ວັນທີ 21 ມິຖຸນາ, ກະຊວງການຕ່າງປະເທດ ຫວຽດນາມ ໄດ້ອອກແຈ້ງການໂດຍໃຫ້ຮູ້ວ່າ: ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈະໄປຢ້ຽມຢາມ ສປ ຈີນ ຢ່າງເປັນທາງການ ແລະ ເຂົ້າຮ່ວມກອງປະຊຸມປະຈຳປີ ບັນດາປະເທດນຳໜ້າ ຄັ້ງທີ 14 ຂອງເວທີປາໄສເສດຖະກິດໂລກ WEF ຊຶ່ງຈັດຂຶ້ນແຕ່ວັນທີ 25 – 28 ມິຖຸນາ. ການຢ້ຽມຢາມ ໄດ້ປະຕິບັດຕາມຄຳເຊີນຂອງທ່ານ ຫຼີຊຽນ, ນາຍົກລັດຖະມົນຕີ ສປ ຈີນ ແລະ ທ່ານ Klaus Schwab, ຜູ້ກໍ່ຕັ້ງທັງເປັນປະທານຝ່າຍບໍລິຫານເວທີປາໄສເສດຖະກິດໂລກ (WEF).