ເພື່ອຕອບສໍາພາດຕໍ່ສື່ມວນຊົນ, ທ່ານ ໂດ໋ກວັກຮຶງ ຮອງຫົວໜ້າກົມ ອາຊີ, ອາຟີີຼກາ (ສັງກັດກະຊວງອຸດສາຫະກໍາ ແລະ ການຄ້າຫວຽດນາມ) ຖືວ່າ ເພື່ອຊຸກຍູ້ການຮ່ວມມືດ້ານເສດຖະກິດລະຫວ່າງຫວຽດນາມ ແລະ ສປປ.ເກົາຫຼີ ໃນໄລຍະຈະມາເຖິງ, ສອງຝ່າຍ ອາດຈະສືບຕໍ່ຮັກສາການພົບປະ, ແລກປ່ຽນຂໍ້ມູນຂ່າວສານຜ່ານຊ່ອງທາງການເມືອງ-ການຕ່າງປະເທດ ແລະ ພົບປະແລກປ່ຽນປະຊາຊົນ. ໄປຄຽງຄູ່ກັນນັ້ນ, ສອງຝ່າຍຄວນເພີ່ມທະວີການເຄື່ອນໄຫວແບ່ງປັນຂໍ້ມູນຂ່າວສານກ່ຽວກັບນະໂຍບາຍ, ຂໍ້ກໍານົດກ່ຽວກັບການຄຸ້ມຄອງເສດຖະກິດ, ການນໍາເຂົ້າ-ສົ່ງອອກ, ການລົງທຶນ... ຂອງແຕ່ລະຝ່າຍ. ພ້ອມທັງ, ເພີ່ມທະວີການເຄື່ອນໄຫວແລກປ່ຽນ, ແບ່ງປັນປະສົບການໃນການຄຸ້ມຄອງ ແລະ ພັດທະນາເສດຖະກິດ-ສັງຄົມ ລະຫວ່າງບັນດາອົງການຄົ້ນຄວ້າຂອງສອງຝ່າຍ; ບັນດາວິສາຫະກິດເພີ່ມທະວີການເຂົ້າຮ່ວມບັນດາງານວາງສະແດງສິນຄ້າ, ການເຄື່ອນໄຫວສົ່ງເສີມການຄ້າຢູ່ແຕ່ລະປະເທດ, ສົ່ງເສີມການນໍາເຂົ້າສົ່ງອອກ...

        ທ່ານໂດ໋ກວັກຮຶງ ໃຫ້ຮູ້ວ່າ ນັບແຕ່ປີ 2011 ຫວຽດນາມ ບໍ່ໄດ້ນໍາເຂົ້າ ເຊິ່ງສ່ວນຫຼາຍແມ່ນສົ່ງອອກສິນຄ້າປະເພດທີ່ຈໍາເປັນໄປຍັງ ສປປ.ເກົາຫຼີ. ປີ 2017, ການສົ່ງອອກຂອງຫວຽດນາມໄປຍັງ ສປປ.ເກົາຫຼີ ບັນລຸ 7,3 ຕື້ USD ສໍາລັບປະເພດສິນຄ້າຄື ເຂົ້າໜົມ, ຜະລິດຕະພັນຢາປົວພະຍາດ. ປີ 2018, ວົງເງິນສົ່ງອອກຂອງຫວຽດນາມ ໄປຍັງ ສປປ.ເກົາຫຼີ ບັນລຸ 579.000 USD, ສໍາລັບປະເພດສິນຄ້າສົ່ງອອກຄື ເຂົ້າໜົມ, ເຄື່ອງເຟີນີເຈີ...