(ທ່ານປະທານປະເທດ ເລືອກເກື່ອງ ໄດ້ພົບປະກັບຜູ້ມີສິດເລືອກຕັ້ງ)

        ໂດຍປະຕິບັດລາຍການພົບປະກັບຜູ້ມີສິດເລືອກຕັ້ງ, ພາຍຫຼັງກອງປະຊຸມສະໄໝສາມັນເທື່ອທີ 8, ສະພາແຫ່ງຊາດຊຸດທີ 15. ຕອນເຊົ້າວັນທີ 04 ທັນວາ, ຢູ່ແຂວງ ແທັງຮວາ, ທ່ານປະທານປະເທດ ຫວຽດນາມ ເລືອກເກື່ອງ ໄດ້ພົບປະກັບຜູ້ມີສິດເລືອກຕັ້ງຢູ່ບໍລິເວນເມືອງ ເທື່ອງຊວັນ, ແຂວງ ແທັງຮວາ. ຢູ່ທີ່ນີ້, ທ່ານປະທານປະເທດ ເລືອງເກື່ອງ ໄດ້ແຈ້ງຂໍ້ມູນກ່ຽວກັບສະພາບການຂອງ ຫວຽດນາມ ໃນປີ 2024, ບັນດາໝາກຜົນທີ່ບັນລຸໄດ້ໃນການພັດທະນາເສດຖະກິດ - ສັງຄົມໃນໄລຍະ 10 ປີຜ່ານມາ.

        “ກ່ຽວກັບລະບອບລະບຽບການ, ບ່ອນໃດຕິດຄ້າງ, ອຸດຕັນ, ພວກເຮົາສືບຕໍ່ແກ້ໄຂ. ສິ່ງດັ່ງກ່າວໄດ້ເປັນເອກະພາບເປັນຢ່າງສູງໃນພະນັກງານຫຼັກແຫຼ່ງ, ໃນກົມການເມືອງ, ຄະນະບໍລິຫານງານສູນກາງພັກ, ນຳໜ້າແມ່ນທ່ານເລຂາທິການໃຫຍ່ ໂຕເລິມ. ພວກຂ້າພະເຈົ້າໄດ້ປຶກສາຫາລືຢ່າງລະອຽດ, ສິ່ງໃດທີ່ຈະແຈ້ງ, ຖືກຕ້ອງພວກເຮົາຈະຜັນຂະຫຍາຍ, ສິ່ງໃດທີ່ຍັງຕິດຄ້າງຍ້ອນກົດໝາຍ ພວກເຮົາປັບປຸງກົດໝາຍ”.

        ທ່ານປະທານປະເທດສະເໜີວ່າ, ອຳນາດການປົກຄອງທຸກຂັ້ນ, ແນວໂຮມປະເທດຊາດ, ບັນດາໝູ່ຄະນະ ແລະ ປະຊາຊົນໃນເມືອງ ເທື່ອງຊວັນ ຈະສືບຕໍ່ຍູ້ແຮງການປະຕິຮູບຕຸລາການ, ປັບປຸງສະພາບແວດລ້ອມແຫ່ງການດຳເນີນທຸລະກິດຢ່າງແຮງ; ສຸມໃສ່ຄົ້ນຄວ້າລະອຽດເພື່ອປຸກລຸກຄວາມສາມາດບົ່ມຊ້ອນ, ທ່າແຮງ, ບັນດາປັດໄຈທີ່ສະດວກຂອງເມືອງໃນວິວັດການພັດທະນາ.