ກ່າວຄໍາເຫັນທີ່ການປະຊຸມຂ່າວ ພາຍຫຼັງການເຈລະຈາ, ທ່ານລັດຖະມົນຕີການຕ່າງປະເທດອາເມລິກາ Pompeo  ໄດ້ຢັ້ງຢືນອີກເທື່ອໜຶ່ງ ກ່ຽວກັບການເດີນທາງຂອງທ່ານໄປພຽງຢາງ ຊຶ່ງບັນລຸໄດ້ຄວາມກ້າວໜ້າໃດໜຶ່ງທີ່ແນ່ນອນ. ແຕ່ວ່າ, ທ່ານລັດຖະມົນຕີ            ການຕ່າງປະະເທດອາເມລິກາ ຍັງຢັ້ງຢືນວ່າ ວໍຊິງຕັນ ຈະສືບຕໍ່ຮັກສາຄໍາສັ່ງລົງໂທດສໍາລັບ ສປປ.ເກົາຫຼີ ຈົນກວ່າເວລາ ພຽງຢາງ ປະຕິບັດການປອດນິວເຄຼຍຢ່າງສິ້ນເຊິງ.

        ໃນຂະນະນັ້ນ, ທ່ານ Taro Kono ລັດຖະມົນຕີກະຊວງການຕ່າງປະເທດ ປະເທດເຈົ້າພາບ ກໍໄດ້ຢືນຢັນຫຼັກໝັ້ນສະເໝີຕົ້ນສະເໝີປາຍວ່າ ສາມປະເທດ ຍີ່ປຸ່ນ - ອາເມລິກາ - ສ.ເກົາຫຼີ ຈະເພີ່ມທະວີການຮ່ວມມື ເພື່ອມຸ່ງໄປເຖິງເປົ້າໝາຍສ້າງແຫຼມເກົາຫຼີປອດນິວເຄຼຍຢ່າງສິ້ນເຊິງ. ຍີ່ປຸ່ນກໍຈະຮ່ວມມືກັບວົງຄະນະຍາດສາກົນ ເພື່ອປະຕິບັດບັນດາມະຕິລົງໂທດ ຂອງສະພາຄວາມໝັ້ນຄົງສະຫະປະຊາຊາດ ສໍາລັບ ສປປ.ເກົາຫຼີ ຢ່າງເຂັ້ມງວດ. ສ່ວນທ່ານລັດຖະມົນຕີການຕ່າງປະເທດ ສ.ເກົາຫຼີ Kang Kyung –wha ເນັ້ນໜັກວ່າ ສ.ເກົາຫຼີ ພ້ອມແລ້ວທີ່ຈະເຮັດທຸກວິທີທາງ ເພື່ອໃຫ້ການເຈລະຈາລະຫວ່າງອາເມລິກາ ແລະ ສປປ. ເກົາຫຼີສືບຕໍ່ໄດ້ດໍາເນີນ ແລະ ບັນລຸໄດ້ໝາກຜົນດີ.