ທ່ານນາງປະທານສະພາແຫ່ງຊາດ ຫງວຽນທິກິມເງິນ ກ່າວຄໍາເຫັນທີ່ການຕ້ອນຮັບ

ທີ່ການຕ້ອນຮັບ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ເຊື່ອໝັ້ນວ່າ ບັນດາໝາກຜົນຂອງກອງປະຊຸມ ຈະປະກອບສ່ວນຢ່າງຕັ້ງໜ້າເຂົ້າໃນການສ້າງບັນດານະໂຍບາຍຂອງບັນດາປະເທດໃນອາຊຽນ ທີ່ກ່ຽວຂ້ອງເຖິງການຊຸກຍູ້, ຮັບປະກັນການໜູນຊ່ວຍຊີວິດສັງຄົມ ສໍາລັບແມ່ຍິງ, ເດັກຍິງ ມຸ່ງໄປເຖິງການປະຕິບັດວິໄສທັດ ອາຊຽນ ຮອດປີ 2025 ກ່ຽວກັບປະຊາຄົມສ້າງຄວາມເຂັ້ມແຂງດ້ວຍຕົນເອງ, ຂະຫຍັນຂັນເຄື່ອນ ແລະ ບັນດາເປົ້າໝາຍພັດທະນາແບບຍືນຍົງ ຮອດປີ 2030. ທ່ານນາງ ຫງວຽນທິກິມເງິນ ຊີ້ແຈ້ງວ່າ ສະພາແຫ່ງຊາດຫວຽດນາມ ພ້ອມແລ້ວທີ່ຈະຮ່ວມມືກັບບັນດາປະເທດ ອາຊຽນ ໃນບັນຫາດັ່ງກ່າວ ເພື່ອພ້ອມກັນແບ່ງປັນບົດຮຽນ ແລະ ພັດທະນາ.

        ເນື່ອງໃນໂອກາດ ກອງປະຊຸມ AMMW ໄດ້ດໍາເນີນຢູ່ຫວຽດນາມ, ທ່ານນາງ ຫງວຽນທິກິມເງິນ ສະເໜີໃຫ້ບັນດາລັດຖະມົນຕີທີ່ຮັບຜິດຊອບບັນດາບັນຫາກ່ຽວກັບແມ່ຍິງຂອງ ອາຊຽນ ຈົ່ງສືບຕໍ່ຊຸກຍູ້ການປະຕິບັດກົດໝາຍ, ນະໂຍບາຍລະດັບຊາດ ແລະ ສົມທົບລະຫວ່າງບັນດາປະເທດສະມາຊິກ ເພື່ອແນໃສ່ຊຸກຍູ້ຄວາມສະເໝີພາບລະຫວ່າງຍິງ - ຊາຍ ແລະ ມອບສິດໃຫ້ແກ່ແມ່ຍິງ; ຮັບປະກັນກາລະໂອກາດໄດ້ຊົມໃຊ້ຄວາມສະເໝີພາບໃນການສຶກສາ, ການເຮັດວຽກ ແລະໄດ້ຊົມໃຊ້ການໜູນຊ່ວຍຊີວິດສັງຄົມ ເພື່ອມຸ່ງໄປເຖິງການປະຕິບັດບັນດາເປ້ົ້າໝາຍລວມຂອງ ປະຊາຄົມ ອາຊຽນ ປີ 2025 ແລະ ໂຄງການດໍາເນີນງານຮອດປີ 2030 ຂອງ ສປຊ.