້ງທີ 48, ຕອນເຊົ້າວັນທີ 14 ກັນຍາ, ຢູ່ຮ່າໂນ້ຍ, ຄະນະປະຈຳສະພາແຫ່ງຊາດຫວຽດນາມ ໄດ້ປະກອບຄຳເຫັນໃສ່ບັນດາບົດລາຍງານວຽກງານປີ 2020 ຂອງສານປະຊາຊົນສູງສຸດ, ອົງການໄອຍະການປະຊາຊົນສູງສຸດ; ບັນດາບົດລາຍງານຂອງລັດຖະບານກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ແລະ ລະເມີດກົດໝາຍ, ວຽກງານປະຕິບັດຄຳຕັດສິນຂອງສານ ແລະ ວຽກງານປ້ອງກັນ, ຕ້ານການສໍ້ລາດບັງຫຼວງປີ 2020.

          ແລະກໍ່ໃນວັນທີ 14 ກັນຍາ, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນໃສ່ບັນດາບົດລາຍງານຂອງລັດຖະບານ, ສານປະຊາຊົນສູງສຸດ, ອົງການໄອຍະການປະຊາຊົນສູງສຸດກ່ຽວກັບການແກ້ໄຂການຮ້ອງທຸກ, ຮ້ອງຟ້ອງປີ 2020 ແລະ ປະກອບຄຳເຫັນໃສ່ການປະຕິບັດບາງຂໍ້ກຳນົດຂອງປະມວນກົດໝາຍດຳເນີນຄະດີອາຍາປີ 2015.