ທ່ານປະທານາທິບໍດີ Emmanuel Macron ໄດ້ຮັບການເລືອກຕັ້ງດຳລົງຕຳແໜ່ງເປັນປະທານາທາບໍດີ ຝລັ່ງຄືນໃໝ່
(VOVWORLD) -ຕອນເວລາ 8 ໂມງຂອງວັນທີ 24 ເມສາ ຕາມເວລາທ້ອງຖິ່ນ, ປະເທດຝລັ່ງໄດ້ປະກາດປະທານາທາບໍດີ ຄົນໃໝ່ຂອງຕົນ. ຕາມນັ້ນແລ້ວ, ທ່ານປະທານາທິບໍດີ ຝລັ່ງ ຄົນປັດຈຸບັນ Emmanuel Macron ໄດ້ຮັບການເລືອກຕັ້ງຄືນໃໝ່ດ້ວຍອັດຕາບັດສະໜັບສະໜູນໃນເບື້ອງຕົ້ນແມ່ນ 58%.
 ທ່ານປະທານາທິບໍດີ Emmanuel Macron ໄດ້ຮັບການເລືອກຕັ້ງດຳລົງຕຳແໜ່ງເປັນປະທານາທາບໍດີ ຝລັ່ງຄືນໃໝ່ (ພາບ: vov.vn) |
ເຖິງວ່າ ຈຳນວນບັດເລືອກຕັ້ງບໍ່ສູງຄືກັນກັບອາຍຸການກ່ອນ (66%), ແຕ່ຍັງພຽງພໍເພື່ອລື່ນກາຍ ທ່ານນາງ Marine Le Pen ຜູ້ອອກສະໝັກເລືອກຕັ້ງພັກຝ່າຍຂວາ ເພື່ອສືບຕໍ່ດຳລົງຕຳແໜ່ງປະທານາທິບໍດີຝລັ່ງ ໃນ 5 ປີຈະມາເຖິງ.
ກ່າວຄຳເຫັນຕໍ່ບັນດາຜູ້ສະໜັບສະໜູນທ່ານ ຢູ່ຕີນຫໍ Eiffel, ນະຄອນ ປາຣີ ພາຍຫຼັງມີຜົນການຢັ່ງຫາງສຽງເບື້ອງຕົ້ນກ່ຽວກັບໝາກຜົນຂອງການເລືອກຕັ້ງຮອບທີ 2, ທ່ານປະທານາທິບໍດີ Emmanuel Macron ໄດ້ຂອບໃຈປະຊາຊົນທີ່ຕື່ມເຕີມຄວາມໄວ້ເນື້ອເຊື່ອໃຈໃຫ້ແກ່ທ່ານ ເພື່ອສ້າງປະເທດຝລັ່ງໃຫ້ມີເອກະລາດກ່ວາ ແລະ ເປັນເອີລົບທີ່ເຂັ້ມແຂງກ່ວາ, ຜ່ານການລົງທຶນ ແລະ ປ່ຽນແປງຢ່າງເລິກເຊິ່ງກວ້າງຂວາງ.